الرادود الحسيني سيد كرار الحسني

فزاعيات

ياهي تعازي اخــــــت عباس
بين الكــــــــــــــــوم محتاره


وحيده ومــــــــــــــحد وياها
راح الجان ســــــــــــــــــلواها
وسفه وليــــــــــــــــش خلاها
ادور ماكــــــــــــــــو كل جاره

ياهــــــــــــــــــي تعازي الحره
تلطم حيل وبحــــــــــــــسره
تسوي متــــــــــــــونها جمره
گلبهــــــــــــــا وياها وج ناره

ابجن لا تــــــــــــــــــــخلنهه
وحيده وتــــــــــصبح بونهه
وعن حــــــــــــــسين عيننهه
لظاعت بلطــــــــــــف اخباره

عازنها والطــــــــــــــمن حيل
خلنــــــــــــــها الدموع تسيل
وســــــــــفه الزمن بيها يميل
مــــــــــــــــــحد عرف اسراره

محد يعرف بــــــــــــــــيومه
وزينب حــــــــــيل ملجومه
تعوفه شلــــــــــون بلحومه
وظلت تشــــــــــــــتم اثاره


لتخلي اللــــــــــــــطم يبرد
تحضر زيــــــــــنب وتشهد
عاري عالــــــــــــــــثره مدد
وسلبو لــــــــــــــيش بتاره

✍ابو سلام الجابري
✍باقر جبار الشويلي

https://t.me/joinchat/AAAAAFJCR5YHVHMoRCQlqQ

جديد محرم الحرام 1444هـــــــ
لسان حال ام القاسم عليه السلام


عــريس وبعمر الورد ••• رايـــح شبابه
والحنه من دم رگبته •• صارت خضابه
يا زفــــت القاسم دمـــه
يانجمه طاحت من سمه
رايـــح شبابه ••• رايـــح شبابه
٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭
ربيتك بـــدمعي اليصب انتظرك تباريني
واحسبهن ايام العمر ماخذهن من سنيني
ضميتك الطف كربله يوليدي قرت عيني
وي عمك اوكف بالحرب حق الربه جازيني

يوليدي ضميتك ذخر •• للغاضريه
وتقدم الاغلى ردت ••لأبن الزجيه
وتســـــجل اسمك فاطمه
يا نجمه طاحت من سمه
رايـــح شبابه ••• رايـــح شبابه
٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭

ابن الحسن كلش كلف يشبه علي بشمراته
عريس وبنص الـــحرب ياطولك شمحلاته
داس المناية بــكل عـزم وي عمه ناكر ذاته
مــا همته سيوف الـــعده قاتل فـده لعماته

نشمي واعرفنك كلف •• ماتعرف الخوف
گلبگ صخر ماينكسر •• لو كثرت صفوف
تربات ابن حامي الحمه
يانجمه طاحت من سمه
رايـــح شبابه ••• رايـــح شبابه

٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭

بعيونه لو هد الغضب خل الزلم طشاره
جاسم شبيه لحيدره جـده ويشن الغاره
يگطع على الحومه الهوه لـــو لوح بتاره
ما توكف بصدره الزلم حار وشعلهه بناره

تربات ابن عقد الوله •• وبكل خصاله
حگ العليه بـــــكربله •• اده الرساله
دارت رحـــــاها الملحمه
يانجمه طاحت من سمه
رايـــح شبابه ••• رايـــح شبابه
٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭
لمن طحت بالمعركة بـعدك تغـيـر لـوني
وسط المعارة تكطعت هيج وتشوف عيوني
شفت البواتر عالجسم منك تخيب ضنوني
مـا بطلت ون وبـچي ذبـلن ييـمـه چفوني

وشلون اجيبك للخيم •• محتاره ألمك
جـاسم يسباح الكلب •• يابـــعد امك
مـــتوذر و مـيـت ضـمـه
يا نجمه طاحت من سمه
رايـــح شبابه ••• رايـــح شبابه
٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭


حـزني لجيمه للأبـد مـابطلت صرخاتي
ومـنـين أجيبك ياصـبر اتصبر بدمعاتي
مـنظر رهيـب بـكربله زيـد عَلي لوعاتي
بعيوني اشوفنك وذر يمه وتحز بذاتي


باريتك ورحــــت مندي •• مــاي وتبده
شيخلصه ليلي لو يچن •• يوليدي شده
دمـــــــعي يصب متألمه
يانجمه طاحت من سمه
رايـــح شبابه ••• رايـــح شبابه
٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭

ودعتك الله يالولد يبني وثمر دلالي
تمنيت اعجن حنتك ماحسبت لتالي
ضميتك الاخر عمر وابني عليك امالي
انه بخلافك انهضم ردتك تعاين حالي

بالظيم واهات وحزن ••• اكضي حياتي
وردتك تشيل جنازتي ••• ساعة مماتي
روحــــــــي تضل متألمه
يانجمه طاحت من سمه
رايح شبابه ••• رايح شبابه
٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭

وصعبه يمه فركتك بس فدوه لجل حسينك
لو شفت عمك وحده افديه ييمه بعينك
هذا الوعد وبكربله يبني وتوفي بدينك
تمنيت اقدم اربعه ويتكطعن جفينك

شـلــــون بينه باليسر ••• وبلايه عـباس
نمشي سبايه ويلغرب ••• وتتفرج الناس
وتالينه نبــــقى بلا حمه
يانجمه طاحت من سمه
رايح شبابه ••• رايح شبابه

٭ ٭ ٭ ٭ ٭ ٭ ❀ ❀❀ ٭ ٭ ٭ ٭ ٭ ٭
الخادم غازي الساعدي


https://t.me/joinchat/AAAAAFJCR5YHVHMoRCQlqQ

#قصيدة_عن_لسان_السيدة_زينب(ع)
#تكلم_والدها_امير_المؤمنين


بويه اخذني اوياك وارحم حالي
مالي عين انظر مكانك خالي

بويه اخذني وياك انته سلوتي
انه من عكبك يتيمه بدنيتي
عله فراك الوالي تهمل دمعتي
بويه دمعي بغيبتك ظل سالي
«««»»»
بويه بغيابك حزينه وبس اون
يابوزينب حيل ذلاني الزمن
ضل مچانك خالي وعيوني عمن
ريت ميته بويه انه اشوالي
«««»»»
الحسن وحسين صاحوا ياعلي
نزلت الدمعات بااسمك يلولي
ارد انشدك انت ياباقي هلي
شلون عفتوني وادور والي
«««»»»

انهدمت اركان السمه وكت الصبح
ياابو زينب هايج اليوم الجرح
هاك شريان الگلب ضل منذبح
والبواچي والحزن عالغالي
«««»»»

ياعلي المحراب موحش والصلاة
خالي مامش شخصك ومابي حياة
ريت لاطر الفجر صار الممات
يبچي الحسين ومرد دلالي

✍باقر جبار الشويلي

https://t.me/joinchat/AAAAAFJCR5YHVHMoRCQlqQ

اهوازي…زنجيل ثلاثي
وينه الي كفل زينب.. خل ينهض يوديهه
بين الناس من طلعت.. كلهه تشمتت بيهه
…… .
وينه اليصل راعي الجود.. خل ينقله احزاني
گله تگول زينب حيف.. خويه الشمر اذاني
جسمك عالترب مطروح.. موقف حيل بچاني
گوم ابساع طلعنه.. خيمنه دارو اعليهه
………
زينب عله التل واتصيح.. وينك يا علي احضر
هاي اعداك من صفين.. ردت بالطفوف اكثر
عينك لو تشوف احسين.. الخيل ابصدره من تعثر
طيفك من يمر زينب.. عونك من تصد ليهه
………… .
گوم انهض يبو فاضل.. يالفگدك كسر ظهري
سمعت احسين من يگول.. يخويه تحيرت بامري
يخويه ما اريد الماي.. بعدك ما ردت عمري
شلون اتنام عيني اشلون.. مو طبعك تجافيهه
………… ..
كلهه تشمتت هالناس.. ما واحد رحم بينه
ما ظلت خيم يحسين.. كلهه احترگت اعلينه
طايح عالترب عباس.. چا وين اليحامينه
گله يگوم ليه بساع.. عدوك راد يسبيهه
………… ...
ما يقبل ابو النوماس.. والخوه يعرفهه تريد
اسم الله اعليه لو گالوا.. زينب طبت اعله ايزيد
گلبه شحال لو باحبال.. يدري مگيدين الايد
چا عاف الشريعه او گام.. والزينب يحاميهه
…………… .
خادم الحسين
حسام ناجي

https://t.me/joinchat/AAAAAFJCR5YHVHMoRCQlqQ

خليتك ابنص عيني يالتستاهل العين
من فدوه الك انه وهلي رحنا يالحسين
****
حسين يا محبوبي حسين غالي وغالي
أنته مالك روحـي وانته شـاغل بالي

يانفس بالريه. وانته دم البيه

أنته الأول عندي تبقى وانته التالي
أنته الرساله الخالده وانته العناوين
****
تدري بيه احتاجك وانته أغلى أسراري
يلكه بيه اجروحك الراد يقرا اخباري

أنته من كل جانب. عين ويه الحاجب

وانه اصير بدونك ريشه ويه الذاري
يحسين ياصيت الخدم بين الدواوين
***
طبعي من اطباعك وانته كلك غيره
خادمك سموني وشرف هاي السيره

بمجلسك تربيتي. وبيك يكبر صيتي

انه احبك وانته خيره وابن الخيره
أنته روحي بروحي أبين الشرايين
****
كلشي التمنيته كتلي هاك وحاضر
وانه ليلي انهاري فكري بيك مسافر

عند اليحبونك. تسوا دنيا عيونك

أرواح الك منذوره بس تكول وتامر
تستاهل الطم صدري اعليك ابسجاجين
****
أنته غالي ويرخص كلشي لجل عيونك
عمري لا ماريده ابد والله بدونك

دووم اكل الروحي. عاليحبج نوحي

حسين فدوه اقبلني من اليخدمونك
حسين شيخ اعله الزلم وعله الصلاطين
****
حسين اول واخر نسمه بين انفاسي
غير حبه وشوكه ما احس بحساسي

حكي لو حبيته. رحمة الله ابيته

زينــــــــبيه أفـــكاري والعشك عـــباسي
وكاتب اسمه اعله الكلب مو عالحياطين

نسألكم الدعاء
جليل البديري

https://t.me/joinchat/AAAAAFJCR5YHVHMoRCQlqQ

لا دمع يكفي ولا يكفي الحزن
روحي تتمنه ابحوافر تنسحن

*

دمعتي تبقه تـهـل طـــول العمر
والحزن وسط الگلب مثل الجمر
عالحُسين أحـزانـي تبقه للحشر
والـدمـع ســوره او يرتلها الجفن

*

فدوه عمري للحُسـين أوكل هله
مـن اشـوف الـمـاي ألعن حرمله
عيني ما يترسها بس طـف كربله
لأخر أنفاسي أظل ل الطف احن

*

لـو اگـطـع روحـي بأيـام المصاب
ما اوفـي دمعه مـن دمــع الرباب
شافت أشكال المصايب والعذاب
إيساعد الله الحره من تبقه تون

*

لا حيـاة إبــلا حُســين أبهل الحياة
والله لـو مـا هـو چــا ميته الـصـلاة
هذا صوتي ايظل بعد يوم الممات
الـحـيـاة إبــلا أبــو الـيـمـه سجن

*

يا حُسـين امـن الـگـلـب لمن أصيح
نـحـري وي نـحـرك تمـنـيـتـه ذبيح
يا حُسين إحساسي بمصابك جريح
ومـن مـصـابـك عقلي حقه لو يجن

*

امنيتي صدري مثلك ادوسه الخيول
اوجسمي يطشر يـمـحـبـوب البتول
فدوه لتـرابـك على اعـنـاد الـعـذول
وبلطمنه انخورس اصحاب اللِسن

*

الخادم
#سليم الغزالي
تمت وللحسين الحمد

https://t.me/joinchat/AAAAAFJCR5YHVHMoRCQlqQ

ع لحن قصيدة مله باسم (كومن بنات النبي )

ضلمه اونين ودمع ..وريح انحنت عالشمع
فهموني شنهو الجره.. كالولي جاسم طلع

-----------------------------------------------------

چان اعله بالي المخيم..وذاك الامام وطلوعه
وتذكريت امه رمله.. الجانت تناطر رجوعه
وتشابهن بالمواقف..ذني الشموع وشموعه
ومي الحنينه ودمعهه.. تشبه دمعهه ودموعه

جاسم رحل ولتحق--وگبله الامام استبق
گبله الامر يسره.. گالولي جاسم طلع
---------------------------------------------------

يم المخيم خذتني..نبرة ونين الحبيبه
من كامت اتون لخيي..مرته وتزود نحيبه
نفس المواقف تعاود..ابدآ فلا فد غريبه
جاسم برز بالوصيه..وجاسمنه لجل السليبه

موله بوصيه انذبح..وبالفتوه جاسم فرح
ماگلوا المعذره.. گالولي جاسم طلع

-----------------------------------------------------

شاء القدر بالمشيئه..ونال الشهاده العظيمه
بعده شحلاته بشبابه..والله ياوادم هظيمه
ابچي وخذتني المواقف..للطف لذيج الجريمه
لمن نضرت الشبابه..الضلمه نفس الظليمه

بالطف دروا مقتله.. وجاسمنه عرفوا هله
شاع القتل مخبره…گالولي جاسم طلع

-------------------------------------------------------

جابوا وجت رمله ليهم..مصدومه ضلت تباوع
وامي الخذتهه المناحه.. يتشابهن بالمدامع
نفس الفگد والمصيبه..نفس الألم والمواجع
يتشاركن رمله وامي.. بس اختلاف المواقع

رمله افگدت ونغمت..وامي بدمعهه انعمت
من طبت المگبره.. گالولي جاسم طلع
-
-----------------------------------------------------

ياربي ياذو الجلاله..بليلة شهيد الامامه
تحفظ ولدنه الغياره..وتردهم النه بسلامه
مو كافي كثره الأرامل..مو كافي كثره اليتامه
حتى المواكب خدمهم..قلوا ابوكت الخدامه

ياربي يامقتدر..من عندك انته النصر
انصر حشدنه انصره.. گالولي جاسم طلع


-----------------------------------------------------
فلاح الجهلاوي

https://t.me/joinchat/AAAAAFJCR5YHVHMoRCQlqQ

#هوسات عيد الغدير


الناس ملتمة ونبينا حاچه حماي الحمه
گله تنصيب الإمامة أمر جاي من السمه
بس الك ترهم وغيرك ماهو گد الموزمه

*تفصال لطولك وداها

بالغدير الهادي أعلن بيعة جدام المله
گلهم بجاله الامامة أتعيش حرة أمدلله
وارتجز من شال چفه ماتصير الا اله

*حط چفه بچف حيدر راية


ذاك موقف كلها فرحت حتى جبريل أبتشر
بس بعض من الصحابه ما عجبهم هالخبر
دنگوا من خوف سكتوا بعد ما منها مفر

*يدرون الحگ رايه وسيفه


سودة نيتهم لحيدر چي فرش حدره الحصير
من كلوا حگ اليتامه اتحالفو ضد الأمير
بس بعد عيني خلسهم لا چبير ولا زغير

*هالعاشو مثل النعامة

صدام آل جريو

https://t.me/joinchat/AAAAAFJCR5YHVHMoRCQlqQ

رقيه عليها السلام والعباس عليه السلام
————
خطيت اسمك فوك اشفافي ارتويت
ولحروف اسمك عمي الغالي حجيت

ما اريد الماي
رد يا وفاي
محتاجه هواي
ترجع
————
عمي الجنت وكت الحجي .. تمسح عله متوني
ووكت الضحك يا وردتي كلكم تسموني
كلشي اختلف من فركتك بالحجي يبجوني
احجي بعد لو تعرف شكامو يسمعوني

كلمات السب كمت اسمعها وانوح
الما سامعته باذني مخلف جروح

بس انت دواي
رد يا وفاي
محتاج هواي
ترجع
—————
لكل حرف من اسمك قصص .. كمت اروي اله ومقتل
قصت حبل چفي ربط .. يا عمي اتأمل
وخيام محترگه وعده .. لو عمتي ع التل
بالعين سولفت الشفت .. جنت انتظر تسأل

سالفتي من احجيها ادريك بالم
هم تدري بخيامي النار بسهم

هم تدري بهاي
رد يا وفاي
محتاج هواي
ترجع
—————
خطيت باء اسمك واحس .. رسمتلي بحلامي
طيف الطفوله الماضيه .. عادتلي ايامي
من چنت ادورنك واجي .. وانت اتلگاني
بهاللحضه فززني نذل .. يسلبلي اذاني

جر ترجيتي وسال الدم وبجيت
وبدربك درت بنظراتي انتخيت

اشكي اببلواي
رد يا وفاي
محتاج هواي
ترجع
——————
يا ماي وتروي الضمه .. يا بلسم شفافي
يا عمي بحروفك نبع .. منه العطش طافي
يا ضامي وتروي الضمه .. ومحير اوصافي
بس ظاله بعازة حلم .. جفك عله جتافي

ولخيمتنه حسين نروح بفرح
وزينب ويانه ولا حلم انذبح

ترجع وياي
رد يا وفاي
محتاج هواي
ترجع
—————-
ناري الخيم تلهب جمر .. وتجوي بجدامي
بيش اطفي نيران الالم .. يا ماي يالضامي
لو ردت اروحن للنهر .. بس خيل كدامي
لو ردت ارد صوب الحرب .. صوب الحرب دامي

ارجع يا عمي ولمني ابين اديك
خل بصوتي اذكر اسمك واعتنيك

اسمك معناي
رد يا وفاي
محتاج هواي
ترجع
—————
حيدر عيسى البديري

https://t.me/joinchat/AAAAAFJCR5YHVHMoRCQlqQ