مثلج ماشوف ابهالحياة حره
يم البنين ابكل ثبات. حره
اقرة مااقره الفاتحه ////من يمج انتي امسامحه
مثلج ماشوف بهالحياة حره
__________
عليه اهوايه يئجمل غايه. تراب اجدامج
فرش حوليني. عطر نثريني. الخدم خدامج
رجف كل حيلي لدمع ينعيلي ابحلول ايامج
جمرلوعتج. وحك ترباتج. ترف اعلامج
الطم وصيح ابعالي صوت حره
ليج اخدم لحدمااموت. حره
اجري المدامع سافحه /////من يمج امسامحه
مثلج ماشوف بهالحياة حره
_________
وحك عباسج. اجتج ناسج. تون لماصابج
السمه يايمه. بدون النجمه. كئيب اوناحج
اعذري الينعه. يصب الدمعه. يون لغيابج
الدهر من دونج. وحك اعيونج. يأذي احبابج
اجمل حلم يا احله راي. حره
حزني والفرحه معاي. حره
انتي الاصيله الناصحه //// من يمج انتي مسامحه
مثلج ماشوف بهالحياة. حره
___________
لون سألوني عله عشك عيوني وغرام البيه
عشكهه ويايه. نمت بفيايه. بشغف يوميه
اليصر يعرفهه. حرت شوصفهه صحت بدويه
شرف شخصيتي. دعائي ابيتي. يفيض اعليه
الحاير بنص ظيم السنين. حره
خل يلتزم بم البنين حره
يشهد الاهي اتريحه//// من يمج انتي مسامحه
مثلج ماشوف بهالحياة حره
_________
مجد عنوانج. فتح بيبانج. كرم رباني
يدكه الخادم. يعرفج عالم. بحر ايماني
من اعد ايامي. كضت بحلامي. اشنطيتج اني
يئايه ابديني. اشكثر تنطيني. يعز وجداني
اوجع الطمتي اعله الضلوع. حره
اهمل اعيوني ابلا. دموع. حره
صوت البواجي الصادحه ///من يمج انتي امسامحه
مثلج ماشوف ابهالحياة. حره
__________


الشاعر حسين عبدالرسول الخفاجي