#النعي_بديوان_ميراث_الأحزان_الجزء_الثاني_.


نواعي كرناويه لأم البنين عليها السلام


عفتوني وحيده بنوح وأدموع

مهضومه بعدكم وأنكطع ضني

صعبه أمودعه بدموعي الأعزاز

وأنه الي بقيت أبحسرتي أو وني

راحوا من أديه أشلون الأولاد

وريت اليوم واحد جاي يحضرني

فديت أولادي كلها هاي بالروح

بس حسين سالم يرد كون أبني

مو فكد البنين الشاب منه الراس

فكد حسين والله وبعده شيبني

أضل أمناطره وأتامل أيعود

بس حيف الوكت ليبعده عني

يوم الي لفه الطارش أوفزيت

أبن حذلم أجه والدنيه عزتني

يكلي كل بنينج بالرمال أتنام

وكتله فدوه كلهم بس دخبرني

وينه حسين سولفلي عله الحال

كال حسين دامي النحر ضاهدني
🩸🩸🩸🩸🩸🩸🩸🩸

*تـــمت والـــــفضـــ🤲ـــل لله تعالى*
*بقلم✍الشاعره العلويه أيه البياتيه*
*صاحبه ديوان📚قصه الحوراء في كربلاء*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://telegram.me/haneen_Ali_Faris