#اللهم_عوضا_بأحسن_مما_فقدنا 💔 لما سيدنا يعقوب عليه السلام اتحرم من ابنه يوسف .. مكنش سهل

- انت مُتخيل أُم ترمي ابنها في البحر .. عذاب لا يمكن تحمّله ' فألقيه في اليم ' !

- لما السيدة أُم سلمة يموت زوجها ابوسلمة .. وهي مالهاش غيره .. كانت حاسه بإيه !؟

- يعني ايه اب ربنا رزقه بولد علي كِبر يرميه في الصحرا هو وامه ويسيبهم ويمشي من غير اكل ولا شُرب "أسكنت من ذريتي بوادٍ غير ذي زرع" ؟؟

اي لحظات فَقْد بتبقي قاتلة .. لكن لو عندك يقين في الله هتستحمل .. لان الفقد رغم صعوبته لكن بعده كُل خير

والنتيجة حاجة من اتنين ..

يا إما ربنا بيكتبلك اللُقا بعد الفقد وتجتمع باللي بتحبهم تاني .. زي سيدنا يوسف مع ابوه وسيدنا اسماعيل مع ابوه .. ودا لما يبقي الشخص دا هيبقي بينكو خير بعد كدا ..

او ربنا بيعوضك بشخص افضل من اللي فقدته .. علشان الشخص اللي خسرته مكنش فيه الخير ليك او العَوض احسن من اللي فقدته .. زي أُم سلمة رضي الله عنها

اللُقا نصيب .. والفقد نصيب .. والاتنين خير ليك

متزعلش علي حد .. الفُراق صعب جدا ، لكن كُله خير يا صديقي .. مقادير الله بين الرحمة والحكمة .. ربنا بيرحمك من انسان كان هيعذبك وهيبهدلك ويبعده عنك .. ربنا بيختارلِك زوج افضل من اللي انتي اخترتيه .. اللي يجي من ربنا كُله خير #راقتنى_فنقلتها