#من_ديوان_الدموع_الزينبيه_الجزء_٨_


فزاعيه للحبايب


وين يريدن الطيبات
يحجن بالوداعيه
🏴🏴🏴💔🏴🏴🏴
يحجن بالوداع اليوم
عافني بكلب مهضوم
سور بيوتنه مهدوم
ماضلت بعد فيه
🏴🏴🏴💔🏴🏴🏴
يافي البعد فيهن
وعيوني نعمه اصبيهن
مهضومه وصحت حيهن
مشن ماردن عليه
🏴🏴🏴💔🏴🏴🏴
مشن ماعاودلي اردود
خلن بيتهن مسدود
ننحب والكلب ممرود
ذليله ومادرن بيه
🏴🏴🏴💔🏴🏴🏴
ذليله مادرن عني
ابد مابطلت وني
خلصان الكلب مني
واتنطر على الجيه
🏴🏴🏴💔🏴🏴🏴
اون واتنضر جيتهن
حدر الضلع ونتهن
انه ارتوي بشوفتهن
ماترويني الاميه
🏴🏴🏴💔🏴🏴🏴
تحن روحي لملكاهن
ماينسن وانساهن
عافن ليش مبناهن
ومخليات الابنيه
🏴🏴🏴💔🏴🏴🏴
عافن دارهن ضلمه
اون بلباب واتغمه
اصيح بصوت يايمه
عيني اعليهن اربيه
🏴🏴🏴💔🏴🏴🏴



*تـــمت والـــــفضـــ🤲ـــل لله تعالى*
*بقلم✍الشاعره أم ريام دخيل الركابي قضاء الرفاعي*
*صاحبه ديوان📚الدموع الزينبيه*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://telegram.me/haneen_Ali_Faris