نعي


صار العصر بالفي كعدنه
وبيناتنه يلعب ولدنه
وعن حالنه الوالي نشدنه
===========
صار العصر واتجمعينه
وعن حالنه ينشد ولينه
وستانسينه من حجينه
===========
شمحلاتنه جنه سويه
وهسه هلي حدر الوطيه
شماله الزمن ذبني بهبيه
===========
شماله الزمن لوطك على الراس
مايدري لوطك يهدم الساس
واعله الونين تلومني الناس
===========
يلوموني الوادم شجاهم
ضني الولاني ماولاهم
ولاطكهم ولافركاهم
===========
ياناس غالي الولي غالي
شمحلاته من يفكد جهالي
يجيني وينشدني اعله حالي
===========
شمحلاته من ينشد عليه
يجيني ويحط ايده بديه
يكلي الج انه تجيه
===========
تجيه الج انه يكلي
ماحسبيته يعوف حملي
ريته يجي ويشوف ذلي
===========
ريته يجي وينشد على اخته
خلافه النزل والله كرهته
مضلم وخالي من جهبته
===========
مضلم ومن شفته عماني
وضيم اعله ضيمي جملاني
ومن ونته هدم بناني
===========
ضلمه المباني من شفتها
عالشيداها ناشدتها
ماجاوبت من سايلتها
===========
مايجي الوالي تكول جنها
وكلبي انخمش من كثر ونها
جنها فرس تايه رسنها
===========
جنها فرس من غير خيال
ضلمه وتون وادولب الحال
فركت الوالي موش عالبال
===========
موش اعله بالي جان فركاه
والوالي ضاع اوين الكاه
يجوي الكلب يفراكه ويلاه
===========
الوالي ضاع اوين ادوره
يلوك البجي لمهجة الزهره
عالكاع ضل مكطوع نحره
وبالخيل عمده انداس صدره
للموت ماينكطع ذكره
===========


*تـــمت والـــــفضـــ🤲ـــل لله تعالى*
*بقلم✍الشاعره زينب المشرفاوي*
*❌لايجوز شرعاً وغير مبرء الذمه كل من يحذف أسم الشاعره وينسب القصيده اله علماً أن القصيده قد سجلت بدفتر الزهراء عليها السلام❌*

https://telegram.me/haneen_Ali_Faris