King library 9

1⃣4⃣. Abdulla Qodiriy - "Mehrobdan chayon" (roman)✅


O'zbek romanchiligi asoschisi, tarixiy asarlarni maromiga yetkazib yozadigan inson deganda birinchi bo'lib hayolga keladigan shaxs bu Abdulla Qodiriy. Inson ruhiyatini tushunish bo'yicha favqulodda isteʼdod sohibi.
"Mehrobdan chayon" asari ham shaxsan men uchun "O'tkan kunlar" bilan bir darajadadir. Avvalo romanning ma'nosiga e'tibor beraylik. Mehrob - aslida muqaddas joy hisoblanadi, biroq shu joyda ham chayonlar bo'lishi biroz g'alatidek ko'rinishi mumkin. Vaholanki, aslida bunday emas. Baʼzida oramizda yurgan insonlar sizlarga haqiqiy zarbani berishi mumkin.

Asar bosh qahramonlaridan biri Anvar juda kambagʻal oilada dunyoga keladi. Tasavvur qilishingiz uchun aytaman: Anvarga tugʻilganidan 20 kun o'tib ism qo'yishadi, uni ham opasi Nodira qo'yadi. Yana bosh qahramonlardan biri Solih maxdum. To'g'risini aytay uning ziqnaligi shu darajada ediki, hatto mening ham jahlimni chiqarishga ulgurdi. Anvar shu inson uyida ulgʻayib, Solih maxdumdan dars olib katta bo'ladi. Yuqori lavozimlarga erishadi, lekin hamma chayonlar ana shundan keyin o'z ishlarini boshlashadi. Hayriyatki Anvarning yonida Sultonalidek mard birodarlari bor ekan, u uchun qalqon vazifasini o'tab berishadi. Anvar va Raʼno o'rtasidagi munosabatlarga kelsak, uyog'ini o'zingiz o'qib ko'rsangiz maqsadga muvofiq.

Bosh qahramonlar: Anvar, Ra'no, Solih maxdum va 3 ta chayon

Menga yoqmagan eng salbiy obrazlar: Xudoyorxon va Solih maxdum

Eng oqilona qaror: maxdumning onasi Mohlaroyim Anvarni o'z qaramogʻiga olgani

Mard insonlar: Anvar, Ra'no, Sultonali, Mohlaroyim, Nigoroyim

Yoqimli mutolaa tilayman!

#uzbekbook #review #sharh

@kinglibrary9

Kimki kamalakni ko'rishni istasa, yomgʻirni boshidan kechirishi kerak

Paulo Koelo - Braziliyalik yozuvchi

#quote
@kinglibrary9

Dangasaga 3 bet hikoya ham yuk...

@kinglibrary9

1⃣2⃣. O'tkir Hoshimov - "Sirli yulduz" (qissa)

Har bir voqeadan xulosa va yangi nimadir o'rganishimiz mumkin, jumladan hikoya, qissa, roman, doston va shunga o'xshagan boshqa asarlar orqali. "Sirli yulduz" qissasi ham bizga bir qator olamshumul, qiziqarli hodisalarni so'ylaydi. Shaxsan men ushbu asarni o'qigandan keyin Astronomiya faniga bo'lgan qiziqishim 10 karra oshdi desam adashmayotgan bo'laman. Bu asarda o'z kasbining fidoyi Geografiya, Astranomiya fani o'qituvchisi Omonullo Rustamov va uning o'quvchilari Toshpo'lat, Soliya va Mamatlar haqida bir-biridan qolishmaydigan voqealar yuz beradi. Garchi o'quvchilar paxta dalasida mehnat qilishayotgan bo'lishsa ham, kechqurunlari Rustamov domla Astranomiyaga oid bilimlarni ulashib boradi. Xususan, men Beruniy bobomiz qanday qilib Amerika qit'asi mavjudligini isbotlaganini bilib oldim. Shuningdek bu asarda har bir inson haqiqiy yulduz kim ekanligini o'zi uchun kashf etadi.
Men o'zim uchun kashf etdim. Siz-chi?

Yoqimli mutolaa tilayman!

#sharh #review #uzbekbook

@kinglibrary9

Inson bolasi dunyoga kelganidan keyin, o'zidan hech bo'lmasa bitta yodgorlik qoldirib ketishi kerak, yashashning ma'nisi ham shu, der edi otam.

📚O'tkir Hoshimov - "Cho'l havosi"

@kinglibrary9

1⃣1⃣ Agata Kristi - "10 ta negr bolasi" (roman)

Detektiv qirolichasi deb atalmish Agata Kristi dunyosiga ham sayr qilib ko'rishni xohladim va bundan sira ham afsusda emasman.
O'qigan kitoblarim orasida bunaqasini oldin ko'rmagandim, miyangizni u boshidan bu boshigacha bo'lgan barcha hujayralarni bir vaqtda ishlashiga majbur qiladigan asar. Asar o'nta umuman bir-biriga aloqador bo'lgan insonlarning Zanjilar oroliga borishi bilan boshlanadi. Albatta ularni taklif qilgan Janob A.N.Onim ular hammasi laqqa tushirgan holda orolga olib boradi, oroldagi sarguzashtlar esa turfa xil ko'rinish oladi, aslida uni sarguzasht ham deb bo'lmaydi. Nima deb atash mumkin...?
Ha, topdim, o'lim bilan o'ynashganlar desam haqiqatdan aslo yiroq bo'lmaydi. Asarni o'qir ekansiz, haqiqiy sirli kimsa kim o'zi? Nega bu joyga ularni olib keldi? Ular qanday gunoh qilishgan? Ismi noaniq inson aslida shular bilan birga orolga kelganmi? Yohud yashirinib olganmi? degan savollar sizni o'ylantirishi aniq.
10 ta negr bolasini tuzoqqa tushirish va ketma-ket ularni gumdon qilish rejasi juda-juda puxta tuzilgan. Siz shubhalangan insonlar aslida ayblanuvchi emasligiga amin bo'lasiz.
Mening tahminlarimning hammasi xato chiqdi.

Bu kitobni Yuridik fakultetda o'qiydiganlarga va yoki shu yerni bitirganlarga tavsiya qilaman. Ular bu asarni o'qishi SHART. Ehtimol ular buni darslik sifatida o'tishar, ammo bunisi menga qorong'u,shu sababli har extimolga qarshi tavsiya qilib o'tyapman.


🔴Yosh chegarasi: 18 yoshdan kattalar uchun
🔴Kechqurun o'qish tavsiya etilmaydi.

#uzbekbook #review #sharh

@kinglibrary9

O'nta negr bolasi, bordi tushlik qilgali,
Biri tiqildi o'ldi, to'qqiz qoldilar bari.
To'qqiz negr bolasi miriqib qildi tushlik,
Biri uyg'ona olmay, sakkiz qoldilar sho'rlik.

Sakkiz negr bolasi yurdilar Devon tomon,
Biri ortga qaytmadi, qoldilarku yettovlon.
Yetti negr bolasi o'tin yordilar birga,
Biri o'zini chopdi, olti qoldi nahorga.

Olti negr bolasi asalari boqishdi,
Beshta qolishdi so'ngra, birini ari chaqdi.
Beshta negr bolasi qozilikni boplashdi,
Birini sud qilishgach, nochor to'rtta qolishdi.

To'rtta negr bolasi cho'mildilar dengizda,
Biri qarmoqqa tushdi, uchovlon qoldi birga.
Uchta negr bolasi bordi hayvonot bog'i,
Birini ayiq tutdi, ikkisi ekan sog'i.

Ikki negr bolasi yotdi jaziramada,
Biri kuyib bo'ldi kul, qoldi biri aftoda.
So'nggi negr bolasi horg'in atrof qaradi,
So'ngra o'zini osdi, keyin hech kim qolmadi.

#poems
📚"O'nta negr bolasi" Agata Kristi

@kinglibrary9