قوجا اغلارین شعرلری

@gojaaghlar

Kanal geosi va tili: ko‘rsatilmagan, ko‘rsatilmagan

Toifa: ko‘rsatilmagan

Kanal geosi va tili

ko‘rsatilmagan, ko‘rsatilmagan

Toifa

ko‘rsatilmagan

Statistika

Saralanganlar

Postlar filtri

O‘chirilganlarni yashirish

Repostlarni yashirish

قوجا اغلارین شعرلری

7 Jun 2021, 19:30

گوزلریمی

چوخدا اغلاتماگیلان یولدا قالان گوزلریم
غم هیجرینده سولوب بو سارالان گوزلریمی

سنین عشقینده گجه گوندوزی یوخ یوخلامیب
قویما حسرتده قالا بو یورولان گوزلریمی

قویما اخدیرسین اوزه یاشلارینی سیل کیمین او
غم هیجرینده بلوط تک بو دولان گوزلریمی
ایسته دیمکی گری دون قویما کی حسرتده یانا
حسرتینده سارالیب بیرده سولان گوزلریمی

سنین اوغرون باخیشین سالدی منی عشق اودونا
سووندور بیر گری دءون پر پر اولان گوزلریمی

دمدیم کی گری دوءون سال اونی هیجران اودونا
ایاغو توپراغینا سجده قیلان گوزلریمی

انتظاردا بو قوجا اغلاری سن قویما قالا
سالما هیجران اودونا بو کور اولان گوزلریمی

58 1 3

قوجا اغلارین شعرلری

7 Jun 2021, 18:36

یوخدی

16 0 1

قوجا اغلارین شعرلری

6 Jun 2021, 22:30

☘☘/☘☘

35 0 1

قوجا اغلارین شعرلری

5 Jun 2021, 21:12

چتیندی سنسیزلیک ای قاشی کمان❤️❤️

54 0 1

قوجا اغلارین شعرلری

4 Jun 2021, 22:14

گل هارداسان آی داش اورک
اورگ یامان سنسیزلئیب
باخیشیم یولوندا قالیب
ببم یامان سنسیز لیئب❤️❤️

64 0 3

قوجا اغلارین شعرلری

2 Jun 2021, 13:38

یاندی

گوزل سندن بیر جوت اوپوش
من آلینحاج دوداغ یاندی
چاتینجان لبیم لبینه
گونش باتدی چیراغ یاندی

حسرتیندن گلدیم جانا
گوز یاشلاریم دؤندی قانا
ویرینجان تئلینه شانه
اللریمده داراغ یاندی

آغلار دئیر دوشدوم درده
یامان قالدیم درد سرده
من دردیمی یازان یئرده
قلم سوسدی واراغ یاندی
۱۴۰/۳/۱۲ جمشید مسیب زاده❤️❤️
قوجا اغلار
@gojaaghlar

111 0 1

قوجا اغلارین شعرلری

1 Jun 2021, 10:51

جانان سنی هر اولکه دن
سوراغ توتوب اختارارام
یوللارینا هر گئجه من
چیراغ توتوب اختارارام❤️❤️

107 0 1

قوجا اغلارین شعرلری

1 Jun 2021, 10:15

درد آزالمیر

گئجه گوندوز آه چکیرم
آغلایرام درد آزالمیر
اورگیمین باشین چارپاز
داغلایرام درد آزالمیر

زمان منه دوداغ بوزوب
باغریمین باشینی اَزیب
دردین دریاسیندااوزوب
چاغلایرام درد آزالمیر

آغلارتوتوب یولومی چن
درده درمان تاپمادین سن
گوز یاشیلان یارامی من
باغلیرام درد آزالمیر
۱۴۰۰/۳/۱۰ جمشید مسیب زاده
قوجا اغلار
@gojaaghlar

101 0 1

قوجا اغلارین شعرلری

1 Jun 2021, 09:50

.....................................................................

87 0 0

قوجا اغلارین شعرلری

30 May 2021, 20:45

یاتانمیر

بیر عده آجیندان گئجه یاتانمیر
بیر عده اوزونه ویلا سالدیریر
ادام وار یاپیشیر ایاخدان چکیر
ادام واردی یئخیلانی قالدیریر

بیلمیرم بو دنیا نئجه دنیاندی
قونشونون قونشودان خبری اولمور
بیرینین دنیادا هیچ گوزی یوخدور
بیرینیده تاماه بایداسی دولمور

آدام وار ائوینه چورک آلانمیر
آدام وار ائونه ده بیر قویون یئیر
آدام وار زورلودی امما آدامدی
ادام وار دنیادا هئچ ادام دئیر

یانماق اورکده دی محبت گوزده
اودور اورک یانسا گوزلر آغلیار
سنلی منلی گل دولاناخ قول بویون
یامانلیخ اود کیمین اورک داغلیار

ایکیمیز ال اله وئراخ دنیادا
قوغاق بو دنیادان شرر بهتانی
اَل اَله بیز ویرساق دنیادا اگر
قویماریخ آج یاتا گئجه انسانی

شیطان هر نه دیسه بیر اوزی واردیر
بو انسان نه دنسه مین اوزلی اولوب
سالیبدیر ایچینه بو دردی آغلار
یازیغین سارالیب گل رنگی سولوب
۱۴۰۰/۲/۲۹ جمشید مسیب زاده
قوجا اغلار
@gojaaghlar

118 0 0

قوجا اغلارین شعرلری

30 May 2021, 10:42

عطرینی آلیرام گولدن چیچکدن
آی منی چوللره سالان دلبریم
گئتمیر قولاقیمدان سسین. اوازین
هوپوب اورگیمه دولان دلبریم❤️❤️

99 0 3

قوجا اغلارین شعرلری

29 May 2021, 20:38

02:19

شعر. گئدیرم
یازان جمشید مسیب زاده. قوجا اغلار
دیگلمه بابک ترک

106 0 2

قوجا اغلارین شعرلری

27 May 2021, 12:42

گلمه سین

سالیقیمدا گوروشومه گلمیین
اولسم مزاریما گلسه گلمه سین
آغلیاندا گوز یاشیمی سیلمیئن
گلیب باش داشیمی سیلسه سیلمه سین

آستاناما ائیاق قویوب گلمئین
منیلن آغلائیب منله گولموئین
دیری کان دردیمی سوروب بیلمیئن
من اولندن سورا بیلسه بیلمه سین

بیلمه ئین آغلارین اورگی دولوب
درد الیندن رنگی سارالیب سولوب
من اولندن سورا یادینا سالیب
گاه آغلیب گاهدا گولسه گولمه سین
۱۴۰۰/۳/۶ جمشید مسیب زاده
قوجا اغلار
@gojaaghlar

132 0 4

قوجا اغلارین شعرلری

27 May 2021, 10:39

نه دئیم

قوجالمیشام باش آغاریب دیش دوشوب
تئل باشیمدان دورمور تئله نه دئیم
ایختیارسیز آخیر گوزومون یاشی
اؤز اؤزونه آخان سئله نه دئیم

بیبمیرم کی دردیم مین بیردی میندی
بو قوجالیق هاچان جسمیمه یئندی
وعده سیز بوکولوب قامتیم ایندی
وعده سیز بوکولن بئله نه دئیم

دوزدی یاغالیرام ایندی سوزومده
قوجالمیشام تَپر یوخدی دیزیمده
منکی ساخلامیشدیم ائلی گوزومده
منی گوزدن سالان ائله نه دئیم

اغلار دئیر هوش داغیلیب باشیمدان
گؤرسنیرم قوجا اوز تای توشومدان
دویمامیشدان باهار پائیز قیشیمدان
عومروم یئله دونوب یئله نه دئیم
۱۴۰۰/۳/۶ جمشید مسیب زاده
قوجا اغلار
@gojaaghlar

105 0 0

قوجا اغلارین شعرلری

27 May 2021, 09:56

داغلارین

دورانلار اؤتدوکجه زمان کئچدیجه
آغاریب چاللاشیر باشی داغلارین
شوملویور تورپاغی یاشا دولدوقجا
دوشور اَتَگینه داشی داغلارین

هانی قالان قلینجیندان قان دامان
سارایلار داغیدیب هالایلار پوزان
داغیدا قوجالدیر گردش زمان
اَیلیر اؤزونه قاشی داغلارین

گول چیچک سارالیر سولور باغلاردا
دونور خاطیریه شیرین چاغلاردا
قوجالاندا روحدان توشور داغلاردا
داغلاردان یان گذیر قوشی داغلارین

قوجالیب قالمیشام دئمه قفسده
منه یاد اولوبدی ایندی هوسده
گوزی یولدا قالیر قولاقی سسده
باشلاناندا کولک قیشی داغلارین

آغلاردا قالیبدی بو درده ناچار
قوجالیق الینه اولوبدور دچار
زمانه دولانار گون گلیب کئچر
قورویار گوزونون یاشی داغلارین
۱۴۰۰/۳/۶ جمشید مسیب زاده
قوجا اغلار
@gojaaghlar

137 0 3

قوجا اغلارین شعرلری

26 May 2021, 12:12

سن منه

سئوگی اولدوق ائل اوبادان خبرسیز
نه من سنه چاتدیم نده سن منه
سئوگی آنلاریندا خیالا باتدیق
نه من سنه چاتدیم نده سن منه

گاه قول بویون اولدوق گزدیک هریانی
اونوتدوق عالمی بوتون دنیانی
قازاندیق سئوگیدن حسرت هیجرانی
نه من سنه چاتدیم نده سن منه

اَل اَله اؤز اؤزه پیمان باغلادیق
محبتین دنیزینده چاغلادیق
چاتمادیق ویصالا یانیب آغلادیق
نه من سنه چاتدیم نده سن منه

اورکده آرزیمیز قالدی قالاندی
کونلوموزده اولان سارای تالاندی
حسرته دوزماخدان گوزلر سولاندی
نه من سنه چاتدیم نده سن منه

آرامیزا گیرسن خیر گورمه سین
اللرینده یار ساچلارین هورمه سین
اغلارا تای اودا صفا سورمه سین
نه من سنه چاتدیم نده سن منه
۱۴۰۰/۳/۵ جمشید مسیب زاده❤️❤️
قوجا اغلار
@gojaaghlar

94 0 3

قوجا اغلارین شعرلری

26 May 2021, 11:36

اوله جیئم

غربت یئرده گیجه گوندوز
وطن دئیب اوله جیئم
آنا وطن حسرتیندن
قامت ائییب اوله جیم

دادماسامدا وطن دادین
گورمه سمده تانیش یادین
کفنیمه وطن آدین
یازیب گئیب اوله جیم

آلماسامدا وطن کامین
گورنمه سمده دام دووارین
اؤلن گونی یورد یووامین
آدین سائیب اوله جیئم

یانسامدا غربت کوزونده
دولانسام یاماج دوزونده
وطنیمین یئر اوزونده
آدین یایب اوله جیم

سینم اوسته یاتییب داغلار
درد ایچینده اورگ چاغلار
چشمه زان چشمه زان آغلار
دئیب دئیب اؤله جیم
۱۴۰۰/۳/۵ جمشید مسیب زاده
قوجا اغلار
@gojaaghlar

86 0 0

قوجا اغلارین شعرلری

26 May 2021, 10:55

عومروم

هفته آیلار ایل اوتدوگجن
اوز سونونا یئتیر عومروم
گئد به گئد هی اوزاخلاشیر
منی گوزدن آتیر عومروم

ائله بیلکی قوشدی اوچور
آرخاسینا باخمیر قاچیر
من یازیخدان آرا آچیر
گونش کیمین باتیر عومروم

آغلار دئیر دونوب یئله
اؤزون سالیب آخان سئله
قاتیشیبدی آیا ایله
ائل اؤتدوکجن اؤتورعومروم

۱۴۰۰/۳/۵ جمشید مسیب زاده
قوجا اغلار
@gojaaghlar

82 0 1

قوجا اغلارین شعرلری

26 May 2021, 10:30

عومروم

هیچ اولماسا بیر یول منی
ایستگیمه یئتیر عومروم
غم قوصصه نی دردر غمی
اورگیمدن ایتیر عومروم

بو قدر گل اولما ناشی
سیل گوزومدن آخان یاشی
گوتورگولن پاییز قیشی
عومرومه یازگتیر عومروم

آغلار دئیر وار یئرینه
آلما هیوا نار یئرینه
بو کونلومده خار یئرینه
گل گول چیچک بیتیرعومروم

۱۴۰۰/۳/۵ جمشید مسیب زاده
قوجا اغلار
@gojaaghlar

88 0 2

قوجا اغلارین شعرلری

25 May 2021, 22:51

یاتمیرام کی گلرسن یوخوما ایاغینا دورا بیلمرم ❤️❤️

86 0 2

20 ta oxirgi post ko‘rsatilgan.

177

obunachilar

Kanal statistikasi

Sayt tili

Льешь с ФБ на телеграм?

Telegram Analytics

SearcheeBot

قوجا اغلارین شعرلری

Kanal geosi va tili

Toifa

177