خدمتنه. ايتنه. الزجيه
فطرتنه. لطمتنه. الهويه
&&&&&&&&&&&&&&&&&&&&&&&&&
خدمتج قصتهه قصه اوفاز للقصه حفض
والبحر بمواج عطفج هذا لذنوبة نفض
يبقه حي لوخلص عمرة اسمه باقي منقرض
ولي سواه ابحياته السانه يافاطم لفض
متعوفه. معروفه. الوفيه.
خدمتنه. ايتنه. الزجيه
&&&&&&&&&&&&&&&&&&&&&&&&&
اللطم يبقه شعاري بالمجالس روحي
عهد ماخذ يبقه حزني للزجيه اونوحي
هيه رفعت كل مقامي اوشيدت لصروحي
هيه بس هيه دوايه لتشفي كل اجروحي
دمعاتي اهاتي. اليه
خدمتنه. ايتنه. الزجيه
&&&&&&&&&&&&&&&&&&&&&&&&&
القدم الفاطم خدمته يبقه رافع راسه
شأنه من هالخدمه يكبر بين ربعه اوناسه
اليشعر اويبجي عليهه اومنجرح بحساسه
هذا ضهره ابزود محمي يلزمه عباسه
بنفاسه. بحساسه. الشجيه
خدمتنه. ايتنه. الزجيه
&&&&&&&&&&&&&&&&&&&&&&&&&
فاطم اينادي دليلي بالنبض لمن يدك
من يمر طاري مصابج مثل بابج يحترك
ياهواي ابريتي فاطم هيه بس التنشهك
انه من دونه اموت بلا هوايه اختنك
معلونه. مضمونه. القضيه
خدمتنه. ايتنه الزجيه
&&&&&&&&&&&&&&&&&&&&&&&&&
انتي حيلي البي اعيش ابدنيتي
انتي عزمي البي ترفرف رايتي
انتي مملكت الغرام اوغايتي
انتي كل صومي اوصلاتي اوقبلتي
للسامع. بالواقع وصيه
خدمتنه. ايتنه. الزجيه
&&&&&&&&&&&&&&&&&&&&&&&&&
الشاعر حسين عبد الرسول الخفاجي