Adashgan gʻazal

Ahd ustidan bosgan izlar adashdi,
Sahroga chidagan jizlar adashdi.

Eng tiniq koʻzgusi boʻlsa-da hatto,
Gunohga boqmagan koʻzlar adashdi,

Quyoshni quchaman degan alagʻda,
Oftobdan uzilgan yuzlar adashdi.

Ishq, muhabbat, sevgi dengizin izlab,
Koʻlmakka yiqilgan qizlar adashdi.

Chinnining qaygʻusin sopol suymagay,
Yolgʻonga yoqmagan soʻzlar adashdi.

“Koʻnglimning tubida yashaysan, ey doʻst”,
deb: dilda qishlagan muzlar adashdi.

U gunohkor va men, sen ham sogʻ emas,
Bir-birin tan olmas “biz”lar adashdi.

Bil, Shohista, kafan asli taqdiring,
Oltin qop atalgan boʻzlar adashdi.

✍✍✍Shohista Isoqova

@kongilgulshani

https://t.me/joinchat/SkIHV7Q3gBNNFP_b