«Paxtakor»29uz

Тадқиқот натижаларига кўра, Ҳиндистон, Хитой, Покистон ва АҚШ дунёда пахта етиштирувчи энг йирик мамлакатлар ҳисобланади. Қўшма Штатлар пахта маҳсулотларининг катта қисмини экспорт қилади, чунки ўзида тўқимачилик саноати нисбатан паст даражада ривожланган. Осиё давлатлари пахта етиштиришда устунликни сақлаб турибди ва пахтанинг энг йирик истеъмолчилари қаторига киради.
Сўнгги йилларда икки мамлакат - Ветнам ва Ўзбекистон пахтанинг йирик истеъмолчиларига ҳам айланди. Умуман олганда, йирик истеъмолчи давлатлар саккизталигидан Хитой, Ҳиндистон, Покистон, Бангладеш, Туркия, Ветнам жой олган, Ўзбекистон эса 8-поғонани эгаллаган.
Бироқ, Ўзбекистон тадқиқотда келтирилган пахтани экспорт қилувчи саккизта давлат қаторига кира олмади. Ушбу рейтинг етакчилари орасида АҚШ, Бразилия, Ҳиндистон, Австралия, Бенин ва бошқа мамлакатлар бор.
Тадқиқотга кўра, жаҳон пахта бозори ҳажми 2027 йилга келиб 46,5 миллиард долларга етиши кутилмоқда, 2020 йилдан 2027 йилгача йиллик ўсиш суръати 2,74 фоизни ташкил этади.

Қибрайда икки гектар ерни 1 млн долларга сотмоқчи бўлган шахс қўлга олинди

Давлат хавфсизлик хизмати ва Иқтисодий жиноятларга қарши курашиш департаменти Тошкент вилояти бошқармаси ҳамкорлигида ўтказилган тезкор тадбирда Қибрай туманидаги «Тузель» массивида жойлашган 2 гектар ерни 1 миллион долларга сотмоқчи бўлган хусусий тадбиркор қўлга олинди. Бу ҳақда ДХХ матбуот хизмати Kun.uz’га маълум қилди.

Терговга қадар текширув давомида ушбу тадбиркор мунтазам равишда ноқонуний ер олди-сотдиси билан шуғулланиб келгани аниқланган.

Фирибгар келишилган пулнинг 10 минг долларини олаётган вақтида ашёвий далиллар билан ушланган.

Шунингдек, «Навоий савдо» АЖ раҳбари мазкур жамиятга тегишли 1 гектар ерни акциядорларни хабардор қилмасдан ноқонуний равишда 29,7 минг долларга сотишга урингани аниқланди. У Навоий вилояти ДХХ бошқармаси ва Департамент ходимлари томонидан аванс сифатида 50 миллион сўм ва 1,5 минг АҚШ долларини олаётганида қўлга олинган.

Ўзбек давлат ер тузиш илмий-лойиҳалаш институти Андижон вилояти филиали ходими шоличилик билан шуғулланиш учун Қўрғонтепа тумани ҳокимлиги захирасидан 8 гектар ерни юқори лавозимларда ишловчи танишлари орқали ажратиб, тегишли ҳужжатларни расмийлаштириб бериш эвазига фуқародан 10,4 минг доллар талаб қилган. У сўралган пулдан 1000 долларини олган вақтда ДХХ ва Департамент ходимлари томонидан ушланган.

Юқоридаги ҳолатлар юзасида Жиноят кодексининг тегишли моддалари билан жиноят ишлари қўзғатилган бўлиб, тергов ҳаракатлари доирасида мазкур ноқонуний ҳолатларга алоқадор бўлган бошқа шахсларни аниқлаш бўйича зарур чора-тадбирлар кўрилмоқда.

Аввалроқ Андижонда ўзига тегишли бўлмаган 1 гектар ерни 45 минг долларга сотмоқчи бўлган мансабдор ушлангани ҳақида хабар берилганди.

Фермерлик ҳисобидан ёшларга ер: солиқ, ҳуқуқий ҳимоя ва лойиҳа муддати ҳақида

Бугун, 3 март куни Олий Мажлис қонунчилик палатасининг навбатдаги ялпи мажлиси бўлиб ўтди.

Kun.uz мухбири «Қишлоқ хўжалиги кооперацияси тўғрисида»ги қонун лойиҳаси ҳам кўрилган мажлис якунида қишлоқ хўжалиги вазирлиги бошқарма бошлиғи Исроилжон Холмуродов билан фермер хўжалиги ерларидан ёшларга ер бериш масаласида интервью уюштирди.

— Ҳозир қишлоқ жойларда фермер хўжаликлари ҳисобидан ишсиз ёшларга ер майдонлари бериляпти. Айтинг-чи, бу жараён қандай тартибга солинади? Шунингдек, ер олган ёшларнинг ҳуқуқлари қандай ҳимоя қилинади? Ер олган ёшлар етиштирган маҳсулоти учун солиқ тўлайдими?

— Ҳақиқатан ҳам, ҳозир ҳудудлар имкониятидан келиб чиққан ҳолда ёшларга ер бериляпти. Бунда аҳоли зичлиги ва ҳудуддаги меҳнат билан таъминланганлик ҳолатига алоҳида эътибор қаратилади.

Албатта, бу ер майдонларида ёшлар юқори даромад келтирадиган маҳсулот экишга ҳаракат қилади. Улар бу жойларда икки, уч мартадан ҳосил олади.

Агар ёшларга ер асосий экин майдонидан берилган бўлса, бир йил, ғалладан бўшаган ер берилган бўлса, ўша мавсум учун маҳсулот етиштириш мумкин.

Буни қонунларимиз ҳам эътироф этади, яъни иккиламчи ижара шартномалари бор бизда.

Ёшлар бу майдонда етиштирган маҳсулотини эркин тасарруф қилади.

Қишлоқ хўжалиги вазирлиги бошқарма бошлиғи Исроилжон Холмуродов

— Уларнинг ҳуқуқлари масаласи қанчалик ўйланган бу жараёнда? Чунки ҳамма фермерга ҳам ёқмайди ўз еридан экин майдонини бошқага шунчаки ажратиб юбориш. Бу ерда шунингдек, унинг ерга эгалик ҳуқуқлари ҳам бор...

— Уларнинг ҳуқуқларини фермерлар ҳимоя қилади. Бу фермерга албатта ёқади. Чунки ҳар бир касб эгаси ўзидан шогирд қолдиришни истайди. Масалан, мен хоҳлайман.

Бу жараёнда фермерлар ўзи ташаббус билан чиқяпти.

— Фермерлик еридан жой олган ёшларга ўзи етиштирган маҳсулоти учун солиқ тўлаш вазифаси юкланмайдими?

— Йўқ, уларга солиқ тўлаш мажбурияти кўрсатилмаган. Ер солиғини фермерлар тўлайди.

— Бу ишсиз ёшларни иш билан таъминлашда яхши амалиёт. Айтинг-чи, у қанчалик узоқ муддатли бўлади, яъни кейинги йилларда ҳам давом этадими ёки бир йилликми?

— Ҳозир бу саволга аниқ жавоб бериш қийин. Мана шу муддатгача давом этади ёки тўхтайди деб айтолмайман.

«Маҳаллабай ишламаган ҳоким сиёсатимизга хиёнат қилибди» — Шавкат Мирзиёев

3 март куни президент Шавкат Мирзиёев уй-жой қурилиши ва ипотека бозорини ривожлантириш бўйича селектор ўтказди. Тадбирда Наманган вилояти ҳокими Шавкат Абдураззоқов ҳам сўзга чиқди, дея хабар бермоқда Kun.uz мухбири.
«Бунёдкор маҳалласига борганингизда шу маҳалладаги ҳолат учун жуда хижолат бўлдим. Кўпчилик ўйлаяпти, фақат «Бунёдкор» маҳалласи обод бўладими, деб. Йўқ, ҳамма маҳаллалар билан навбати билан шуғулланамиз.
Фармон билан танишиб чиқдик. Уй-жой масаласи ечимида қабул қилинаётган бу фармон жуда муҳим. Чунки 30 йил деярли қурилиш билан шуғулланмадик», – деди Шавкат Абдураззоқов.
Давлат раҳбари Наманган ҳокимининг маҳаллага бориб яшаётганидан хурсандлигини айтди.
«Мен ўша маҳаллага бориб яшаётганингизни эшитиб хурсанд бўлдим. Бунёдкор маҳалласи ўрнак бўлсин. Умуман, ҳар бир ҳоким эшитиб олсин, мен ҳамма жойга етиб бораман. Маҳаллабай ишламаган ҳоким сиёсатимизга хиёнат қилибди, ундайлар биз билан ишлай олмайди.
Олдин ёрдам беришда қинғирликлар бўларди, ҳозир турли дафтарларни тузганимиздан кейин ҳаммаси шаффоф бўлди. Энди шулар устида ишлашимиз керак», – таъкидлади президент.

Эслатиб ўтамиз, 19 февраль куни Шавкат Мирзиёев Наманган шаҳрига ташрифи вақтида, режадан ташқари равишда шаҳардаги Бунёдкор маҳалласига борганди.
Президент маҳалладаги камчиликларга гувоҳ бўлгач, Наманган шаҳри ҳокими ва прокурори алмаштирилди. Вилоят ҳокими Шавкат Абдураззоқов контейнер-уй қурдириб, шу ерда яшашга ваъда берди.

Кўп ўтмай, Бухоро вилояти ҳокими Ботир Зарипов Олот туманидаги Давлатбой маҳалласига контейнер ўрнатди; ўзи ва штаби шу ерда туриб фуқароларни қабул қилиши айтилди.

Суннатова Мадина Ғофуржон қизи – Жаҳон иқтисодиёти ва дипломатия университетининг 2-босқич талабаси (Сирдарё вилояти)
Ҳожибобоева Сарвиноз Ҳабибжон қизи – Гулистон давлат университетининг 3-босқич талабаси
Комилжонова Нилуфар Шухрат қизи – Термиз давлат университетининг 3-босқич талабаси
Омонова Умида Шуҳрат қизи – Ўзбекистон шахмат федерациясининг Халқаро шахмат академияси спортчи-ўқувчиси (Сурхондарё вилояти)
Деҳқонова Мадинабону Дилшод қизи – Ўзбекистон давлат консерваториясининг 2-босқич талабаси (Тошкент вилояти)
Назарова Зилола Эргашбой қизи – Тошкент вилояти Ўрта Чирчиқ туманидаги «Баркамол авлод» болалар мактаби тўгарак раҳбари
Йўлдошева Фарзона Бахтиёр қизи – Фарғона вилояти Фарғона шаҳридаги ихтисослаштирилган санъат мактабининг 10-синф ўқувчиси
Турсунова Дилнозахон Исроилжон қизи – Фарғона политехника институтининг 4-босқич талабаси
Жумабоева Шахзода Неъматжон қизи – Хоразм вилояти Янгибозор туманидаги 10-ихтисослаштирилган умумий ўрта таълим мактаб-интернатининг 9-синф ўқувчиси
Каримова Мадина Жуманазаровна – Хоразм вилояти Урганч шаҳридаги 10-умумий ўрта таълим мактабининг 11-синф ўқувчиси
Ким Юлия Олеговна – Республика олий спорт маҳорати мактабининг фигурали учиш бўйича мураббийи (Тошкент шаҳри)
Рахимова Сайёра Яшин қизи – Тошкент ахборот технологиялари университетининг 4-босқич талабаси (Тошкент шаҳри)

Ўзбекистон Республикаси Президентининг “Зулфия номидаги Давлат мукофоти билан тақдирлаш тўғрисида”ги қарори қабул қилинди.
Ўзбекистон Республикаси Президентининг қарори
Мамлакатимизда хотин-қизларни эъзозлаш, уларнинг жамиятдаги ўрни ва нуфузини ошириш, орзу-интилишларини қўллаб-қувватлаш, ўзининг иқтидори ва ибратли фаолияти билан ёшларга ўрнак бўлиб келаётган, турли соҳа ва тармоқларда қобилият ва имкониятларини рўёбга чиқараётган, Учинчи Ренессанс пойдеворини яратишда чуқур билим ва интеллектуал салоҳиятини намоён этиб, ўз ғоя ва ташаббусларини илгари сураётган, ижтимоий ҳаётда фаоллик кўрсатаётган қизларни муносиб рағбатлантириш мақсадида:
1. Ўзбекистон Республикаси Маҳалла ва оилани қўллаб-қувватлаш вазирлиги Зулфия номидаги Давлат мукофоти комиссиясининг Қорақалпоғистон Республикаси, вилоятлар ва Тошкент шаҳрининг иқтидорли қизларини аъло хулқи, ноёб истеъдоди, зукколиги, ташаббускорлиги, ўқишдаги муваффақиятлари ҳамда таълим, фан, адабиёт, санъат, спорт соҳаларида ва жамоатчилик фаолиятида эришган алоҳида ютуқлари учун Зулфия номидаги Давлат мукофоти билан тақдирлаш тўғрисидаги таклифлари иловадаги рўйхатга мувофиқ маъқуллансин.
2. Зулфия номидаги Давлат мукофоти билан тақдирланганларга 8 март – Халқаро хотин-қизлар куни муносабати билан ўтказиладиган байрам тантаналарида совриндорлик дипломлари ва кўкрак нишонлари топширилсин.
3. Ўзбекистон Республикаси Молия вазирлиги Зулфия номидаги Давлат мукофоти совриндорларининг ҳар бирига базавий ҳисоблаш миқдорининг 50 баравари миқдорида пул мукофоти берилишини таъминласин.
4. Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги, Ўзбекистон Миллий ахборот агентлиги, Ўзбекистон Миллий телерадиокомпанияси ва бошқа оммавий ахборот воситаларига Зулфия номидаги Давлат мукофоти соҳибаларининг ибратли фаолияти, уларнинг ноёб истеъдоди ва эришган ютуқларини кенг ёритиб бориш тавсия этилсин.
5. Мазкур қарорнинг бажарилишини назорат қилиш Ўзбекистон Республикасининг Бош вазири А.Арипов ва Ўзбекистон Республикаси Президенти Администрацияси раҳбари З.Низомиддинов зиммасига юклансин.
Ўзбекистон Республикаси Президенти
Шавкат Мирзиёев
Зулфия номидаги Давлат мукофоти билан тақдирланганлар рўйхати
Каримбоева Шаҳзода Камоладдин қизи – Қорақалпоғистон Республикаси Тўрткўл туманидаги 12-умумий ўрта таълим мактабининг 11-синф ўқувчиси
Оразбаева Гулсанем Жалғасбай қизи – Қорақалпоғистон Республикаси Бўзатов туманидаги 1-умумий ўрта таълим мактабининг 8-синф ўқувчиси
Комилова Меҳриноз Ойбекжон қизи – Андижон давлат тиббиёт институтининг 2-босқич магистранти
Раджиева Гулхаёхон Шухратжон қизи – Андижон давлат университетининг 3-босқич талабаси
Салимова Амира Суннатжон қизи – Бухоро вилояти Когон шаҳридаги 8-умумий ўрта таълим мактабининг 11-синф ўқувчиси
Умарқулова Динора Шерали қизи – Бухоро давлат университетининг 4-босқич талабаси
Имомова Дилдора Шухрат қизи – Жиззах политехника институтининг 4-босқич талабаси
Мамарасулова Муқаддас Абдулқосим қизи – Жиззах давлат педагогика институтининг 2-босқич талабаси
Аҳматова Ситорабону Зоҳиджон қизи – Тошкент ахборот технологиялари университети Қарши филиалининг 4-босқич талабаси (Қашқадарё вилояти)
Бердиева Ирода Худайшукуровна – Ўзбекистон Миллий университетининг 2-босқич магистранти (Қашқадарё вилояти)
Ибодуллаева Нафиса Муҳитдиновна – Навоий давлат педагогика институтининг таянч докторанти
Шомуротова Нодирабегим Одиловна – Навоий вилояти Навоий шаҳридаги ихтисослаштирилган маданият мактабининг 10-синф ўқувчиси
Абдуллаева Манзура Насибилло қизи – Наманган давлат университетининг 2-босқич магистранти
Хушназарова Айшахон Адҳамжон қизи – Ўзбекистон журналистика ва оммавий коммуникациялар университетининг 3-босқич талабаси (Наманган вилояти)
Хайруллаева Феруза Нурмат қизи – «Республика ёш ижодкорлар кенгаши» нодавлат нотижорат ташкилоти матбуот котиби (Самарқанд вилояти)
Шомуродова Моҳинисо Шавкат қизи – Тошкент давлат ўзбек тили ва адабиёти университетининг 2-босқич талабаси (Самарқанд вилояти)

Кейинги пайтда айрим оммавий ахборот воситаларида, айниқса, ижтимоий тармоқларда ўзларини санъаткор, ижодкор, амалдор, ҳаттоки диндор санайдиган, шон-шуҳрат кетидан қувган мақтанчоқ, кибрли кимсалар пайдо бўлмоқдаки, қуйидаги сўзларимиз уларга қарата айтилган.

БИНО ҚЎЙМА
ЎЗИНГГА

Топганинг жуфт, балки тоқ,
Ўрикдирсан, балки қоқ,
Хоҳ дарё бўл, хоҳ ирмоқ,
Бино қўйма ўзингга.

Бошинг кўкка етса ҳам,
Қўлинг юлдуз тутса ҳам,
Чўлингда гул битса ҳам,
Бино қўйма ўзингга.

Эмасдирсан бергувчи,
Сен ҳам бир ризқ тергувчи,
Бўлма қошинг кергувчи,
Бино қўйма ўзингга.

Чинор балки савлатинг,
Минор балки давлатинг,
Унутмагин навбатинг,
Бино қўйма ўзингга.

Ҳар инсоннинг лойи бир,
Само, Қуёш, Ойи бир,
Охир борар жойи бир,
Бино қўйма ўзингга.

Том бўлмагин, фикр қил,
Шом бўлмагин, зикр қил,
Нафснинг кўзин сўқир қил,
Бино қўйма ўзингга.

Дард келмагай холангдан,
У ичдаги олангдан,
Тортадирсан болангдан,
Бино қўйма ўзингга.

Хушлаганинг балки май,
Балки булбул, балки най,
Охирингга тургин шай,
Бино қўйма ўзингга.

Ғанимат ёз-олов ҳам,
Ҳаттоки қиш-қиров ҳам,
Бир кун бўлар сўров ҳам,
Бино қўйма ўзингга.

Алиф қаддинг бўлмай дол,
Мақтов эмас, дуо ол,
Кор келмагай молу ҳол,
Бино қўйма ўзингга.

Токи борки танда жон,
Гувоҳ бўлсин ер, осмон,
Ҳакимжон дер: эй инсон,
Бино қўйма ўзингга.

Ҳакимжон СОДИҚОВ.

Hamma yaxshi narsalar chiroyli sabr ortidan keladi.