" ፈተናው በሰላም ተጠናቋል " - የአ/አ ትምህርት ቢሮ

በአዲስ አበባ ከተማ አስተዳደር ከመስከረም 30 እስከ ጥቅምት 2/2015 ዓ.ም ድረስ ለማህበራዊ ሳይንስ ተማሪዎች ሲሰጥ የቆየው የ12ኛ ክፍል መልቂያ ፈተና በሰላም መጠናቀቁን የከተማው ትምህርት ቢሮ ገልጿል።

ቢሮድ ፈተናው በአዲስ አበባ በ9 የፈተና ጣቢያዎች መሰጠቱን አመልክቷል።

ፈተናውን 23,208 የማህበራዊ ሳይንስ ተማሪዎች ለመውሰድ ተመዝግበው 22,533 የሚሆኑት መፈተናቸው ተገልጿል።

ፈተናውን ከአቅም በላይ በሆነ ምክንያት ያልወሰዱና ተገቢ ማስረጃ ማቅረብ የሚችሉ ተማሪዎች በቀጣይ እንደሚፈተኑ በትምህርት ሚኒስቴር አቅጣጫ መቀመጡን ቢሮው አሳውቋል።

25,995 የተፈጥሮ ሳይንስ ተማሪዎች እሁድ ጥቅምት 6/2015 ዓ.ም ፈተናውን ወደሚሰጥባቸው ከፍተኛ ትምህርት ተቋማት ገብተው ኦረንቴሽን ከተሰጣቸው በኃላ ከጥቅምት 8 እስከ 11/2015 ድረስ ፈተናቸውን ይወስዳሉ ብሏል።

@Addis_News
@Addis_News