Gullayotgan yurak

Aynan hozir soat tungi 1 da pianino chalishni, shahmat va tennis o'ynashni o'rgangim, teatrga borgim kelib qoldi.

Yana ovozimni baland qilib she'r o'qiyapman.

Do'xtir chaqirvoringlar)

YOZUVCHI

- Hikoyangizni oldinroq yozganingizda tanlovda g'olib bo'lishingiz aniq edi. Yaxshigina pul mukofotini ham qo'lga kiritardingiz.
- Kechirasiz, maddohlik qilishga vijdonim yoʻl qoʻymadi.

Kelin

- Kelin, men sizga qachon aytgandim choy damlang, deb?!
- Mahliyo, kostyumim qani?
- Oyi, keliningiz ko'ylagimni yaxshi dazmol qilmabdi!
Bechora ayol endi choy damlab kelib, dasturxonga qo'ygandi, ichkarida bolasi yig'lab qoldi.

Mening dadam...

- Dadamning kasbi - ota, - deya javob berdi u. Qizaloqning "dadam o'lgan", deyishga tili bormadi. Dugonasi: - Mening dadam katta korxonada direktor. Seniki-chi? - deya qaltis savol bergandi.

©Iroda Xolbekova

P/s - shunaqa qisqa hajmli hikoyalar ham yozgandim. Hammasini topa olmadim, noutbukimni titkilashim kerak.

@gullayotganyurak

Ona monologi

Yo'lingga mushtoqman, to'rt bo'ldi ko'zim,
Farzandim, frontda to'kayapsan qon.
Tomog'imdan o'tmas bir qultum suv ham,
Qo'limda turibdi sen tishlagan non.
Ma'yus tikilaman yo'lingga har kun,
Xotira bog'ining qoq oʻrtasida.
Ko'zlarim to'la yosh, qalbimda umid,
Ko'nglimni ming alam, dard o'rtasa-da.
Bo'rondayin yelib urush nafasi,
Barcha nihollarni sindirib ketdi.
Jigargo'sham, sendan kutaverib xat
Azob, uqubat-la yillar ham o'tdi.
Kecha taqilladi darvoza nogoh
Sendan xat keldi, deb suyundim, bolam!
Qop-qora, uchburchak konvertni ochib,
Ko'zimga qorong'u ko'rindi olam.
Farzandi urushda qurbon bo'lgandek,
Pochtachi ham xomush misli qaro tun.
Shum xabar keltirib, ayblar o'zini,
Ich-ichidan yig'lar...
Jimgina, beun.
Noming o'chgur urush!
Ketgin!
Qaytma hech!
Xatni tezda ochdim, yetmayin toqat.
Ishona olmadim uning gapiga:
- Xola, Rustamjondan keldi qoraxat...
Ko'zimga birdan yosh keldi quyilib
Bu xatni ming bora o'qidim qancha:
"Dushmanlar qo'lida botir o'g'lingiz
Halok boʻldi jangda qahramonlarcha!"
Mayliga yursa ham qo'ltiqtayoqda
Qarg'a ham bolasin oppog'im, deydi.
Ko'zimdan daryodek oqardi yoshlar
Bu urush insonning qoniga to'ydi.
Bilaman - tiriksan...
Kutyapman hamon,
Yuragimga tegsin, senga tekkan o'q.
Mana,
Necha askar urushdan qaytdi,
Biroq orasida birgina Sen yo'q.
Har kuni kutaman, darvoza ochiq
Hozir sen eshikdan kelib qolarday.
- Ona, keldim! - degan so'zing eshitib,
Bir bor ko'rib, bag'rim to'lib qolarday.
Har kuni intiqdir ko'zim yo'lingga
Bilaman - qaydadir yuribsan omon.
Qahramonlar kabi jon bergan o'g'lim,
Qo'limda turibdi sen tishlagan non...

Iroda Xolbekova

P/s - bu she'rim respublika tanlovida birinchi o'rinni olgandi.

@gullayotganyurak

ATIR

Mittigina Donoxon
Savol berar Azimga.
- Nega dadangning atrin
Sepib tushding rasmga?

- Bilasan-ku, dadamning
Juda ham baland didi.
Rasmdan ham atirning
Kelib tursinda hidi.

EHTIYOTKOR BALIQLAR

Komil so'rar: - Baliqlar
Nega chiqmaydi suvdan?
Cho'kib ketadi axir,
Hovuz chuqur-ku juda.

- Ular suvning ostida,
Ehtiyot bo'lib yashar.
Yomg'ir yog'sa ustimiz
Ho'l bo'lmasin deyishar.

Iroda Xolbekova

P/s - karantin vaqti bolalar uchun ham she'rlar yozgandim)

@gullayotganyurak

Savol

Ko'chani changitib, yurardim o'ynab,
Qushlarning iniga yog'dirardim tosh.
Ko'chada qolmasdi bir butun daraxt,
Erka qizcha edim, qitmir va bebosh.

Hech kimning gapiga solmasdim quloq,
To'polon qilma, deb koyirdi onam.
Birorta yumushni qilmaslik uchun,
Doim tayyor edi bir qop bahona.

Choynak, piyolani sindirib qo'ysam,
O'zi singandir, deb tan olmasdim hech.
Berkitib qo'yardim qo'g'irchoqlarin,
Hatto singlimni ham qo'ymas edim tinch.

Sho'xlik qilib, o'zim oqlamoq bo'lsam,
Tayyor turar edi bahona har tob.
Ammo Mahshar kuni gunohlarim-chun
O'ziga nima deb beraman javob?!

Iroda Xolbekova

P/s - 16 yoshimda yozgan she'rim. Xato va kamchiliklar talaygina, vauv deydigan yakun ham yasalmagan, adashmasam oxirgi yozgan she'rim shu edi.

Uch yildan beri she'r yozolmayapman, ammo hikoya yozamanu uni ham hech kimga o'qitmayman. Onda-sonda singlimga shunaqa deb yozdim, deb yozganlarim haqida gapirib berardim.

Avval oldimdan qush uchib o'tib ketda ham shu qush haqida she'r yoki hikoya yozvorardim. Orada "o'chib qoldim".
Yana nimadirlar yozgim kelyapti.

@gullayotganyurak

Berganinggayam shukr, xayrli emas ekan, ortiq umidvor qilmay vaqtida yana o'zing qaytib olganinggayam shukr.

@gullayotganyurak

"Sevimli'' telekanalida qaynona kelinini kitob o'qimaysan, ayol kishi o'z ustida ishlashi kerak, deb urishyapti. Kelin qaynonasidan hamshiralik kursida o'qish uchun ruxsat so'rayapti.

Shok bo'lib qoldim nahotki qaynonalar kelinini sep qilib kelmading, deb emas, o'qigin deb urishyapti, deb.

Bardavom bo'lsin.

@gullayotganyurak

Boshingga sinov kelsa O'ziga isyon qilasan nimaga bunday bo'ldi, qaysi gunohim uchun jazo, deb.

Birozdan so'ng yana O'ziga shukr qilasan sababi bor, sabr qilsam mukofoti bor deb.

Shukr qilishni o'rganishni boshlayapman, ko'nglim endi xotirjam tortishni boshlayapti.

@gullayotganyurak

- Xudoni ko'zlaring bilan ko'ra olasanmi?
- Yo'q.
- Uni qo'l bilan ushlab ko'rib borligini his qila olasanmi?
- Yo'q.
- Demak, Xudo yo'q.

- Aha, siz miyangizni ko'zingiz bilan ko'rolasizm?
- Yo'q.
- Miyangizni qo'lingizda ushlab ko'rolasizmi?
- Yo'q.
- Demak sizning miyangiz yo'q.

P/s - ingliz tilidan tarjima qilindi.

@gullayotganyurak

- kitob o'qing
- multfilm ko'ring
- yig'lab kino ko'ring
- she'r o'qing
- musiqa eshiting

Xullas, qalbingiz o'lib qolmasin.

Qalbi tirik odamlar bilan ko'proq suhbatlashgim keladi, masalan.

Berganinggayam, olganinggayam shukr.