اسرار د اسلامي کاریال جوړوني خپلواکه اداره

د دارالاِفتاء فيض العلوم الحقانيه چينل او شرعي پوښتني مو دلته پرېږدئ د ګروپ محترمو مينه والو !

السلام عليکم ورحمة الله وبرکاته!
الله رب العزت دي وکړي چي روغ، جوړ او د صحت په جامو به مُلبس ياست.

محترمو او معززو دوستانو!
په ملګرتيا مو وياړم او ډېر خوښ يم چي تاسو راسره ياست.
دعاء کوم چي لايزال رب ﷻ مو په جنت کي هم همدا ډول سره يو ځای او ملګري کړي. 🤲🏻

معززو وروڼو او خویندو! ستاسو ټولو څخه په ډېر ادب او احترام هيله کوم چي لاندي څو نقاط په پوره غور او توجه سره ولولئ او عملي يې کړئ:

➊☜ کله چي خپله شرعي پوښتنه راسره شريکوئ، نو په سر کي مو نوم او ادرس حتمي ورسره ليکئ.

➋☜ هر کله چي مو ذهن ته شرعي پوښتنه درسي؛ لومړی يې په همدې چينل او ګروپ کي جواب ولټوئ که چيري مو جواب پيدا نه کړ بيا يې زموږ سره په واټس اپ يا ټليکرام ګروپ کي شريکه کړئ ترڅو موږ يې جواب درته نشر کړو.

➌☜ پوښتنه مو بايد مختصره او د لوستلو وړ وي.

➍☜ يوازي شرعي پوښتنو ته جواب ورکول کيږي او د خوبونو له تعبير ورکولو څخه معذورت غواړو.

➎☜ کله چي مو خپله شرعي پوښتنه شريکه کړئ؛ نو د جواب په غوښتلو کي يې تلوار مه کوئ ځکه زموږ د ټليکرام او واټس اپ ګروپونو او ګډونوالو شمېر زيات دی، د هر ورور او خور پوښتنه به په خپل وار او د اصولو مطابق ورته جوابوو ان شاء الله تعالی.

➏☜ د نشراتو د لا ښه والي او بهبود لپاره زموږ د نشراتو له عمومي مدير او مسؤل سره خپل نظرونه او نيوکي حتماً شريکي کړئ!
ـــــــــــــــــــــــــــــــــــــــــــــــــ
په درنښت:
د نشراتو عمومي مدير او مسؤل☟

🌸 قاري عبدالستار سعيد 🌸

اَلسَّلاَمُ عَلَيکُمْ وَرَحمَةُ اللهِ وَبَرَکَاتُه !

دوستانو دغه لاندي☟سافټوېر ډاونلوډ او په خپلو ټليفونو کي يې انسټال کړئ.
نوموړی سافټوېر د لاندنيو برخو لرونکی دی :

د قرآنکريم عربي نسخه : ددې نسخې د لا ښه تلاوت کولو لپاره څلور ليکبڼي (فونټونه) شتون لري.

پښتو ژباړه : د قرآنکريم پښتو ژباړه د هيواد د ستر عالم محترم قيام الدين کشاف ده.

پښتو تفسیر : د قرآنکريم د مشهور کابلي پښتو تفسیر دېرش سِپارې چي هره يوه يې بېله د pdf په شکل سته.

د قرآنکريم تلاوت : د هيواد د دروند قاري برکت الله سليم صاحب په ږغ کي د قرآنکريم تلاوت او پښتو ترجمه يې د محترم عمر خطاب په ږغ کي موجوده ده.

نوري ژباړي : په همدغه سافټوېر کي د قرآنکريم فارسي، اُردو او انګلېسي ژباړي د ضمیمې په شکل هم سته، چي د تنزيل اسلامي ویبسایټ څخه را نقل سوي دي.

نوموړی سافټوېر ډيري ځانګړني لري چي يو څو ته يې اشاره کول غواړم :

① ☜ د سِــپارو او سورتونو لپاره فهرست.
② ☜ د هر آيت موندلو لپاره د لټون 🔎 علامه.
③ ☜ د صفحې يا آيت په نښه کولو 🔖 علامه.
④ ☜ د عربي نسخې سره ترجمه راوستل/ نه راوستل.
⑤ ☜ د عربي نسخې او ترجمې د متن اندازه (د تورو لُويول او کوچني کول).
⑥ ☜ آيت يا ترجمه يې پر ټولنيزه رسنۍ نشرول.
⑦ ☜ دهر سورت تفسير په جلا ډول د انټر نيټ په وسيله ډاونلوډول.
⑧ ☜ مختلفي دعاګاني (د آيتونو ژباړي).
⑨ ☜ د هر سورت تلاوت اورېدل په ږغيز ډول؛ البته د انټر نيټ په وسيله...

يوه مهمه يادونه ! لکه څرنګه چي تاسو پوهېږئ چي قرآنکريم د الله ﷻ يو عظيم الشان کلام دی؛ نو بايد د تلاوت کولو پر وخت يې په اوداسه واوسېږو.
ستاسو ورور قاري عبدالستار سعيد په خپلو نېکو دعاګانو کي مه هېروئ.