"Kyrgyz Football Union" — @kfu_kg Telegram-kanali

Kyrgyz Football Union

2 Apr, 12:09

КЫРГЫЗСТАНДЫК АДИСТЕР КУМ ҮСТҮНДӨГҮ ФУТБОЛ БОЮНЧА АЗИЯ КУБОГУНУН ОЮНДАРЫН ТЕЙЛЕШТИ

20–31-март күндөрү Таиланддын Паттайя шаарында 16 курама команданын катышуусунда өткөн кум үстүндөгү футбол боюнча Азия Кубогун эки ата-мекендик адис тейледи.

Турнирде коопсуздук суроолору боюнча Канат Ракишев иштесе, Ильдар Гарифулин оюн комиссарынын милдетин аткарды.

Белгилесек, аталган адистер кезинде Кыргыз футбол биримдигинин түзүмүндө эмгектенишкен.

#kfu_kg

316 0 1 4

Kyrgyz Football Union

2 Apr, 09:02

КФБНЫН «D» КАТЕГОРИЯСЫНДАГЫ ФУТБОЛ МАШЫКТЫРУУЧУЛАРЫ ҮЧҮН КУРС СТАРТ АЛДЫ

Бүгүн, 2-апрелде КФБнын базасында «D» категориясындагы футбол машыктыруучулары үчүн окутуу курсу башталды. Үч күндүн ичинде катышуучулар жаш футболчуларды даярдоонун негизги аспектилерин, машыгуу процессин уюштурууну жана оюн методикасын үйрөнүшөт.

Курстун башкы инструктору — Березовский Валерий Юрьевич, ал эми ага Адилет Усенов ассистент болмокчу.
Окутууга машыктыруучу болууну каалаган 21 катышуучу катталган.

Программага теориялык жана практикалык сабактар кирет. Биринчи күндөн эле катышуучулар машыктыруучу кесибинин негиздери, 6-12 жаштагы футболчулар менен иштөө өзгөчөлүктөрү жөнүндө маалымат алышты жана практикалык көнүгүүлөрдү өтүп жатышат.

Курс 4-апрелге чейин уланып, жыйынтыгы менен катышуучуларга расмий сертификаттар тапшырылат.

325 0 0

Kyrgyz Football Union

2 Apr, 09:02

292 0 0

Kyrgyz Football Union

2 Apr, 09:02

268 0 0

Kyrgyz Football Union

2 Apr, 08:21

🥳 ТУУЛГАН КҮНҮҢҮЗ МЕНЕН, МЕДЕРБЕК АБДЫКАЛЫКОВИЧ!

Бүгүн өздүк майрамын Кыргыз футбол биримдигинин башкы катчысы Медербек Сыдыков белгилеп жатат.

Медербек Абдыкалыкович, сиздин көп жылдык эбегейсиз эмгегиңиз жана футболго болгон сүйүүңүз Кыргызстандын футболунун өнүгүшүнө чоң салым кошуп келет. Сиздин жетекчилигиңиз алдында жана талыкпас эмгегиңиз менен өлкөбүздүн футболу жаңы бийиктиктерге жеткирип, дүйнөлүк аренада дагы ийгиликтерди жаратат деп ишенебиз.

Сизге ден соолук, бакыт жана үй бүлөңүз менен бакубат өмүр сүрүшүңүздү тилейбиз. Жашооңузда бардык каалоолоруңуз орундалсын!

Өздүк майрамыңыз кут болсун, Медербек Абдыкалыкович!

#kfu_kg

854 2 4 2 3

Kyrgyz Football Union

1 Apr, 18:28

ФУТЗАЛ БОЮНЧА УЛУТТУК КУРАМА БАЭГЕ КАРШЫ ЖОЛДОШТУК БЕТТЕШТЕРДИ ӨТКӨРӨТ

🇰🇬 Кыргыз Республикасынын футзал боюнча Улуттук курамасы 2026 жылкы Азия Кубогуна даярдык катары Бириккен Араб Эмираттар курамасы менен эки жолдоштук беттеш өткөрөт.

Оюндар 13 жана 15-апрель күндөрү Бишкек убактысы менен 21:20 Дубай шаарында орун алат.

Аталган беттештерге курама 7-апрелде Бишкекте даярдык көрө баштайт.
⠀
-

НАЦИОНАЛЬНАЯ СБОРНАЯ ПО ФУТЗАЛУ СЫГРАЕТ С ОАЭ
⠀
🇰🇬 Национальная сборная Кыргызской Республики по футзалу в рамках подготовки к отборочному этапу Кубка Азии 2026 проведет два товарищеских матча против сборной Объединенных Арабских Эмиратов.

Игры пройдут 13 и 15 апреля в городе Дубай в 21:20 по бишкекскому времени.
⠀
К данным матчам сборная начнет подготовку 7 апреля в Бишкеке.

#kfu_kg

427 0 0 1

Kyrgyz Football Union

1 Apr, 18:27

АФК ФУТЗАЛ ЖАНА КУМ ҮСТҮНДӨГҮ ФУТБОЛ БОЮНЧА МЕЛДЕШТЕРДИН ӨТКӨРҮҮ КҮНДӨРҮН ЖАРЫЯЛАДЫ

АФКнын футзал жана кум үстүндөгү футбол боюнча комитетинин, анын төрагасы Мехди Таджинин жетекчилиги алдында жыйын өттү.

АФКнын маалыматына ылайык, комитет 2026–2028-жылдарга карата АФКнын футзал жана кум үстүндөгү футбол боюнча мелдештеринин даталарын бекитти.

• 2026-жылдагы кум үстүндөгү футбол боюнча Азия Кубогуна тандоо оюндары — 2026-жылдын 23-31-майы.
• 2026-жылдагы кум үстүндөгү футбол боюнча Азия Кубогу финалы — 2026-жылдын 18-28-ноябры.
• 2027-жылдагы футзал боюнча Азия Кубогуна тандоо оюндары — 2027-жылдын 7-15-сентябры.
• 2028-жылдагы футзал боюнча Азия Кубогу финалы — 2028-жылдын 25-январынан 5-февралына чейин.
• 2027-жылдагы аялдар арасындагы футзал боюнча Азия Кубогуна тандоо оюндары — 2027-жылдын 13-21-ноябры.
• 2028-жылдагы аялдар арасындагы футзал боюнча Азия Кубогу финалы — 2028-жылдын 13-24-июну.
• 2028-жылдагы кум үстүндөгү футбол боюнча Азия Кубогуна тандоо оюндары — 2028-жылдын 3-11-июну.
• 2028-жылдагы кум үстүндөгү футбол боюнча Азия Кубогу финалы — 2028-жылдын 1-11-ноябры.

Жыйындын алкагында кеңири талдоо жүргүзүлүп, АФКнын алдыда өтө турчу футзал боюнча мелдештери тууралуу чечим комитет тарабынан бекитилди. 2030-жылдан тартып, Азия Кубогу өзүнчө мелдешке айланат андан кийин 2031-жылдан тартып, ФИФАнын футзал боюнча дүйнө чемпионатына квалификациялык турнир өткөрүлө баштайт. Ошондой эле комитет АФКнын футзал боюнча клубдук чемпионатынын форматтын калыбына келтирүү маселесин талкууланып, бул боюнча чечимди администрация кабыл алууга тапшырылды.

Комитет 2026-жылдагы Азия Кубогу боюнча футзалдын Регламентин бекитти. Бардык чечимдер аткаруу комитети тарабынан ратификацияланып, күчүнө кирет.

#kfu_kg