ﺠﺎﺑﻬﺎ ﻛﺎﻣﻞ ﻭﺷﺎﺭﺑﺘﻬﺎ ﻛﺒﻴﺮﺓ
ﻭﺯﻣﺎﻥ ﻓﺎﻟﺜﻤﻨﻴﻨﺎﺕ ﺍﻟﺒﻨﺎﺕ ﻳﻄﻠﻌﻮ ﺑﻼ ﺣﺠﺎﺏ ﻓﻰ ﻟﻴﺒﻴﺎ …
ﺍﻟﻠﻰ ﺗﻜﺒﺮ ﺷﻮﻯ ﺗﺒﺪﺍ ﺗﻄﻠﻊ ﺑﺎﻟﻔﺮﺍﺷﻴﻪ
ﻟﻜﻦ ﺍﻟﺤﺠﺎﺏ ﻣﻜﻨﺶ ﻭﺍﺭﺩ ﻭﻣﻴﻌﺮﻓﻮﺷﻰ
ﻭﻣﻊ ﻫﺪﺍ ﻓﺎﻃﻤﻪ ﻭﺍﻣﻬﺎ ﻳﻄﻠﻌﻮ ﺑﺎﻟﺸﺎﺭﺑﺎﺕ ﺍﻟﻜﺒﺎﺭ ..
ﻟﻜﻦ ﻓﺎﻃﻤﻪ ﺗﻠﺒﺲ ﻓﻰ ﺟﻼﺑﻴﻪ …
ﻭﺍﻣﻬﺎ ﺯﻯ ﺍﻟﻨﺴﺎﻭﻳﻦ ﻓﺮﺍﺷﻴﻪ
ﻓﺎﻃﻤﻪ ﻋﻨﺪﻫﺎ ﺯﻭﺯ ﺧﻮﺍﺕ ﺍﻣﺎﻧﻰ ﻡ ..79 ﻭﻧﺎﺩﺭﺓ ﻡ 81
ﻭﺑﻌﺪﻫﻢ ﻃﻮﻝ ﻣﺤﻤﺪ ﻡ 82 .. ﻭﺧﺎﻟﺪ ﻡ 84
ﻛﺎﻧﻮ ﺳﺎﻛﻨﻴﻦ ﻓﻰ ﻣﻨﻄﻘﻪ ﺛﺎﻧﻴﺔ
ﻭﺍﻧﺘﻘﻠﻮ ﻟﺤﻮﺵ ﻫﺪﺍ ﻻﻥ ﺑﻮﻫﺎ ﺩﺍﺭﻭﻟﺔ ﺍﻧﺘﻘﺎﻟﺔ ﻓﺎﻻﻭﻗﺎﻑ
ﻭﻣﺴﻚ ﺷﻴﺦ ﺟﺎﻣﻊ ﺍﻟﻤﻨﻄﻘﻪ ﺍﻟﻠﻰ ﻫﻤﺎ ﻓﻴﻬﺎ
ﻭﺑﻌﺪ ﺛﻼﺙ ﺳﻨﻮﺍﺕ ﺳﻨﻪ 89 …
ﺑﺪﻭ ﺣﻮﺵ ﻳﺤﻰ ﻭﺣﻮﺵ ﻣﺤﻤﻮﺩ ﻣﻦ ﺍﻋﺰ ﺍﻟﺠﻴﺮﺍﻥ
ﺍﻟﻨﺴﺎﻭﻳﻦ ﺻﺤﺎﺏ ﻭﺍﻟﺮﺟﺎﻟﻪ ﺻﺤﺎﺏ
ﻭﻋﻤﻚ ﻳﺤﻰ ﺩﻳﻤﺎ ﺷﺎﺩﻫﺎ ﻉ ﺍﻟﺠﺎﻣﻊ ﻣﻊ ﻣﺤﻤﻮﺩ
ﻓﺎﻃﻤﻪ ﻭﺍﻟﻬﺎﻡ ﻭﺻﻠﺖ ﺍﻋﻤﺎﺭﻫﻢ 15 ﻋﺎﻡ .. ﻳﻘﺮﻭ ﻓﻰ ﺛﺎﻟﺜﻪ ﺍﻋﺪﺍﺩﻯ …
ﺩﺍﺭﻭ ﺍﻻﻣﺘﺤﺎﻧﺎﺕ ﻭﻳﺮﺍﺟﻮ ﻓﺎﻟﻨﺘﻴﺠﻪ …
ﻓﺎﻃﻤﻪ ﻧﻮﻋﻬﺎ ﻛﺎﻧﺖ ﺷﺎﻃﺮﺓ ﻭﻛﺎﻧﺖ ﺗﺠﻴﺐ ﻓﻴﻬﺎ ﺍﻻﻭﻟﻰ ﻉ ﺍﻟﻔﺼﻞ
_______________
ﻭﻓﻰ ﻳﻮﻡ ﺭﻭﺡ ﻳﺤﻰ ﻭﺟﻬﻪ ﺍﺳﻮﺩ ﻟﻠﺤﻮﺵ
- ﺍﻟﻬﺎﻡ : ﺍﻟﻨﺘﻴﺠﻪ ﻃﻠﻌﺖ ﻳﺎﺑﻮﻯ ﻭﻧﺠﺤﻨﺎ ﺍﻧﺎ ﻭﻓﺎﻃﻤﻪ
- ﻳﺤﻰ ﺩﺍﻫﺶ : ﺑﺎﻫﻰ ﻣﺒﺎﺭﻙ ﺑﻨﻴﺘﻰ
- ﺍﻟﻬﺎﻡ : ﻣﺪﺧﻠﻴﺶ ﻧﺒﻰ ﻃﺒﻖ ﺑﺎﺳﻄﻰ ﻧﻮﺯﻋﻪ ﻋﺎﻟﺠﻴﺮﺍﻥ
- ﻳﺤﻰ : ﺣﺎﺿﺮ ﻧﺠﻴﺐ ﻟﺒﻨﺘﻰ
- ﺳﺎﻟﻤﻪ : ﺧﻴﺮﻙ ﻳﺎ ﺭﺍﺟﻞ
- ﻳﺤﻰ ﺑﺼﻮﺕ ﻭﺍﻃﻰ : ﺗﻌﺎﻟﻰ ﺍﻟﺤﻘﻴﻨﻰ ﻟﻠﺪﺍﺭ
ﻭﺧﺸﺖ ﺳﺎﻟﻤﻪ ﻭﺭﺍ ﻳﺤﻰ ﻟﻠﺪﺍﺭ …
ﺣﺪﻑ ﻳﺤﻰ ﻇﺮﻑ ﻋﺎﻟﻄﺎﻭﻟﺔ ﻭﻗﺎﻟﻠﻬﺎ ﺗﻔﺮﺟﻰ ﻭﺷﻮﻓﻰ
ﻓﺘﺤﺖ ﺳﺎﻟﻤﻪ ﺍﻟﻀﺮﻑ … ﻭﺗﻠﻘﺎﻩ ﻣﻠﻴﺎﻥ ﺻﻮﺭ ﻟﻮﻟﺪﻫﺎ ﻣﺮﺍﺩ
ﻣﻄﻮﻝ ﺷﻌﺮﻩ ﻣﻮﺿﻪ ﺯﻣﺎﻥ ﻋﺎﺩ ﻭﻫﻮﺍ ﺷﻌﺮﻩ ﻧﺎﻋﻢ ﺯﻯ ﺍﻟﺤﺮﻳﺮ ﻭﻟﻮﻧﻪ ﻗﺼﺪﻟﻰ
ﻭﻻﺑﺲ ﻫﺎﺩﻭﻛﺔ ﺍﻟﺴﻼﺳﻞ …
ﻭﺩﺍﻳﺮ ﻫﺎﺩﻭﻛﺎ ﺍﻟﻄﺮﺣﺎﺕ
ﻭﺍﻟﺒﻨﺎﺕ ﻋﻠﻰ ﻳﻤﻴﻨﻪ ﻭﻳﺴﺎﺭﻩ ﻭﺍﻟﺴﻜﻴﺮ ﻓﻰ ﺷﻴﺶ ﻗﺪﺍﻣﻪ
ﺻﻮﺭ ﺗﺤﺸﻢ .. ﺷﻰ ﻓﺎﻟﺒﺎﺭﺍﺕ .. ﺷﻰ ﻓﺎﻟﺸﻮﺍﺭﻉ
- ﺳﺎﻟﻤﻪ ﺷﻬﻘﺖ : ﺣﻴﻪ ﻋﻠﻴﺎ .. ﺧﻴﺮﻩ ﻭﻟﺪﻙ ﻫﻜﻰ ﻳﺎ ﺭﺍﺟﻞ
- ﻳﺤﻰ : ﺍﺳﻤﻌﻰ ﺍﺳﻜﺘﻰ ﺧﻴﺮ ﻣﺎ ﻧﺤﻂ ﺍﻟﻠﻰ ﻓﻰ ﻗﻠﺒﻰ ﻓﻴﻚ
ﺳﺎﻟﻤﻪ ﻣﺘﻌﻮﺩﺓ ﻏﻴﺮ ﻋﺎﻟﺪﻻﻝ ﻣﻦ ﻳﺤﻰ ..
ﻭﻣﺪﺍﻣﻪ ﺗﻜﻠﻢ ﻫﻜﻰ ﻋﺮﻓﺖ ﺍﻥ ﺍﻟﻤﻮﺿﻮﻉ ﻛﺒﻴﺮ
- ﺳﺎﻟﻤﻪ ﻭﺍﻃﺖ ﺻﻮﺗﻬﺎ : ﻣﻦ ﺟﺎﺑﻬﻤﻠﻚ ﺍﻟﺼﻮﺭ ﻫﺎﺩﻭ
- ﻳﺤﻰ : ﺟﺎﺑﻬﻤﻠﻰ ﻭﻟﺪ ﺣﻼﻝ .. ﻭﺍﻟﻠﻪ ﻣﺎ ﻭﺻﻴﺘﻪ ..
ﻫﻮﺍ ﺑﺮﻭﺣﻪ ﺻﻮﺭﻩ ﻭﻗﺎﻟﻰ ﺍﻟﺤﻖ ﻭﻟﺪﻙ
- ﺳﺎﻟﻤﻪ : ﺑﺎﻫﻰ ﺍﺗﺼﻞ ﺑﻴﻪ ﻳﺎ ﺭﺍﺟﻞ
ﻣﺎﻫﻮ ﻋﺎﻃﻴﻚ ﺭﻗﻢ ﻣﻮﻟﻰ ﺍﻟﻌﻤﺎﺭﺓ ﺍﻟﻠﻰ ﺳﺎﻛﻦ ﻓﻴﻬﺎ
- ﻳﺤﻰ : ﻧﺘﺼﻞ ﺑﻴﻪ .… ﺗﺒﻴﻬﻢ ﻳﻘﻴﻤﻮﻧﻰ ﺍﻣﺎﻻ .. ﻭﺑﻌﺘﺎﻟﻰ ﻧﺘﺼﻞ ﺑﻴﻪ ﺷﻦ ﺑﻨﻘﻮﻟﻪ ..
ﺧﻠﻰ ﻧﺴﺎﻭﻯ ﺍﻟﺪﺍﺑﺮ ﺍﻟﻠﻰ ﺩﺭﺗﻪ ﻓﺪﻣﺎﻏﻰ ﻭﺑﻌﺘﺎﻟﻰ ﺳﺎﻫﻞ
- ﺳﺎﻟﻤﻪ : ﻭﺷﻦ ﻣﻔﻜﺮ ﺍﺩﻳﺮ ﻳﺎ ﻳﺤﻰ
- ﻳﺤﻰ : ﻛﺎﻥ ﻧﻘﻮﻟﻪ ﺭﻭﺡ ﻣﺴﺘﺤﻴﻞ ﻳﺴﻤﻊ ﻛﻼﻣﻰ ﻭﻳﺮﻭﺡ
- ﺳﺎﻟﻤﻪ : ﺍﻣﺎﻻ ﺷﻦ ﺑﺪﻳﺮ
- ﻳﺤﻰ ﺷﺒﺤﻠﻬﺎ : ﺑﻨﺰﻭﺟﻪ
- ﺳﺎﻟﻤﻪ : ﺑﺘﺰﻭﺟﻪ ﻭﻫﻮﺍ ﻋﻤﺮﻩ 19 ﺳﻨﻪ
😳😳😳😳😳