VATAN

Ikki ko’zim qorasi,
Ota makonim-Vatan.
Bu qalbim dildorasi
Bog’-u bo’stonim-Vatan.

Menga mehrin ulashgan
Sadoqatli onamsan.
Osuda, keng jahonda,
Yakka-yu yagonamsan.

Sen otamdagi shiddat,
Momom ko’zidagi nur.
Bobom qo’lida qadoq,
Ko’kda oyim, yerda dur.

Necha buyukka shohid,
Aziz tuprog’im o’zing.
Ba’g’ringda quvnab yashar
Keksa-yu o’g’il-qizing.

Ukamdagi quvnoqlik,
Osudaligim sensan.
Singlim qalbida poklik
Zilolim o’zing Vatan.

Sen uyimdagi tandir,
Ko’chadagi sho’x kulgu.
Bobojonim duosi,
Momomdagi sof tuyg’u.

Ko’kda charaqlab turgan
Charog’onim quyoshim.
Qalbimdagi g’ururim
O’zing sabr-u bardoshim.

Teragim ko’lankasi,
Yulduzimning nurisan.
Seni jondan sevaman
Vatan qalbim qo’risan.


Kunlar, zamonlar osha
Yashnagin misoli gul.
O’zbekiston, o’zbegim
Obod bo’lsin o’ng-u so’l.

Xudoyimning ne’mati
Har dam bo’lgin tinch-omon.
Faxr-u iftixorimsan,
Vatanim – O’zbekiston.

✍✍✍ Muxtorjonov Axmadjon

@kongilgulshani

https://t.me/joinchat/SkIHV7Q3gBNNFP_b