هَنو،العبِيدي .

ثلاثهه هن

عند حبوبي كلكم

انحولتت والله معلش

⁣ويي

بداية شهر جدِيد، الأيام تمشي بسرعة غريبة، كأنها مش بسيطة، كل يوم شي جديد يجي، الحياة تتغير قدام عيوني، وأنا واقفة نَحاول نَفهم ،الناس تتغير، الظروف تتغير، وحتى نفسي تغيّرت ،حاولت نمسّك شي ثابت، بس كل شي يتغير ،مرّات نحِس إني ضايعة، مرات نَحاول نَضحك عشان محدش يشوف ،الحياة تمشي بسرعة غَريبة، وأنا نحاول نمشِي معاها بنفس السرعة بس مرات التعب يغلبني، ونقول امتَى نرتَاح؟
نحاول نَبدا من جديد، ونبنِي شي مختلف،لكن الخوف والشكوك يجني ويخلنِي متردده ،بس لازم نتحرك، لازم نحاول، حتى لو الطريق طويل ومليان عراقيل، أنا منوقفش، رغم كِل شي، لأنه الحياة حَتستمر، وأنا لازم نكون مستمِرة معاها، حتى لو كان كل شي يتغير ، أنا لازم نلاقي طريقي وسط كل هالتغيّير .

يمكن ربي حَطكم في طريقي لسبب معيّن ، يمكن عَشان نتعلم درس ،او يختبر في صَبري ،او يمكن عشان نعرِف قيمتِي الحقيقة ،ومع الوقت اكتشفت ان كِل حد طلع من حَياتي كان يمهّد في الطريق لِشخص يستاهِلني اكثر .

طلعت من امتحَان…تعبت فِيه بجد.
مش تعب مراجعة بَس… تعَب نفس حَاولت وجَاهدت، تعب قَلب دار كل اللي يقدر عليه، تعب عيون ما رقدتِش، وروح ما ارتاحتش...
سلّمت ورقة الإمتحَان، لكن الحقيقة؟
ما سلّمتش ورقة بس، سلّمت معاها كل جهدي وتعبِي، كل أملي، وكل روحي…كأني طلعِت من القَاعة ناقص جزء مني.
وأنا طَالعة تمنّيت ما يهزمنيش الامتحان، تمنيت نكون أنا اللي توفَقت فيه، مش هو.
في اللحظة اللي طلعت فيها، شفت في عيونهم فرحة، وضحك، وراحَة، أما أنا؟
كان في عيوني دموع خفيفة، واقفة شويي وتنهار، شي فِي قلبي يضايقني يخليني نحس بخوف وبكاء،بس مش قادرة حتى نحكيه.
مشكلتي مش إني ما قريتش ،مشكلتي إني تعبت ومش راضية على النتيجَة...
بس نقول لروحِي :
حتى لو النتيجة خذلتني، أنا ما خذلتش نفسي ،أنا وقفت، وجربت، وجاهدت،وفي يوم قريب، بإذن الله، نفرح وتمتلئ هالعيون موش دموع، حتمتلِي فرح باذن الله .

أنا فِي بداية جَديدة ونراهِن عَ روحي المرة هَذي .