Dəyərli, ELM yolu izləyiciləri! 🌟🌟
Bu gün sizə elm öyrənmək işimizi, xüsusilə də hər hansı bir araşdırma apardıqda bu prosesi inanılmaz dərəcədə bizə asanlaşdıran çox faydalı bir proqram -
NotebookLM barədə ən sadə dillə məlumat vermək istəyirəm.
NotebookLM nədir❓
Təsəvvür edin ki, yanınızda çox ağıllı və çox tez işləyən bir köməkçiniz var. Siz ona bir neçə və ya yüzlərlə qalın kitab verirsiniz və o, həmin kitabları saniyələr içində "oxuyub əzbərləyir". Sonra siz ona
həmin kitablarla bağlı istədiyiniz sualı verirsiniz, o isə dərhal o kitabların içindən ən dəqiq cavabı tapıb sizə sadə dillə izah edir.
Bu proqramın hansı gözəl xüsusiyyətləri var və bizə necə kömək edə bilər?🟡
İstifadəsi çox asandır: Proqramlardan çətinliklə istifadə edənlər üçün belə çox rahatdır. Heç bir mürəkkəb funksiyası yoxdur, sadəcə dostunuza mesaj yazırmış kimi sualınızı yazırsınız.
🟡
Tam dəqiqdir: İnternetdəki hər cür qarışıq və ya yalan məlumatı yox,
yalnız sizin ona verdiyiniz etibarlı mənbələrdəki (yüzlərlə kitablar, dərslər, xütbələr və s.) məlumatları verir.
🟡
Dəqiq mənbəni göstərir: Proqramın möhtəşəm üstünlüyü odur ki, NotebookLM hər hansı bir sualınıza cavab verərkən həmişə mənbəni göstərir. Yəni, o sizə sadəcə quru cavab vermir, eyni zamanda həmin məlumatı hansı kitabdan və ya hansı dərsin mətnindən götürdüyünü xüsusi linklərlə qeyd edir. Siz o linklərin üzərinə basaraq birbaşa alimin kitabındakı həmin yerə gedə və oxuduğunuz məlumatın doğruluğunu öz gözünüzlə görə bilərsiniz.
🟡
Vaxta qənaət: Minlərlə səhifəlik elmi əsərlərin içindən axtardığınız konkret bir mövzunu saniyələr ərzində tapmağa kömək edir.
Ən gözəl xəbər isə budur:↩️
Artıq içərisində böyük İslam alimlərinin möhtəşəm əsərləri toplanmış hazır qovluqlar (bloknotlar) mövcuddur.📚
👍
Bunu bir az da sadə dillə izah edək: Hər bir link (yəni bloknot) xüsusi bir mövzuya və ya alimə (alimlərə) həsr olunub.
Proqram isə suallarınıza
yalnız və yalnız o bloknotun içindəki kitablara, dərslərə əsaslanaraq cavab verir. İnternetdəki ixtiyari, bəzən etibarsız olan məlumatları yox, məhz o bloknotdaki etibarlı elmi sizə təqdim edir,
özündən heç nə uydurmur.➡️ Məsələn, siz "Ərəb dili qrammatikası" kitabları toplanmış bloknota daxil olub sual versəniz, proqram sizə başqa mövzulardan yox, konkret olaraq oradakı qrammatika kitablarına əsaslanaraq ən düzgün cavabı tapıb verəcək.
Və ya İbnul-Qayyimin kitabları toplanmış bloknota daxil olsanız, proqram sizin sualınızı
yalnız onun kitablardakı məlumatlara əsaslanaraq cavablandıracaq.
Artıq istifadə edə biləcəyiniz bir neçə
hazır bloknotumuz var.🩵
📌NotebookLM tətbiqini yüklədikdən sonra sadəcə bloknotlara aid keçidlərin üzərinə basaraq bu hazır bloknotları avtomatik olaraq öz NotebookLM hesabınıza əlavə etmiş olacaqsınız.
Tətbiqi yükləmək üçün:↩️
https://play.google.com/store/apps/details?id=com.google.android.apps.labs.language.tailwind
Bloknotların keçidlərini və mütəmadi olaraq əlavə ediləcək yeni mənbələri bu Telegram kanalda tapa bilərsiniz:⬇️
https://t.me/notebookislam📗 Kanalda mövcud olan bloknotlar:
⏺Böyük alimlərin
(İbn Baz, Əl-Albani, İbn Useymin, Əs-Səədi, Saleh əl-Fovzan, Saleh Ali Əş-Şeyx) dərslərinin, fətvalarının və xütbələrinin yazılı mətnləri olan bloknot.
⏺ Dörd böyük alimin
(İbn Baz, Əl-Albani, İbn Useymin və Saleh əl-Fovzan) kitab, fətva, şərh və dərslərinin yazılı mətnlərindən ibarət böyük bazaya malik bloknot.
⏺
Şeyx Abdurrazzaq ibn Abdulmuhsin əl-Bədrin YouTube dərslərinin, mühazirələrinin və xütbələrinin yazılı mətnləri olan bloknot.
⏺
Ərəb dili üzrə böyük kitabxanası olan bloknot:
Qrammatika, morfologiya, i'rab, bəlağət, lüğət və ərəb dili alimlərinin klassik əsərləri... Və digər bloknotlar.. 📝
Allah faydalı etsin. Amin🌺
