د سالنګ لويه لار د واورې د زیات ورښت او طوفانونو د خطر له امله د بار وړونکو موټرو پر مخ وتړل شوه.
د سالنګونو د ساتنې او څارنې مسؤولین وايي، په سالنګونو کې له تيرې شپې راهيسې تر اندازې زیاته واوره وریدلې نو ځکه يې د لويو بار وړونکو موټرو پر مخ دا لار وتړله تر څو د پیښو مخنیوی شوی وي.
سږ کال د افغانستان په بیلابیلو ولایتونو کې زیاتې واورې وریدلي چې له امله یې د یوشمیر ولسوالیو لارې بندې او ګڼ خلک یې له ستونزو سره مخ کړي دي.