‍ وەستا قادر
ئەو کەسەی وەستایەکی کارامەی دیواری بەرد بوو
ئەو دیوارانەی ئەو بە بەرد هەڵیدەچنین، هێندە ڕێکوپێک و جوان بوون، ئێستاش و ڕەنگە تا سەدە و چاخە دوورەکان هەر بە جوانی و ڕاوەستاوی بمێننەوە.
وەستای بەرد بوو. بوو بە بەرد و ئێستا پەیکەری بەردینی جێی سرنج و ڕێز و ڕامان و تێڕوانینە.
پەیکەری بەردینی وەستا قادر، هێمای ئەو لەش و لارە و قەڵافەتەیەتی کە ڕۆژگارێکی دوورودرێژ لە تێکۆشانی ژیاندا شل و بێ هێز و ماندوو نەبوو.
ئەو لەش و پەیکەرەی کە ژاری کیمیایی نەیتوانی بێ بڕستی کاو لەپێی بخا، بەڵام مەرگی بەکۆمەڵی هاوژین و ڕۆڵەکانی و ون و بێسەروشوێنبوونی کچە ژیان ناوەکەی کە لە نەخۆشخانەی تەورێز لێی ون بوو و هەرگیز نەیدیتەوە... وای له وەستا کرد بە مردووییش پەیەکەرێکی بەردینی بۆ داتاشن و ورەی پۆڵایینی لە هێمای پەیکەرێکدا بە نەوەکانی نوێ بناسێنن و ئەو پەیکەرەش ببێتە هێمای خۆڕاگری.
وەستا قادر هەتا مابوو مەچەک و بازووی هاوڕێی بەردبوو... بەڵام بەمردووییش بوو بە بەرد...!!!

✍حاجی عەبدوڵڵا حەمزە

•┈┈•✿💌✿•┈┈•
@islahweb_k
•┈┈•✿💌✿•┈┈•