Hlaing Info

တိုင်းပြည်အတွက် အကောင်ဆုံးမိတ်ဆွေအဖြစ် သမ္မတထရမ့်ကို အစ္စရေး ဝန်ကြီးချုပ်ချီးကျုး

ဖေဖော်ဝါရီလ ၁၆ ရက်

အမေရိကန်သမ္မတ Donald Trump ဟာ အစ္စရေးနိုင်ငံအတွက် အကောင်းဆုံးမိတ်ဆွေဖြစ်ကြောင်း အစ္စရေး ဝန်ကြီးချုပ် Benjamin Netanyahu က ပြောလိုက်ပါတယ်။
"သမ္မတထရမ့်နဲ့ အပြည့်အဝ ပူးပေါင်းဆောင်ရွက်နေပါတယ်။ ဓားစာခံတွေ တယောက်မကျန် ပြန်လွတ်လာတဲ့အထိ ငရဲပွတ်အောင်လုပ်မယ့် မဟာဗျုဟာ ဘုံသဘောထား ရရှိထားပြီး၊ အများပြည်သူကို အမြဲချပြလို့တော့ မရပါဘူး။" လို့ အရှေ့အလယ်ပိုင်းဒေသ ခရီးစဉ်အဖြစ် ဂျေရုဆလင်မှာ ရောက်နေတဲ့ အမေရိကန် နိုင်ငံခြားရေးဝန်ကြီး Marco Rubio နဲ့ တွေ့ဆုံအပြီး ဒီကနေ့ ပြုလုပ်တဲ့ သတင်းစာ ရှင်းလင်းပွဲမှာ အစ္စရေး ဝန်ကြီးချုပ်က ပြောလိုက်တာပါ။
မနေ့တုန်းကတော့ အစ္စရေးဓားစာခံ ၃ ယောက်ကို ဟားမတ်စ်အဖွဲ့က ပြန်လွှတ်ပေးလိုက်ပြီး၊ အစ္စရေးကလည်း အပြန်အလှန်အနေနဲ့ ဖမ်းဆီးထားတဲ့ ပါလက်စတိုင်း ၄၀၀ နီးပါးကို ပြန်လွှတ်ပေးခဲ့ပါတယ်။
အမေရိကန် နိုင်ငံခြားရေးဝန်ကြီးနဲ့ ဒီကနေ့ တွေ့ဆုံရာမှာ အီရန်နိုင်ငံအပါအဝင် အစ္စရေးအပေါ် ရန်လိုတဲ့ တိုင်းပြည်တွေအရေးကိုလည်း ဆွေးနွေးခဲ့ကြောင်း အစ္စရေးဝန်ကြီးချုပ်က ပြောပါတယ်။ ဆွေးနွေးမှုအတွင်း အီရန်ရဲ့ ခြိမ်းခြောက်မှုနဲ့ ပတ်သက်လို့ အဓိက ဆွေးနွေးခဲ့သလို၊ ဂါဇာ၊ လက်ဘနွန်နဲ့ ဆီးရီးယား နိုင်ငံတွေနဲ့ ပတ်သက်တာတွေလည်း ဆွေးနွေးခဲ့တယ်လို့ ပြောပါတယ်။

#PresidentTrump #Netanyahu #MarcoRubio #Israel #Hamas #Gaza
#VOA
#HlaingInfo

မုံရွာ -ချောင်းဦး လမ်းပိုင်းတွင် စစ်ကား ၃ စီးကို မိုင်းဆွဲ တိုက်ခိုက်မှု စစ်သား ၇ ဦးသေဆုံး၊ ဝက်လက်တွင် တိုက်ပွဲ ဖြစ်ပွားပြီး စစ်သား ၁ ဦးသေဆုံးကာ တော်လှန်ရေးရဲဘော် ၁ ဦးကျဆုံး

ဖေဖော်ဝါရီလ ၁၆ ရက်

စစ်ကိုင်းတိုင်း၊ ချောင်းဦးမြို့နယ်၊ မုံရွာ -ချောင်းဦး လမ်းပိုင်းတွင် စစ်ကား ၃ စီးကို မိုင်းဆွဲ တိုက်ခိုက်ရာ စစ်သား ၇ ဦးသေဆုံးခဲ့ကြောင်း Idiots Column မှ တာဝန်ရှိသူ တစ်ဦးက ရန်ကုန်ခေတ် သစ်သတင်းဌာနထံသို့ ပြောဆိုသည်။

ယမန်နေ့ ဖေဖော်ဝါရီလ ၁၅ ရက်နေ့ မွန်းလွဲ ၁ နာရီ ၄၀ မိနစ်ခန့်တွင် မုံရွာမြို့၊ အနောက်မြောက်တိုင်း စစ်ဌာနချုပ်မှ ချောင်းဦးမြို့နယ်၊ ကံကြီးကုန်းရွာ ပျူစောထီးစခန်းကို စစ်ကူပေးရန် ထွက်လာသော Jammer ကား ၁ စီး နှင့် သံပြားကာ ကား ၃ စီး ကို မိုင်းဆွဲ တိုက်ခိုက်ခဲ့ကြောင်း သိရသည်။

ယင်း မိုင်းဆွဲ တိုက်ခိုက်မှု အတွင်း သံပြားကာ ကား ၁ စီးကို ရှေ့ထွက်မိုင်း ၅ လုံး၊ ပဒေသာ မိုင်း ၁ လုံးတို့ ထိမှန်ခဲ့ပြီး အကြမ်းဖက် စစ်ကောင်စီ တပ်သား ၇ ဦးသေဆုံးခဲ့ကြောင်း သိရှိရသည်။

“ကံကြီးကုန်းကို စစ်ကူသွားတဲ့ ကား ၃ စီး ထဲက ၂ စီးမြောက်ကားကို ဆွဲမိတာ စစ်ကူမရောက်နိုင်အောင် လမ်းကနေ ဖြတ်တောက်ပြီး ဆွဲလိုက်တာ ကားရဲ့ ခါးကို အဖူး ၅ ဖူးလုံး ထိမှန်တယ်။ ကားရဲ့ ခါးကို တည့်တည့်မှန်တာမို့ ကားပေါ်ပါ စခ ၇ ဦး သေတယ်လို့ မြေပြင်ရဲဘော်တွေက အတိအကျ ပြောတယ်။ တခြား ဒဏ်ရာရတဲ့သူတွေလည်း ရှိနိုင်ပေမယ့် စာရင်းအတိအကျတော့မရဘူး” ဟု Idiots Column မှ တာဝန်ရှိသူတစ်ဦးက ပြောဆိုသည်။

ယင်းတိုက်ခိုက်မှု အတွင်း အကြမ်းဖက် စစ်ကောင်စီ တပ်သားများက လက်နက်ကြီး၊ လက်နက်ငယ်များဖြင့် ရမ်းသမ်းပစ်ခတ်ခဲ့သော်လည်း ပြည်သူ့ကာကွယ်ရေးတပ်ဖွဲ့ဝင်များ အထိအခိုက်မရှိ ပြန်လည် ဆုတ် ခွာနိုင်ခဲ့ကြောင်း သိရသည်။

အဆိုပါ တိုက်ခိုက်မှုကို North Western People Defence Force - N.W.P.D.F (အနောက်မြောက် ဒေသ ပြည်သူ့ကာကွယ်ရေးတပ်) ၊ ယင်းမာပင်ခရိုင် အမှတ် ၉ တပ်ရင်း၏ Idiots Column ၊ မုံရွာ ခရိုင်တပ်ရင်း ၁၁ (South monywa) ၏ တပ်ခွဲ ၂ ဖြစ်သော Youth Vigor Revlution Force နှင့် မုံရွာ မြို့နယ် (ပကဖ) တိုက်နယ် ၄ ၊ တိုက်ခိုက်ရေးအဖွဲ့ (Royal God People Defence Force) တို့ ပူး ပေါင်းကာ တိုက်ခိုက်ခဲ့ခြင်းဖြစ်ကြောင်း သိရသည်။

ထို့ပြင် စစ်ကိုင်းတိုင်း၊ ဝက်လက်မြို့နယ်တွင် တိုက်ပွဲဖြစ်ပွားပြီး အကြမ်းဖက် စစ်ကောင်စီ တပ်သား ၁ ဦး သေဆုံးခဲ့ကြောင်း ဝက်လက်မြို့နယ် ပြည်သူ့ကာကွယ်ရေး ပကဖ အဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

ဖေဖော်ဝါရီလ ၁၁ ရက်နေ့တွင် နံနက် ၈ နာရီခန့်တွင် အရာတော်မြို့နယ်၊ သလဲဘာ ပျူစောထီးရွာမှ အကြမ်းဖက် စစ်ကောင်စီ တပ်သား ၂၀ ခန့်သည် ၀က်လက်မြို့နယ် ကျောက်ကုန်းကျေးရွာတွင် ကင်းလှည့်နေစဉ် တော်လှန်ရေး တပ်ဖွဲ့များနှင့် ထိတွေ့ တိုက်ပွဲဖြစ်ပွားခဲ့ကြောင်း သိရသည်။

အဆိုပါ ထိတွေ့ တိုက်ပွဲတွင် နင်းမိုင်းမိသော စစ်သား ၁ ဦး သေဆုံးပြီး ၁ ဦးခြေပြတ်သွားကြောင်း၊ ထို့ပြင် တော်လှန်ရေး ရဲဘော် ၁ ဦးလည်း ကျဆုံးခဲ့ကြောင်း သိရှိရသည်။

#KTM
#HlaingInfo

နယူးဒေလီဘူတာရုံတွင် ဘာသာရေးပွဲတော်သွားမည့်သူ များပြားလွန်းမှုကြောင့် လူပြိုသဖြင့် ၁၈ ဦး သေဆုံး

ဖေဖော်ဝါရီလ ၁၆ ရက်

၁၂ နှစ်မှတစ်ကြိမ်ကျင်းပသော ကမ္ဘာ့ဘာသာရေးပွဲတော်များထဲ၌ အကြီးမားဆုံးသော ပွဲတော် မဟာကု(မ်)မယ်လာသွား ခရီးသည်ပေါင်းများပြားလွန်းရာက နယူးဒေလီဘူတာရုံတွင် လူပြိုပိပြီး အနည်းဆုံး ၁၈ ဦးသေဆုံးခဲ့သည်။

ဖေဖော်ဝါရီ ၁၅ ရက် ဒေသစံတော်ချိန် ည ၈ နာရီတွင် ရာထောင်ချီသော ခရီးသွားများသည် နယူးဒေလီဘူတာမှ ပွဲတော်ရှိရာ အက်တာပရာဒက်ရှ်ပြည်နယ် Prayagraj သို့သွားမည့် အထူး ရထား ၂ စီးကို စောင့်ဆိုင်းနေကြပြီး ဘူတာရုံ တာဝန်ရှိသူများက မှားယွင်းကာ ရထားလာမည့် စင်္ကြန်ပြောင်းလဲကြောင်း ကြေညာမိရာမှ စင်္ကြန်အမှတ် ၁၄ နှင့် ၁၅ တွင် လူများစွာ ၀ရုန်းသုန်းကား တိုးဝှေ့ရာမှ ယခုလို သေဆုံးမှုဖြစ်ပွားခဲ့ခြင်းဖြစ်သည်။

ကမ္ဘာတစ်ဝန်းမှ ဟိန္ဒူဘာသာဝင် သန်းပေါင်းများစွာ လာရောက်မြစ်ရေချိုးရသည့် မဟာကု(မ်) ပွဲတော်ကို ၆ ပတ်တာ ကျင်ပနေရာ ယခုအဖြစ်အပျက်အတွက် အစောပိုင်းတွင် အာဏာပိုင်များက ဖုံးဖိထားသော်လည်း သန်းခေါင်းကျော်ချိန်တွင် သေဆုံးမှုသတင်းများကို မဖုံးဖိနိုင်တော့ဘဲ ကြေညာခဲ့ရာ အမျိုးသမီး ၁၁ ယောက်နှင့် ကလေး ၅ ယောက် သေဆုံးကြောင်းပါ ထုတ်ပြန်ခဲ့သည်။

ဘူတာရုံမှ စင်္ကြန်၁၂ တွင်စောင့်ဆိုင်းနေသော ခရီးသည်များ စင်္ကြန်အမှတ် ၁၆ သို့ ပြောင်းရမည်ဖြစ်ကြောင်း ကြေညာရာမှ လူများစွာ စင်္ကြံကူးရာမှာ လူများတွန်းထိုးပြိုပိပြီး သေဆုံးရခြင်းဖြစ်ကြောင်း ဇနီးသည်ပါ သေဆုံးသူထဲပါသွားသည့် အိန္ဒိယအမျိုးသား ဂီရီက ဖွင့်ဟပြောဆိုခဲ့သည်။

ပြီးခဲ့သည့် လကလည်း နယူးဒေလီ ဘူတာရုံတွင် မဟာကု(မ်) ပွဲတော်သွားများ လူပြိုပိမှုဖြစ်ခဲ့သေးပြီး အနည်းဆုံး အယောက် ၃၀ သေဆုံးသည်ဟု ကြေညာခဲ့သော်လည်း မီဒီယာစုံစမ်းမှုသတင်းများအရ အယောက် ၇၀ ကျော် သေဆုံးခဲ့သည်ဟု သိရသည်။

အိန္ဒိယမီးရထားစနစ်တွင် စီမံခန့်ခွဲမှုအားနည်းချက်များ၊ အမှားများ မကြာခဏဖြစ်ပေါ်ပြီး လူသေဆုံးမှုများ ပြားသော ရထားချင်းဆိုင်တိုက်မှုများဖြစ်ပွားသလို ယခုလည်း စီမံမှုအလွဲအမှားကြောင့် ၁၈ ယောက်သေဆုံး ကာ အများအပြား ဒဏ်ရာရပြီးဆေးရုံတင်ခဲ့ရသည်။ ၂၀၂၃ ခုနှစ်အတွင်းကလည်း အိန္ဒိယတွင် ရထားချင်း တိုက်မိပြီး လူပေါင်း ၂၈၈ ယောက် သေဆုံးခဲ့ရသေးသည်။

Ref: independent

#MKN
#HlaingInfo

ပေါက်မြို့နယ်၊ ကပစ ၂၄ မှ ထွက်လာသော စစ်တပ် ရှေ့ပြေးကင်းကို မိုင်းဆွဲ တိုက်ခိုက်မှု စစ်ကောင်စီ တပ်သား ၃ ဦးသေဆုံး

ဖေဖော်ဝါရီလ ၁၆ ရက်

မကွေးတိုင်း၊ ပေါက်မြို့နယ်၊ ကပစ ၂၄ မှ ထွက်လာသော အကြမ်းဖက် စစ်တပ် ရှေ့ပြေးကင်းကို မိုင်းဆွဲ တိုက်ခိုက်ရာ စစ်ကောင်စီ တပ်သား ၃ ဦးသေဆုံးခဲ့ကြောင်း ဆိပ်ဖြူ ပြောက်ကျား တကိုယ်တော် ကျားဇိုး LDF မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်၊
ဖေဖော်ဝါရီလ ၁၄ ရက်နေ့ မွန်းလွဲ ၁၂ နာရီ ၄၅ မိနစ်ခန့်တွင် ပေါက်မြို့နယ်၊ ကပစ ၂၄ မှ ထွက်လာသော အကြမ်းဖက် စစ်တပ် စစ်ကြောင်း၏ ရှေ့ပြေးကင်း အဖွဲ့ကို တိုက်မိုင်း ပဒေသာ ၃ လုံးဖြင့် ဆိပ်ဖြူ ပြောက်ကျား တကိုယ်တော် ကျားဇိုး LDF က ဖောက်ခွဲ တိုက်ခိုက်ခဲ့ခြင်းဖြစ်ကြောင်း သိရသည်။
ယင်းတိုက်ခိုက်မှု အတွင်း အကြမ်းဖက် စစ်ကောင်စီ တပ်သား ၅ ဦး မိုင်းထိမှန်ခဲ့ပြီး ၃ ဦးပွဲချင်းပြီးသေဆုံးကာ ၂ ဦး ပြင်းထန်ဒဏ်ရာရရှိခဲ့ကြောင်း၊ တော်လှန်ရေး ရဲဘော်များ အထိအခိုက်မရှိ ဆုတ်ခွာနိုင်ခဲ့ကြောင်း သိရှိရသည်။
" မိုင်းကွဲတာကို ကျွန်တော်တို့ လှမ်းမြင်ရတယ်ပေါ့။ စစ်ခွေးသေ စာရင်းက ၃ ကောင်က နေရာမှာ ပွဲချင်းပြီးသေတယ်။ ၂ ကောင်ကတော့ ဒဏ်ရာ အပြင်းအထန်ရတယ်။ စစ်ခွေး ၅ ကောင်က စစ်ကြောင်း ရှေ့ပြေးကင်းအဖြစ် တက်လာတဲ့ အချိန် တိုက်ခိုက်ခဲ့တာပေါ့။ လုံခြုံရေးကလည်း အပြည့်အဝ မယူပေးတဲ့အတွက် မိုင်းအကုန်မထောင်နိုင်ခဲ့လို့ နောက်ဆုတ်လိုက်ရလို့ပါ။ ကျွန်တော်တို့ ရဲဘော်တွေ အထိအခိုက်မရှိ ဆုတ်ခွာနိုင်ခဲ့တယ်" ဟု ဆိပ်ဖြူ ပြောက်ကျား တကိုယ်တော် ကျားဇိုး LDF မှ တာဝန်ရှိသူ တစ်ဦးက ပြောဆိုသည်။
အဆိုပါ တိုက်ခိုက်မှုကို ဆိပ်ဖြူ ပြောက်ကျား တကိုယ်တော် ကျားဇိုး LDF က ဦးဆောင် တိုက်ခိုက်ခဲ့ခြင်းဖြစ်ပြီး လုံခြုံရေး အဖြင့် ပေါက်မြို့နယ် တောင်ပိုင်း ပကဖ ဇုန် ၁ နှင့် ဇုန် ၁၀ တို့က ပူးပေါင်း လုပ်ဆောင်ပေးခဲ့ခြင်းဖြစ်ကြောင်း သိရသည်။

#KTM
#HlaingInfo

လက်နက်ကိုင်အဖွဲ့တစ်ခုက ရှေးဟောင်း သာဂရမြို့ရိုးကို ဖြိုချပြီး မြေအကွက်ရိုက်

ဖေဖော်ဝါရီလ ၁၆ ရက်

‌နှစ်ပေါင်းတစ်ထောင်ကျော်သက်တမ်းရှိသည့် သာဂရမြို့ဟောင်း မြေသားမြို့ရိုးကို လက်နက်ကိုင်တပ်ဖွဲ့တစ်ခုက ဖြိုချပြီး မြေအကွက်ရိုက်ရောင်းချရန် လုပ်ဆောင်နေကြောင်း ဒေသခံတို့က ပြောသည်။
သာဂရမြို့ဟောင်းမှာ ထားဝယ်ခရိုင်၊ လောင်းလုံးမြို့နယ်၊ မြို့ဟောင်းကျေးရွာတွင် တည်ရှိသည်။
ဖေဖော်ဝါရီလ ၁၅ ရက်တွင် လက်နက်ကိုင်တပ်ဖွဲ့တစ်ခုက လုံခြုံရေးယူပေးပြီး ဘက်ဟိုးနှစ်စီးဖြင့် သာဂရမြို့ဟောင်း မြို့ရိုးများကို ဖြိုချနေကြောင်း ဒေသခံတို့က ဆိုသည်။
“ဘက်ဟိုးတွေနဲ့ ယန္တရားကြီးတွေနဲ့တကွ မြို့ရိုးအကုန်လုံးကို အပျောက် အကွက်ရိုက်ဖို့အခြေအနေ။ ဘက်ဟိုးနှစ်စီးနဲ့ မြို့ရိုးက မြေတွေကို ဖြိုနေတာက မနေ့က စပြီးလုပ်နေတာ” ဟု မျက်မြင်ကိုယ်တွေ့ တွေ့ရှိသူတစ်ဦးက Dawei Watch ကို ပြောဆိုသည်။
Dawei Watch က ကြည့်ရှုခွင့်ရခဲ့သည့် ဓာတ်ပုံမှတ်တမ်းများနှင့် ရုပ်သံဖိုင်တစ်ခုတွင်လည်း မြေတူးစက် (ဘက်ဟိုး) တစ်စီး၊ မြေသယ်ကားတို့ကို အသုံးပြုပြီး မြေဖို့နေကြသည်ကို တွေ့ရသည်။
အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ တနင်္သာရီတိုင်းစစ်ဌာနကလည်း ယဉ်ကျေးမှုကာကွယ်ရေးဇုန် အဖြစ် သတ်မှတ်ထားသော သာဂရမြို့ဟောင်း မြို့ရိုးများကို လက်နက်ကိုင်လူတစ်စုက စက်ယန္တရားကြီးများ အသုံးပြုကာ ဖြိုချဖျက်ဆီးနေသည်ကိုတွေ့ရကြောင်း၊ ယင်းသို့ဖျက်ဆီးနေသည်ကို ချက်ချင်းရပ်တန့်ရန်နှင့် ရပ်တန့်မှုမရှိပါက ပြင်းထန်စွာ အရေးယူမည်ဖြစ်ကြောင်း ယနေ့ ဖေဖော်ဝါရီလ ၁၆ ရက် ရက်စွဲဖြင့် ထုတ်ပြန်သတိပေးထားသည်။
၂၀၂၄ ခုနှစ်ကလည်း သာဂရမြို့ဟောင်းမြို့ရိုးအချို့ကို ဖြိုချပြီး မြေအကွက်ရိုက်ကာ ရောင်းချမှုများရှိခဲ့သည်။
ထိုစဉ်က ဖြိုချခံရသည့်နေရာမှာ သာဂရမြို့ရိုးတောင်ဘက်ရှိ ဒုတိယမြို့ရိုးနေရာဖြစ်သည်ဟုဆိုသည်။
“မြို့ရိုး ဘယ်နေရာကို ဖြိုချသလဲဆိုရင် ပထမမြို့ရိုးနဲ့ ဒုတိယမြို့ရိုးကြားမှာ ကျုံးဆိုတာရှိတယ်။ အဲဒီကျုံးထဲကို မြေဖို့ ထည့်တာ။ အဲဒီလိုမြေဖို့ထည့်ပြီးမှ အကွက်ရိုက်ပြီးပြန်ရောင်းကြတာ။ မြို့ရိုးရဲ့ခြေရင်းက ပေ ၂၀ လောက်ရှိတာ။ မြေဖို့လိုက်တော့ ပေ ၄၀၊ ပေ ၆၀ အကွက်တွေဖြစ်ကုန်တာ” ဟု ယင်းဖြစ်စဉ်အသေးစိတ်ကို လေ့လာနေသည့် အမည်မဖော်လိုသူ တစ်ဦးက ပြောသည်။
သာဂရမြို့ဟောင်း မြို့ရိုးကိုဖြိုချပြီး အကွက်ရိုက်ရောင်းချရန် လုပ်ဆောင်နေသည့်လက်နက်ကိုင်တပ်ဖွဲ့မှာ ဗထူးတပ်မတော်က ဖြစ်ကြောင်း မျက်မြင်တွေ့သူတို့က ပြောသည်။
Dawei Watch ၏ သီးခြားစုံစမ်းမှုအရ ဗထူးတပ်မတော်အနေဖြင့် သာဂရမြို့ဟောင်း မြို့ရိုးအားဖြိုချပြီး မြေအကွက်ရိုက် ရောင်းချရန် ကြံစည်နေသည်ကို အခြားလက်နက်ကိုင်တပ်ဖွဲ့တစ်ခုက လာရောက်တားဆီးခဲ့ဖူးသည်ဟု ဆိုသည်။
သို့သော် ရက်ပိုင်းမျှသာ မြေဖို့သည်ကို ရပ်နားခဲ့ပြီး ဖေဖော်ဝါရီလ ၁၅ ရက်တွင်မူ ဘက်ဟိုးမြေတူးစက်၊ မြေသက်ကားတို့ဖြင့် ဝင်ရောက်လာပြီး မြို့ရိုးအား ဖြိုချခဲ့ခြင်းဖြစ်ကြောင်း သိရသည်။
သာဂရမြို့ဟောင်းမြို့ရိုးအား ဖြိုချပြီး အကွက်ရိုက်ရောင်းချရန် စီစဉ်နေသည်ဆိုသည့် ပြောဆိုချက်တို့နှင့်ပတ်သက်ပြီး မေးမြန်းရန် ဗထူးတပ်မတော်တာဝန်ရှိသူတစ်ဦးအား Dawei Watch က ယနေ့ ‌နံနက် ၁၁ နာရီကျော်က ဖုန်းဆက်သွယ်ခဲ့သည်။
သို့သော် ထိုတာဝန်ရှိသူမှာ ယင်းကိစ္စကိုသေချာစွာမသိရသေးသဖြင့် ပြန်ကြားရေးတာဝန်ခံထံ ဆက်သွယ်ရန်ပြောဆိုခဲ့သည်။
ထို့ကြောင့် ဗထူးတပ်မတော် ပြန်ကြားရေးတာဝန်ခံ ရဲဘော်ထက်မြက်ထံ ယနေ့ နံနက် ၁၁ နာရီကျော်မှ မွန်းလွဲ ၁ နာရီအထိ ဖုန်းဖြင့် အကြိမ်ကြိမ်ဆက်သွယ်ခဲ့သော်လည်း ဖုန်းလက်ခံဖြေဆိုခြင်း မရှိသေးပေ။
အကြောင်းအမျိုးမျိုးပြပြီး ဖျက်ဆီးခံနေရသည်ကို လျှော့ချနိုင်ရန် ၂၀၁၂ ခုနှစ်တွင် သာဂရမြို့ဟောင်းအား ကာကွယ်ရေးဇုန်အဖြစ် သတ်မှတ်‌ကြေညာခဲ့သည်။
ထိုကဲ့သို့ ကာကွယ်ရေးဇုန်အဖြစ် သတ်မှတ်ထားသော မြို့ဟောင်းမြို့ရိုးအား အကွက်ရိုက်ရောင်းချရန် ရည်ရွယ်ချက်ဖြင့် လက်နက်ကိုင်တပ်ဖွဲ့တစ်ခုက လုပ်ဆောင်လာသည့်အပေါ် အကြီးအကျယ်ဝေဖန်ခံနေရသည်။
“ထားဝယ်ရဲ့ ရှေးဟောင်းအမွေအနှစ်ဖြစ်တဲ့ ဒီနေရာက ပြန်ပြီးလည်း တည်ဆောက်လို့မရဘူး။ ပြန်ပြီးလည်း လုပ်ယူလို့ မရဘူးပေါ့နော်။ ဖန်တီးလို့လည်းမရတော့ ကျွန်တော်တို့ကတော့ ဒီလုပ်ရပ်တွေကို ကန့်ကွက်တယ်” ဟု ‌ဒေသခံတစ်ဦးက ပြောသည်။
သာဂရမြို့ဟောင်းကို ခရစ်နှစ်၇၅၁ခုနှစ်တွင် သမန္တမင်းတည်ထောင်ခဲ့ခြင်းဖြစ်ပြီး လက်ရှိတွင် နှစ်ပေါင်း တစ်ထောင်ကျော်သက်တမ်းရှိနေပြီဖြစ်သည်။

#DW
#HlaingInfo

သြစတြီးယားမှာ ဓားနဲ့ထိုး တိုက်ခိုက်သူ အစ္စလာမ်မစ် အကြမ်းဖက်ဝါဒီအဖြစ် သတ်မှတ်

ဖေဖော်ဝါရီလ ၁၆ ရက်

ဩစတြီးယားနိုင်ငံ တောင်ပိုင်းမှာ ဓါးနဲ့ထိုးတိုက်ခိုက်မှု ကျုးလွန်သူဟာ အစ္စလာမ်မစ် အကြမ်းဖက်ဝါဒီ ဖြစ်ကြောင်း အာဏာပိုင်တွေက ပြောလိုက်ပါတယ်။
ဩစတြီးယားနိုင်ငံ Villach မြို့မှာ မနေ့စနေနေ့က အသက် ၂၃ နှစ်အရွယ် ဆီးရီးယားအမျိုးသားတဦးက အနီးအနားမှာ သွားလာနေသူ ၆ ယောက်ကို နေ့ခင်းကြောင်တောင် ဓါးနဲ့ လိုက်ထိုးတာကြောင့် အသက် ၁၄ နှစ်အရွယ် လူငယ်အမျိုးသားတဦး သေဆုံးပြီး၊ ၅ ယောက်ဒဏ်ရာ ရသွားခဲ့ပါတယ်။ တိုက်ခိုက်မှု ကျုးလွန်သူကိုတော့ ချက်ချင်းဖမ်းဆီးမိခဲ့ပါတယ်။
ဩစတြီးယားသမ္မတ Alexander Van der Bellen ကတော့ ထိတ်လန့်တုန်လှုပ်ဖွယ်ရာ တိုက်ခိုက်မှုအဖြစ် ပြောဆိုခဲ့ပါတယ်။ အပြစ်မရှိတဲ့သူတွေ ဓါးနဲ့ထိုး တိုက်ခိုက်ခံရတဲ့အတွက် အလွန်ဒေါသထွက်မိတယ်လို့လည်း ဩစတြီးယားပြည်ထဲရေးဝန်ကြီး Gerhard Karner က ဒီနေ့ ပြောပါတယ်။ တိုက်ခိုက်သူဟာ IS အစ္စလာမ်အစွန်းရောက်အဖွဲ့တွေနဲ့ ဆက်နွယ်မှုရှိပြီး၊ အွန်းလိုင်းကနေတဆင့် အချိန်တိုတိုအတွင်းမှာပဲ အစွန်းရောက်ဝါဒီ ဖြစ်လာခဲ့တယ်လို့လည်း ပြည်ထဲရေးဝန်ကြီးက ပြောပါတယ်။
တိုက်ခိုက်မှုဖြစ်ချိန်မှာ အစားအသောက်ပို့တဲ့ ကုမ္ပဏီတခုမှာ အလုပ်လုပ်နေတဲ့ အသက် ၄၂ နစ်အရွယ် ဆီရီးယားအလုပ်သမားတဦးက အဲဒီ တိုက်ခိုက်တဲ့သူဆီကို ကားနဲ့တိုးဝင်ပြီး ကျန်တဲ့သူတွေကို ကာကွယ်လိုက်တာကြောင့် အခြေအနေက ဒီထက်မဆိုးသွားခဲ့တာဖြစ်ပြီး၊ အဆိုပါပုဂ္ဂိုလ်ကို ကျေးဇူးတင်တယ်လို့ ပြည်နယ်အုပ်ချုပ်ရေးမှူး Peter Kaiser က ပြောပါတယ်။
၂၀၂၀ နိုဝင်ဘာလတုန်းကလည်း IS အစွန်းရောက်အဖွဲ့ကို ဝင်ဖို့ကြိုးစားခဲ့တဲ့သူတယောက်က အကြမ်းဖက်တိုက်ခိုက်ခဲ့ဖူးပြီး၊ ဒီတကြိမ်နဲ့ပါဆိုရင် အခုနှစ်ပိုင်းတွေအတွင်း ဩစတြီးယားနိုင်ငံမှာ အကြမ်းဖက်ဝါဒီတွေရဲ့ တိုက်ခိုက်မှုခံရတာ ဒုတိယမြောက် ဖြစ်ပါတယ်။

#AustrianStabbing #IslamicTerror #SyrianAustria #IslamicState
#VOA
#HlaingInfo

မူးမြို့နယ်တွင် ခလရ ၇၃ တပ်ရင်း လက်အောက်ခံ သပြေညွှန့် စခန်းမှ စစ်ကောင်စီ စစ်သား ၁ ဦး သေနတ် ၁ လက် ယူဆောင်လာပြီး အလင်းဝင်

ဖေဖေါ်ဝါရီလ ၁၆ ရက်

ပဲခူးတိုင်း၊ ညောင်လေးပင်ခရိုင်၊ မူးမြို့နယ်တွင် ခလရ ၇၃ တပ်ရင်း လက်အောက်ခံ သပြေညွှန့် စခန်းမှ စစ်ကောင်စီ စစ်သား ၁ ဦး သေနတ် ၁ လက် ယူဆောင်လာပြီး အလင်းဝင်ရောက်ခဲ့ကြောင်း KNU ဗဟိုက ပြောဆိုသည်။
ထိုသို့ အလင်းဝင်ရောက်သော စစ်ကောင်စီ တပ်သား ကိုစိုးသူသည် လက်နက် ၁ လက် ၊ ကျည် ၇၀ တောင့်နှင့် အတူ မူးမြို့နယ်၊ တပ်ရင်း ၈ ထံကို လက်နက်ချ အလင်း၀င်ရောက်လာခဲ့ခြင်းဖြစ်ကြောင်း သိရဿည်။
ယင်းသို့ လက်နက်ချ အလင်း၀င်ရောက်လာသော စစ်ကောင်စီ တပ်သား ကိုစိုးသူကို မြို့နယ်တာ၀န်ရှိ ခေါင်းဆောင်မှ ဂုဏ်ပြုဆုငွေ ၁၀ သိန်းကျပ် ပေးအပ် ချီးမြှင့်ခဲ့ကြောင်း သိရှိရသည်။
ထိုသို့ အကြမ်းဖက် စစ်ကောင်စီတပ်က အာဏာရှင်ကို ဆန့်ကျင်ပြီး ပြည်သူများနှင့် အတူ ပူး‌ပေါင်းကာ စစ်အာဏာရှင်စနစ်ကို တိုက်ထုတ်သွားမည့် မည်သူကိုမဆို နွေးထွေးစွာ ကြိုဆိုလျက်ရှိကြောင်း KNU မူးမြို့နယ်တာ၀န်ရှိသူ ခေါင်းဆောင်မှ တိုက်တွန်းထားကြောင်း သိရသည်။

#KTM
#HlaingInfo

လှိုင်မြို့နယ် တစ်နေရာတွင် ပေါက်ကွဲမှုဖြစ်ပွား

ဖေဖော်ဝါရီလ  ၁၆ ရက်

လှိုင်မြို့နယ်  တစ်နေရာတွင် ယနေ့  ည ( ၈  ) နာရီ (  ၂၀ )မိနစ်ဝန်းကျင်အချိန် ၌    🧨   ပေါက်ကွဲသံအကျယ်ကြီး    💣  ကြားရသည်ဟု ဒေသခံပြည်သူတစ်ဦးမှ Hlaing  Info သို သတင်းပေးပိုလာပါသည်။

ဖြစ်စဉ်အသေးစိတ်ကို ဆက်လက်စုံစမ်းဖော်ပြ သွားပါမည်။

#HlaingInfo

ငါးသိုင်းချောင်း ၃၄၄ အမြောက်တပ်သို့ ဒဏ်ရာရ စစ်ကောင်စီတပ်သားများ သယ်ဆောင်နေ

ဖေဖေါ်ဝါရီလ ၁၆ ရက်

ဧရာ၀တီတိုင်း၊ ငါးသိုင်းချောင်းမြို့ အမှတ် (၃၄၄) အမြောက်တပ်အနီးတွင် ဖေဖော်ဝါရီ ၁၃ ရက်နေ့က စတင်ပြီး ဖြစ်ပွားနေသည့် တိုက်ပွဲအတွင်း ဒဏ်ရာရစစ်ကောင်စီတပ်သားများကို အဆိုပါအမြောက်တပ်သို့ သယ်ဆောင်နေကြောင်း ဒေသခံများထံက သိရသည်။
လက်ရှိတွင် ဂွ-ငါးသိုင်းချောင်းကားလမ်း မိုင်တိုင် ၁၃ အနီးတွင် တိုက်ပွဲများပြင်းထန်နေပြီး စစ်ကောင်စီတပ်သားအချို့ ထွက်ပြေးမှုများရှိနေကြောင်း ဒေသခံများက ပြောသည်။
"အမြောက်တပ်နဲ့တော်တော်နီးနေပြီ။ ဒဏ်ရာရတဲ့သူတွေလည်း ကားနဲ့တင်ပြီးတပ်ထဲမှာပဲ ကုပေးနေတယ် "ဟု ဒေသခံတစ်ဦးက ဧရာ၀တီတိုင်မ်းကိုပြောသည်။
အမြောက်တပ်မှ နေ့စဉ် လက်နက်ကြီးများကို အတွဲလိုက်ပစ်ခတ်နေပြီး ငါးသိုင်း ချောင်းမြို့ဘက်မှ စစ်ကူများဆက်တိုက်ပို့ဆောင်နေကာ ၊ စက်တပ်လေထီးများ(Paramotor) ၊ရဟတ်ယာဉ်များအသုံးပြု၍ တိုက်ခိုက်နေကြောင်း သိရသည်။

#AYAT
#HlaingInfo

အဏုမြူလက်နက်ထိန်းချုပ်ရေး တရုတ်၊ ရုရှားတို့နှင့် ထိပ်သီးဆွေးနွေးပွဲစတင်လိုကြောင်း ထရမ့် ပြော

ဖေဖေါ်ဝါရီလ ၁၆ ရက်

အဏုမြူလက်နက်ထိန်းချုပ်ရေး ဆွေးနွေးမှုများ ပြန်လည်စတင်လိုကြောင်း အမေရိကန်သမ္မတ ဒေါ်နယ်ထရမ့်က ကြာသပတေးနေ့က အိမ်ဖြူတော်တွင် သတင်းထောက်များကို ပြောကြားသည်။
အမေရိကန်၊ ရုရှား၊ တရုတ် သုံးနိုင်ငံစလုံး၏ ကာကွယ်ရေးအသုံးစရိတ်ကို ထက်ဝက်တိတိ လျှော့ချနိုင်ရေး သဘောတူညီချက်ရနိုင်ရန် မျှော်လင့်ကြောင်း ၎င်းက ဆိုသည်။
အမေရိကန်အနေဖြင့် အဏုမြူလက်နက်ထုတ်လုပ်ရေးအတွက် ဒေါ်လာဘီလီယံပေါင်းများစွာ သုံးစွဲနေသည့်အပေါ် ၎င်းက ညည်းညူပြောဆိုခဲ့ပြီး အမေရိကန်၏ ပြိုင်ဘက်နိုင်ငံများအနေဖြင့်လည်း ကာကွယ်ရေးအသုံးစရိတ်များကို လျှော့ချရေး ပြန်လည်သံန္နိဋ္ဌာန်ချကြရန် မျှော်လင့်ကြောင်း ထရမ့်က ပြောဆိုသည်။
“ကျွန်တော်တို့အတွက် အဏုမြူလက်နက်အမျိုးအစားအသစ်တွေ ထုတ်လုပ်စရာ အကြောင်းမရှိဘူး။ ကျွန်တော်တို့မှာ အများကြီးရှိနေပြီးသား ဖြစ်နေပြီ။ ဒီလက်နက်တွေနဲ့ ခင်ဗျား ကမ္ဘာကြီးကို အကြိမ်ငါးဆယ်၊ အကြိမ် တစ်ရာလောက် ဖျက်ဆီးပစ်လိုက်လို့ ရတယ်” ဟု ၎င်းက ပြောသည်။
အကျိုးရှိသည့် အခြားနေရာများတွင် အသုံးပြု၍ရသည့် ငွေကြေးများကို နျူကလီးယားလက်နက် တည်ဆောက်ရေးတွင် သုံးစွဲနေကြကြောင်း ထရမ့်က ဆိုသည်။
အမေရိကန်နှင့် ရုရှားသည် စစ်အေးခေတ်ကတည်းက အဏုမြူလက်နက် အများအပြားပိုင်ဆိုင်ထားခဲ့ကြပြီး တရုတ်သည် ‘ငါးနှစ်မှ ခြောက်နှစ်အတွင်း’ အမေရိကန်နှင့် ရုရှား၏ အဏုမြူလက်နက်ပိုင်ဆိုင်မှုပမာဏကို အမီလိုက်လာနိုင်မည်ဟု ထရမ့်က ခန့်မှန်းပြောကြားခဲ့သည်။
အဆိုပါ အဏုမြူလက်နက်များကိုသာ ထုတ်သုံးလိုက်လျှင် ကမ္ဘာကြီးသည် လုံးဝပျက်စီးခြင်းသို့ ရောက်လိမ့်မည်ဟု ၎င်းက ပြောသည်။
အရှေ့အလယ်ပိုင်းနှင့် ယူကရိန်းအရေးကိစ္စများ ဖြေရှင်းပြီးလျှင် ရုရှားနှင့် တရုတ်နှစ်နိုင်ငံနှင့် အဏုမြူလက်နက်လျှော့ချရေး ဆွေးနွေးမှုများ စတင်ပြုလုပ်ဖို့ မျှော်လင့်ကြောင်း ထရမ့်က ပြောဆိုသည်။

#DW
#HlaingInfo

စံမြင့် သို့မဟုတ် ဘီလျံနာတပ်မှူး ဗိုလ်မှူးကြီး စောချစ်သူ

Justice For Myanmar စုံစမ်းဖော်ထုတ်သည့် Karen BGF/KNA ၏ရာဇဝတ်စီးပွားကွန်ရက်အကြောင်း မြန်မာစစ်အုပ်စု၏ မဟာမိတ်၊ ကရင်အမျိုးသားတပ်မတော် (KNA) ဟု အမည်ပြောင်းထားသော ကရင်နယ်ခြားစောင့်တပ် (BGF) သည် အာဏာရ ပြည်သူ့စစ်အဖွဲ့ခေါင်းဆောင်မိသားစုနှင့် ၎င်းတို့၏ မိတ်ဖက်များကို ကြွယ်ဝချမ်းသာစေသည့် နိုင်ငံဖြတ်ကျော် စီးပွားရေးကွန်ရက်တစ်ခုကို တည်ဆောက် ထားပြီး၊ ယင်းစီးပွားရေးကွန်ရက်ကြောင့် ကျယ်ပြောလှသော အတိဒုက္ခများကို ဖြစ်ပေါ်စေသည်။

ကရင် BGF/KNA တပ်၏ ကော်ပိုရိတ်ဖွဲ့စည်းပုံနှင့် ဒေသတွင်းကွန်ရက်များအပေါ် Justice For Myanmar ၏ သုတေသနလေ့လာမှုအတွင်းတွင် အချက်အလက်အသစ်များအဖြစ် အဆိုပါပြည်သူ့စစ် အဖွဲ့သည် တရားမဝင် ဆိုးရွားကြမ်းကြုတ်သည့် စီးပွားရေးလုပ်ငန်းများ၌ မလေးရှား၊ ထိုင်း၊ စင်ကာပူ၊ ကမ္ဘောဒီးယား၊ တရုတ်နှင့် ဟောင်ကောင်နိုင်ငံများမှ ကုမ္ပဏီများ၊ လူပုဂ္ဂိုလ်များနှင့်အတူ ပါဝင်ပတ်သက်နေကြောင်း ဖော်ထုတ်ထားသည်။

အဆက် - ⤵️⤵️

ငါးသိုင်းချောင်း  ၃၄၄ အမြောက်တပ်သို့ ဒဏ်ရာရ စစ်ကောင်စီတပ်သားများ သယ်ဆောင်နေ

ဖေဖေါ်ဝါရီလ ၁၆ ရက်

ဧရာ၀တီတိုင်း၊ ငါးသိုင်းချောင်းမြို့ အမှတ် (၃၄၄) အမြောက်တပ်အနီးတွင် ဖေဖော်ဝါရီ ၁၃ ရက်နေ့က စတင်ပြီး ဖြစ်ပွားနေသည့် တိုက်ပွဲအတွင်း ဒဏ်ရာရစစ်ကောင်စီတပ်သားများကို အဆိုပါအမြောက်တပ်သို့ သယ်ဆောင်နေကြောင်း ဒေသခံများထံက သိရသည်။

လက်ရှိတွင် ဂွ-ငါးသိုင်းချောင်းကားလမ်း မိုင်တိုင် ၁၃ အနီးတွင် တိုက်ပွဲများပြင်းထန်နေပြီး စစ်ကောင်စီတပ်သားအချို့ ထွက်ပြေးမှုများရှိနေကြောင်း ဒေသခံများက ပြောသည်။

"အမြောက်တပ်နဲ့တော်တော်နီးနေပြီ။  ဒဏ်ရာရတဲ့သူတွေလည်း ကားနဲ့တင်ပြီးတပ်ထဲမှာပဲ ကုပေးနေတယ် "ဟု ဒေသခံတစ်ဦးက ဧရာ၀တီတိုင်မ်းကိုပြောသည်။

အမြောက်တပ်မှ နေ့စဉ် လက်နက်ကြီးများကို အတွဲလိုက်ပစ်ခတ်နေပြီး ငါးသိုင်း ချောင်းမြို့ဘက်မှ စစ်ကူများဆက်တိုက်ပို့ဆောင်နေကာ ၊ စက်တပ်လေထီးများ(Paramotor) ၊ရဟတ်ယာဉ်များအသုံးပြု၍ တိုက်ခိုက်နေကြောင်း သိရသည်။

#AYAT
#HlaingInfo

တနင်္သာရီမြို့နယ်၊ သိန်ခွန်းရွာကို စစ်တပ်က လေယာဉ်ဖြင့် ၃ ကြိမ် ဗုံးကျဲ တိုက်ခိုက်မှု နေအိမ်များ မီးလောင် ပျက်စီး

ဖေဖော်ဝါရီ ၁၆ ရက်

တနင်္သာရီတိုင်း၊ တနင်္သာရီမြို့နယ်၊ သိန်ခွန်းရွာကို အကြမ်းဖက် စစ်တပ်က လေယာဉ်ဖြင့် ၃ ကြိမ် ဗုံးကျဲ တိုက်ခိုက်ရာ နေအိမ်များ မီးလောင် ပျက်စီးခဲ့ကြောင်း မြိတ်ခရိုင်၊ ပြည်သူ့ကာကွယ်ရေးပူးပေါင်းစစ်ကြောင်း ၁ မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဖေဖော်ဝါရီလ ၁၅ ရက်နေ့ နံနက် ၁၀ နာရီ ၁၀ မိနစ်ခန့်တွင် တနင်္သာရီမြို့နယ်၊ သိန်ခွန်းရွာကို အကြမ်းဖက် စစ်တပ်က လေယာဉ်ဖြင့် ၃ ကြိမ် ဗုံးကျဲ တိုက်ခိုက်ခဲ့ရာ နေအိမ်များ မီးလောင် ပျက်စီးခဲ့ကြောင်းသိရသည်။

အကြမ်းဖက် စစ်တပ်၏ လေကြောင်းတိုက်ခိုက်မှု အတွင်း ပြည်သူများထိခိုက်မှုမရှိသော်လည်း ကျေးရွာနေပြည်သူများသည် ရွာလုံးကျွတ် ထွက်ပြေး တိမ်းရှောင်နေရဆဲဖြစ်ကြောင်း၊ မြေပြင်တွင်လည်း တော်လှန်ရေး တပ်ဖွဲ့များနှင့် တိုက်ပွဲများ ဆက်လက် ပြင်းထန်နေဆဲဖြစ်ကြောင်း သိရှိရသည်။

အဆက် - ⤵️⤵️

ဂန့်ဂေါ - ကလေး လမ်းပိုင်းမှာ တိုက်ပွဲပြင်းထန်နေလို့ အကြမ်းဖက် စစ်တပ်ရဲ့ လေကြောင်းတိုက်ခိုက်မှုကို သတိရှိဖို့ မြို့နယ်ပကဖ အသိပေး

ဖေဖော်ဝါရီလ ၁၆ ရက်

မကွေးတိုင်း၊ ဂန့်ဂေါမြို့နယ် နဲ့ စစ်ကိုင်းတိုင်း၊ကလေးမြို့နယ်တို့ရှိ ဂန့်ဂေါ-ကလေးလမ်းပိုင်းမှာ တော်လှန်ရေးအင်အားစု နဲ့ အကြမ်း ဖက်စစ်တပ်တို့ တိုက်ပွဲပြင်းထန်နေတဲ့အတွက် ရန်သူရဲ့ လေ ကြောင်း တိုက်ခိုက်မှုများကို အထူးသတိထားဖို့ ဂန့်ဂေါမြို့နယ် ပြည်သူ့ ကာကွယ်ရေးအဖွဲ့က ဒီနေ့ အသိပေးလိုက်ပါတယ်။

ဂန့်ဂေါမြို့နယ် မြောက်ပိုင်း နဲ့ ကလေးမြို့နယ် တောင်ပိုင်းက ဂန့်ဂေါ - ကလေးလမ်းပိုင်းမှာ တိုက်ပွဲစတင်ဖြစ်ပွားတဲ့ နေ့ ကစပြီး၊ အကြမ်း ဖက်စစ်ကောင်စီမှ လေကြောင်းကနေ အဆက်မပြတ် တိုက်ခိုက်နေ တယ်လို့ဆိုပါတယ်။

ဒေသနေ ပြည်သူများအနေနဲ့ ကြိုတင်ကာကွယ်နိုင်ရန် နဲ့ ထိခိုက် အသက်ဆုံးရှုံးမှုများ မရှိရလေအောင် လေကြောင်း သတိပေး ကြေညာချက်များကို သတိပြုလိုက်နာကြဖို့လည်း တိုက်တွန်းထား ပါတယ်။

#PVTV
#HlaingInfo

စစ်ကောင်စီ၏ ရွေးကောက်ပွဲ ကျင်းပရန် မရေရာသေးသော်လည်း UEC ဥက္ကဋ္ဌက  သတင်းယူခွင့် ပြုမည်ဟုဆို

▪️"မုန့်ဆီကြော် ဘယ်နေမှန်းမသိ နှုတ်ခမ်းနာနှင့် တည့်ပါ့မလား" ဆိုသည့် စကားပုံသာ ပြေးမြင်မိဟု သတင်းသမားများ တုံ့ပြန်

ဖေဖော်ဝါရီလ ၁၆ ရက်

အာဏာသိမ်းပြီးနောက် ခုခံတော်လှန်မှုများကြောင့် စစ်ရှုံးနေသည့် စစ်ကောင်စီက ၎င်းတို့ ပြန်လည် ကျင်းပမည်ဟု အမြဲပြောဆိုနေသော မရေရာသေးသည့် ရွေးကောက်ပွဲတွင် မီဒီယာများကို သတင်း ရယူခွင့် ပြုပေးသွားမည်ဖြစ်ကြောင်း လက်အောက်ခံ သတင်းမီဒီယာကောင်စီမှတစ်ဆင့် ပြောဆို လာသည်။

စစ်ကောင်စီခန့် ပြည်ထောင်စုရွေးကောက်ပွဲကော်မရှင် (UEC)ဥက္ကဋ္ဌသည် နေပြည်တော်တွင် ၎င်းတို့ အသိအမှတ်ပြု၍ ရွေးချယ်ဖွဲ့စည်းထားသော မြန်မာနိုင်ငံသတင်းမီဒီယာကောင်စီအဖွဲ့ကို ယခုရက်ပိုင်း အတွင်း တွေ့ဆုံဆွေးနွေး၍ ထိုသို့ပြောဆိုခဲ့ကြောင်း စစ်ကောင်စီ၏ ဝါဒဖြန့် သတင်းစာများအရ သိရသည်။

ယင်းသို့ပြောဆိုခြင်းသည် "မုန့်ဆီကြော် ဘယ်နေမှန်းမသိ နှုတ်ခမ်းနာနှင့် တည့်ပါ့မလား" ဆိုသည့် စကားပုံကိုသာ ပြေးမြင်မိသလို ၎င်းတို့အနေဖြင့် အသံလွှင့်ပြနေခြင်းလည်းဖြစ်ကြောင်း လုပ်သက် ၁၈ နှစ်ရှိ ပြည်တွင်းသတင်းသမားတစ်ဦးက ဝေဖန်ထောက်ပြသည်။


အဆက် - ⤵️⤵️

ပခုက္ကူ ၊ ကံမ္မရဲစခန်းနှင့် ရေဦးမြို့ရှိ စစ်တပ် တပ်စွဲထားသော နေရာများကို တင်ရောက် တိုက်ခိုက်မှု စစ်ကောင်စီ တပ်သားများ ထိခိုက်မှုရှိ

ဖေဖော်ဝါရီလ ၁၆ ရက်

မကွေးတိုင်း၊ ပခုက္ကူမြို့နယ်၊ ကံမ္မရဲစခန်းတွင် အထိုင်ချ တပ်စွဲထားသော အကြမ်းဖက် စစ်ကောင်စီ တပ်သားများကို ဒရုန်းဖြင့် ဗုံးကျဲ တိုက်ခိုက်ခဲ့ကြောင်း Black Eagle Drone Force မှ တာဝန်ရှိသူတစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဖေဖော်ဝါရီလ ၁၃ ရက်နေ့ နံနက် ၅ နာရီနှင့် နံနက် ၆ နာရီခန့်တွင် ပခုက္ကူမြို့နယ်၊ ကံမ္မရဲစခန်းတွင် အထိုင်ချ တပ်စွဲထားသော အကြမ်းဖက် စစ်ကောင်စီ တပ်သား အင်းအား ၃၀ ခန့်ကို တော်လှန်ရေး တပ်ဖွဲ့များက ဒရုန်း ၄ စီးဖြင့် ဗုံးကျဲ တိုက်ခိုက်ခဲ့ကြောင်းသိရှိရသည်။

ယင်း တိုက်ခိုက်မှု အတွင်း အကြမ်းဖက် စစ်ကောင်စီ တပ်သားများ သေဆုံးမှုအရေအတွက်ကို အတည်ပြုနိုင်ခြင်းမရှိသော်လည်း ထိခိုက်ဒဏ်ရာရရှိသူများပြားကြောင်း သိရသည်။

အဆက် - ⤵️⤵️

❛⁠ ကြက်ကလေး ငှက်ကလေးဖမ်းသလို
ဖမ်းမယ်ဆိုရင်တော့
မေတ္တာတရားကို မိမယ်မထင်ဘူး။ ။

▪️အောင်ခိုင်မြတ်

Credit - geniusbookhouse

#HlaingInfo

အင်းစိန်ထောင်မှ ရိုဟင်ဂျာအကျဥ်းသား ၉၀၀ ကျော် စစ်တွေကို ပို့

ဖေဖော်ဝါရီလ ၁၆ ရက်

ရန်ကုန်မြို့ အင်းစိန်ထောင်မှအကျဥ်းကျခံနေရသော ရိုဟင်ဂျာအကျဥ်းသား ၉၀၀ ကျော်ကို ယနေ့နံနက်အစောပိုင်း၌ခေါ်ထုတ်သွားပြီး နာရီပိုင်းအတွင်းရေယာဥ်ဖြင့် စစ်တွေမြို့သို့ ပို့ဆောင်လိုက်ကြောင်း မြန်မာနိုင်ငံလုံးဆိုင်ရာ နိုင်ငံရေးအကျဉ်းသားများကွန်ရက် (PPNM) က ထုတ်ပြန် သည်။

လွတ်ရက်စေ့ပြီးသည့် ရိုဟင်ဂျာအမျိုးသား ၁၈ ဦးမှလွဲ၍ ကျန် ရိုဟင်ဂျာအမျိုးသား ၅၈၄ ဦး၊ အမျိုးသမီး ၂၆၇ ဦး၊ ကလေး ၆၇ ဦး စုစုပေါင်း ၉၁၈ ဦးအား ယနေ့နံနက် ၆ နာရီဝန်းကျင်တွင် အင်းစိန် အကျဉ်းထောင်မှတဆင့် ခေါ်ထုတ်ပြီး စစ်တွေမြို့သို့ ရေကြောင်းအသုံးပြု၍ ပို့ဆောင်မည်ကို သိရှိထားကြောင်း PPNM က ဆိုထားသည်။

ကိုသိုက်ထွန်းဦးက “ခေါ်ထုတ်သွားတဲ့ အခြေအနေမှာ မြန်မာစံတော်ချိန် ၈ နာရီဝန်းကျင်မှာ ရန်ကုန်ဆိပ်ကမ်းကနေတဆင့် စစ်တွေဘက်ကို ရေယာဥ်အသုံးပြုပြီးခေါ်သွားတယ်ဆိုတာကို အတည်ပြုထားနိုင်ပါတယ်” ဟု ပြောသည်။

အဆိုပါ အကျဥ်းသားများသည် နယ်စပ်ဖြတ်ကျော်ကိစ္စများဖြင့် ဖမ်းဆီးခံထားရသူများဖြစ်ပြီး လွတ်ရက်စေ့သည်မှာ ကြာမြင့်နေပြီဖြစ်သော် လည်း ယခုမှလူအင်အားအများအပြားကို တိုက်ပွဲဖြစ်ပွားရာ စစ်တွေမြို့သို့ ခေါ်ဆောင်သွားသည်မှာ ရိုဟင်ဂျာများအတွက် အသက်ရှင်သန်ခွင့် ခြိမ်းခြောက်ခံရသည့် အခြေအနေဖြစ်ကြောင်းလည်း ၎င်းက ဆိုသည်။

“လက်ရှိမှာ ရိုဟင်ဂျာတွေအနေနဲ့ ရှေ့နေတွေလည်း မရှိသလို သူတို့နောက်ကနေ သတင်းလိုက်စုံစမ်းပေးမယ့် မိသားစုဝင်တွေလည်း ရှိမနေဘူး။ မြန်မာပြည်မှာအရင်ကတည်းက အစစအရာရာ တင်းကျပ်ခံထားရတဲ့အခြေအနေမှာ ဧည့်တွေ့ခွင့်ထောင်ဝင်စာတွေမရခဲ့တဲ့အတွက် အခု ရန်ကုန်ဆိပ်ကမ်းကနေ ခေါ်ထုတ်သွားပြီး နောက်ဆက်တွဲ ဘာဆက်ဖြစ်မလဲဆိုတာ ပြောရတာ အင်မတန် ခက်ပါတယ်။ ဒါကြောင့် သတင်းတွေ ပျောက်ကွယ်သွားပြီးမှ စစ်ကောင်စီက စစ်မှုထမ်းခိုင်းတာမျိုး လူသားဒိုင်းအဖြစ် အသုံးချတာတွေ ရင်ဆိုင်ရနိုင်တဲ့အခြေအနေရှိပါတယ်” ဟု ကိုသိုက်ထွန်းဦး က ဆိုသည်။

ယခုလဆန်းပိုင်းမှစ၍ စစ်တွေမြို့အနီးရှိ စစ်တပ်စခန်းများအား အာရက္ခတပ်တော် (AA) က ဝင်ရောက် တိုက်ခိုက်ခဲ့သလို စစ်ကောင်စီတပ်များကလည်း မြို့တွင်းမြို့ပြင် လုံခြုံရေးတိုးချဲ့ချထားခြင်းများ ပြုလုပ်နေကြောင်း သိရသည်။

ဓာတ်ပုံ- ဧရာဝတီ
#WhatsHappeningInMyanmar
#RejectMilitaryCoup
#Irrawaddy
#HlaingInfo

ဆိုးဝါးတဲ့ဥတုဒဏ်ခံနေရတဲ့ ကန်အရှေ့ခြမ်း

ဖေဖော်ဝါရီလ ၁၆ ရက်

အမေရိကန်ပြည်ထောင်စု အရှေ့ပိုင်းပြည်နယ် နေရာအတော်များများမှာ အခုသီတင်းပတ်ကုန် ရက်ပိုင်းတွေအတွင်း စိုစွတ်ပြီး ဆိုးရွား ပြင်းထန်တဲ့ ရာသီဥတု ဒဏ်ကို ရင်ဆိုင်ရဖို့ ရှိနေပါတယ်။ Ohio နဲ့ Tennessee ပြည်နယ် ချိုင့်ဝှမ်းဒေသတွေမှာ ရေခဲတွေ အရည်ပျော်နေတဲ့အချိန် မိုးကြိုး မုန်တိုင်းဒဏ် ခံရဖို့ရှိနေပြီး Mississippi ချိုင့်ဝှမ်း အောက်ပိုင်းဒေသတွေမှာတော့ ပြင်းထန်တဲ့ လေဆင်နှာမောင်း ဝင်ရောက်မယ့် အန္တရာယ် ကြုံနေရပါတယ်။
Kentucky ၊ Tennessee ၊ အနောက် ဗာဂျီးနီးယား နဲ့ Arkansas ပြည်နယ်တွေမှာလည်း ရေကြီးနိုင်တဲ့အကြောင်း သတိပေးချက်တွေ ထုတ်ပြန်ထားပြီး ဒေသခံတွေအနေနဲ့ ဖြစ်နိုင်ရင် အပြင်ထွက် သွားလာတာတွေ မလုပ်ဖို့ မိုးလဝသဌာနက သတိပေးထားပါတယ်။ Kentucky ပြည်နယ် မြောက်ပိုင်း နေရာတချို့မှာ မိုးရေချိန် ၈ လက်မ အထိ ရွာနိုင်တယ်လို့ ခန့်မှန်းထားပါတယ်။ တချိန်တည်းမှာပဲ အရှေ့မြောက်ပိုင်း ပြည်နယ် ၆ ခုမှာတော့ အစပိုင်း နှင်းတွေ ထူထူထပ်ထပ် ကျပြီး နောက်ပိုင်း နှင်းမိုးနဲ့ ရေခဲမိုးအသွင်ပြောင်း ရွာနိုင်တာကြောင့် ခရီးသွားလာဖို့ မဖြစ်နိုင်တဲ့ အခြေအနေအထိ ကြုံရနိုင်တဲ့အကြောင်း သတိပေးထားပါတယ်။ နယူးယောက်ပြည်နယ် မြောက်ပိုင်းမှာလည်း ဒီသီတင်းပတ်ကုန် မိုးသည်းသည်းထန်ထန် ရွာနိုင်တဲ့အကြောင်းနဲ့ ဒေသခံတွေ အနေနဲ့ နှင်းကျတာရော၊ မိုးရွာတာအပြင် ရေခဲတာနဲ့ လေပြင်းတိုက်တာတွေလည်း ကြုံရနိုင်တယ်လို့ မိုးလေဝသ ပညာရှင်တွေက သတိပေးထားပါတယ်။

#VOA
#HlaingInfo