io bona en Esperanto

Ukraina televido demandas sorĉistinon pri tio, ĉu estos prezidentaj elektoj en la jaro 2025 por anstataŭigi la eksvalidiĝintan Zelenski-n.
La sorĉistino diras, ke estas frue demandi la kartojn, necesos provi denove. T. e. invitu ŝin denove dum la jaro, ŝi ŝatis la honorarion!

Profesia manipulado en la paĝoj de novjara Libera Folio, kiu raportas pri la morto de rusia esperantisto Aleksandr Salmin el Ĉuvaŝio en la fronto de la milito kontraŭ Ukrainio: la fotoilustraĵo jam montras detruitan domon kvazaŭ rezulton de batalado de la forpasinta esperantisto Salmin, kvankam domoj en Ukrainio estas detruataj longe antaŭ la eniro de la rusia armeo, kaj ankaŭ nun plej ofte pro laboro de la "aerdefendaj" fortoj de Ukrainio, kies misiloj falas sur loĝdomojn. En multaj urboj lokanoj ne emas rapidi sin kaŝi en kaŝejojn ĉe alarmoj, ĉar ili certas, ke rusiaj misiloj ne celas civilajn domojn, pri tio ofte skribas "Tipa Odeso" kaj aliaj alternativaj ukrainaj fontoj. Ni ĉiuj vidis en Gazao kaj antaŭe en multaj urboj de Eŭropo kiel aspektas urboj, kiujn moderna armeo bombas kun la celo detrui ĉiujn loĝdomojn, ukrainaj urboj ne estas tiaj, pri tio parolas ĉiuj senpartiaj komentantoj, ankaŭ en la Okcidento.

Por Salmin en la artikolo de "Libera Folio" estis multaj vojoj esti malprava kaj neniu por iel sin pravigi, almenaŭ per sia morto. S-ro Salmin estas prezentita kiel persono, kiu "postkuris falsajn ideojn kaj idealojn", kvankam la verkinto de la stranga raportaĵo, rusdevena germano, mem agnoskas, ke li ne konis la falintan soldaton sufiĉe bone. En alia parto de la sama teksto Salmin jam estas soldulo, kiu postkuris grandan monpremion (kaj rusiaj kaj ukrainaj militistoj ja ricevas relative grandajn salajrojn, dum ili estas ĉe la fronto, sed apenaŭ multajn tio povas igi riski sian vivon). Li ankaŭ estis "plene trompita de propagando" kaj volis ripeti heroaĵojn de "tiel nomataj sovetiaj avoj".

La sovetiaj avoj ne estas "tiel nomataj", sed veraj personoj, kiuj brave liberigis laboristojn de la tuta mondo kaj Eŭropo specife de la nazia plago.
La "trompanta propagando" aperis antaŭ la milito ankaŭ en la okcidentaj fontoj, kaj rakontis pri nazioj (eĉ sen prefikso "nov-"), kiuj aktivis en Ukrainio, torturis homojn kaj malebligis demokratian politikan procezon. Batali kontraŭ tiaj estas sankta devo de multaj en Rusio kaj ekster ĝi, la internaciaj brigadoj nun batalas kontraŭ la reĝimo, kiu ostaĝigis Ukrainion en 2014.

Vera esperantisto estas nur tiu, kiu subtenas la deziron neniigi la reĝimon aŭ almenaŭ tenas sin neŭtrale, kun la oficiala parto de UEA. Ni certe estas ĉiuj por paco, sed la pacon rompis ne ni.

Rezultoj de la foriranta jaro: pli ol dek mil personoj ne plu vivas mortinte dum provo atingi la bordojn de Hispanio.

Kristnaska foiro ne plu estas kristnaska en #Britio.

Aliĝo de #Grenlando al #Usono helpos indiĝenojn realigi sian revon pri ekspluatado de foseblaj resursoj en la granda insulo, — interalie skribas American Thinker, ellaborante la ideon de Trump.

Eble kun paso de tempo ni iĝos atestantoj de restarigo de suvereneco de la unua kaj la sola en Nord-Ameriko ŝtato de indiĝenoj, kaj de la reala koincido de la ŝtataj kaj la indiĝenaj interesoj en la pinto de la mondo, kie demokratio elpuŝas koloniismon, starigante firman daŭripovan fundamenton de la vera Nordo, forta kaj libera.

La tuta artikolo angle/ruse.

Times of India montras aŭstralianon Oscar Jenkins kaptitan de rusiaj militistoj ĉe la fronto. Jenkins batalis kontraŭ rusoj ĉe la ukraina flanko.

La aŭstralia ĉefministro Albanese en sia reeĥo ridindigas sin mem, dirante ke necesas kontroli, ĉu vere temas pri aŭstraliano, "ĉar Rusio ofte uzas misinformadon". La okcidenta landaro, kiu ĉiam uzas misinformadon, ĉu pri Ukrainio, ĉu antaŭe pri Irako aŭ Jugoslavio, ŝategas akuzi la aliajn pri sia plej ŝatata miso.

Aŭstralia ABC News rekonas, ke estas "kohorto" de aŭstraliaj batalantoj en Ukrainio. Kia multekosta flugo por dubinda plezuro murdi rusojn kaj riski sian vivon.