“O‘zbekcha ovoz” telegram boti
“O‘zbekcha ovoz” telegram botinining
(https://t.me/uzbek_ovoz_bot) ishga tushirilishidan maqsad, to‘planuvchi ovozlarni muayyan matnlar bilan birlashtirish orqali Ovoz texnologiyalari ustida ilmiy tadqiqot o‘tkazuvchilar uchun manba yaratishdir. Natijada ovozni avtomatik tarzda matnga o‘girishga yordam beruvchi modellarni shakllantirish, xususan, avtomatik subtitrlash; ovozli tarjima; Siri yoki Alexa kabi ovozli texnologiyalarni yo‘lga qo‘yishdek amaliy natijalarni qo‘lga kiritish mumkin.
Yig‘ilgan ovozli va matnli ma’lumotlar keng auditoriya foydalanishiga mo‘ljallanib, har qanday tijoriy maqsadlardan holi ravishda ommalashtiriladi. Bot foydalunuvchilari uni ishga tushirgan taqdirda yuqoridagi shartni ko‘ngilli qabul qilgan hisoblanadilar.
“O‘zbekcha ovoz” telegram boti Turkic Interlingua (TIL) uyushmasi tomonidan tayyorlandi. Uyushma sun’iy intellekt bo’yicha dasturchilar, tilshunoslar, til texnologiyalarini rivojlantirishni o‘zining vazifasi deb hisoblovchi yetakchilarni o‘zida jamlagan bo‘lib, soha rivoji yo‘lida xilma-xil ma’lumotlarni to‘plash va ilmiy tadqiqotlar o‘tkazish orqali turkiy tillar xususiyatlarini o‘rganishni o‘z oldiga maqsad qilgan. Uyushma to‘g‘risida batafsil ma’lumotlarni
https://turkicinterlingua.org saytidan olishingiz mumkin.
@komp_ling_uz
