Hasad Allohning rizq taqsimotiga eʼtiroz qilmoqdir. (Muallifi noma’lum)*
Qalbdagi hasadni bilish
Hasadning ko‘plab xavflari bor:
Hasadgoʻylik judayam nafratlanadigan xislatlardandir. U Iblisning Odam alayhissalomga boʻysunmay, Qiyomatgacha laʼnatga uchrashining sababi; u Odam alayhissalomning oʻgʻlini koʻr qilib, oʻz ukasining oʻlimiga sababchi boʻlishi va shu tariqa insoniyat tarixida birinchi oʻlim va qotil kelib chiqishiga; u paygʻambar bolalarining oʻz beozor ukasini quduqqa tashlab va qullikka sotib yuborishga sabab boʻlgan... Sanasak, roʻyxat davom etaveradi.
Shu sababdan hasad qalbda borligining gunohligi diniy va nazariy haqiqatlardan biridir: deyarli boshqa “barcha” xohish va hissiyotlar tartibsizlik ko‘rsatmasa, e’tibordan chetda qoladi, biroq hasadgo‘ylik yurakda faqat bo‘ladi. “…hasad yaxshiliklarni xuddi olov o‘tinni yegandek, yeb yuboradi” (Abu Dovud).
Hasadgo‘ylikning ba’zi BELGILARI quyidagilar:
1) O‘y-xayollaringiz hech qanday sababsiz siz hasad qiladigan odamga chalg‘iyotganini his etasiz. To‘xtovsiz birovning hayotini kuzatasiz, yoki unga ne’mat qilingan yaxshilikdan dilingiz hasaddan ozor chekadi.
2) Agar siz biror musulmonning boshiga kulfat tushganidan xursand bo‘lsangiz, bu yaxshi belgi emas. Har bir musulmon bir-birga birodardir, bir begunoh musulmonning musibatidan xursand bo‘lish esa qalbdagi kasallikdan dalolat beradi.
3) Agar kimgadir biror narsa bilan baraka berilganini bilib qolganingizda yuragingiz g‘ashlansa, bu sizning ruhan pokligingiz alomati emas. Mutlaqo begona inson “lotoreya yutsa” (maqolga xos holda aytmoqchiman!), qalbingiz og‘rinmaydi; shuning uchun iymonli birodaringiz yoki singlingiz qandaydir ishda Alloh tomonidan marhamatlansa, haqiqiy mo‘min o‘z birodari yoki singlisining baxtidan xursand bo‘lishi kerak.
Hasadgo‘ylikning ba’zi bir DAVOLARI quyidagilar:
1) Allohga sidqidildan, tavoze bilan, sodiqlik bilan yuzlanish, Undan pok va toza qalb so‘rash (salim qalb*). Kim Allohdan ixlos bilan ixlos so‘rasa, unga ixlos beriladi.
2) Kimda kim marhamatga ega bo‘lganini eshitganingizda “Mashaalloh” deyish va Allohga hamd aytish, aytayotganingizda aynan shularni nazarda tutish.
3) Hasad qilishingiz mumkin bo‘lgan kishingiz haqiga duo qilish, bu eng qiyini bo‘lishi mumkin, ammo bu hasadning eng samarali davolaridan hamdir. Shuningdek, yodingizda tuting: u insonga nimaiki so‘rasangiz, o‘zingiz olasiz inshaalloh!
4) Bu dunyoning haqiqatini, uning vaqtinchalik tabiatini va uning xayoliy yoqimliligini tushunish. Agar siz haqiqatan ham bu dunyoning narigi dunyoga nisbatan qanchalik kam qadri borligini tushunsangiz, hech qachon insonga berilgan dunyoviy yaxshilikka hasad qilmaysiz. Birovning taqvosiga, ilmiga, sadaqasiga (halol tarzda!) havas qiling va u kabi bo‘lishga harakat qiling!
5) Allohning qazoyi qadariga iymon keltirish va bo‘ysunish. Alloh kimga nima berishni biladi, kimgadir ne’mat va boshqa kimga sinov bo‘lishini ham biladi. U siz uchun eng yaxshisini berdi va siz uchun la’nat bo‘ladigan narsadan sizni qaytardi. Bas, Allohning ixtiyorini qabul qiling, chunki hech kim sizga Robbingizdek mehribon va rahmli emas.
Yakuniy xulosa: hasad shunaqaki, siz boshqa kishidan Alloh bergan ne’mat olib tashlanishini xohlaysiz; birovga berilgan yaxshi ne’mat o‘sha odamdan olib tashlanishini istamaslik havasdir.
Allohdan hasad va yomon his-tuyg‘ulardan xoli bo‘lgan qalblar pokligini so‘raymiz! Alloh taolo har bir mo‘min-musulmonga bu dunyoda ham, oxiratda ham yaxshilik ato etsin!
*
aforizmni tarjimon keltirgan
**sog‘lom qalb
Muallif:
Shayx Yosir Qozi
Tarjimon:
Iroda Zakir
Manba:
www.quranreflect.com#tarjima #maqola
#translation #article
@iroda_zakir
