أنا شخص نغفر و نسامح و نرضى بسرعة ، إنسان يغلط و الغلط ديما يكون غبي.. يعني كيف بيكون الغلط بالغباء زي مثلاً إنّك إدخّن كل يوم عارف إنّه الشي هذا يزيد من فرصة موته السريعة.

ممكن تكون إنسان يغلط هلبا و تحط ذنوبك على كتافك و تقول لنفسك : إنت شخص غبي و ديما يغلط بطريقة غبيّة و بشكل دائم.

صدّقني إنت هك قاعد تخلق لنفسك كآبة و مرحلة فراغ ف حياتك.

به شن بإدّير؟ كوّن جو لروحك.. غير داخليتك و قليتك عدل منها حتتغير و تتعرف ع ناس جدد تتعلم في علاقتك معهم إنّك متغلطش ثاني.. هك تنسى الضّيق اللي ف قلبك و حتكمل حياتك بطريقة انت نفسك حترضى بيها.