خويه موش السوط يوجعني الحجي
ضحك شبعوا واني شبعانه بجي

ومن دمعتي الحراكه كزبر جلده الناكه
__________________________

خويه يالكافل حجيهم سوط بذن اختك يطك
يعني ياعباس صارن اذني ومتوني زرك
من يسلوني على جفك ابجي حد مااختنك
وهمه يختارون كاموا وين التعور صدك

السانهم بسمار ويزيد التعب
واحنه وادم ياابو فاضل موخشب
ظعني ليضدكم ساكه وكزبر جلد الناكه
__________________________
منين ماصدن شماته والحجي يتعب ليحن
واحد يكلي لرقيه راس ابوج بلا حضن
واحد بسوطه يطكني مثل عصه اتطك كطن
وراسك يطيحونه عمده على التراب وانطعن

خاطر يهظمون اختك بالدرب
عمده راسك طيحوه على الترب
ضل الدمع يتلاكه وكزبر جلده الناكه
__________________________
من اشيلن راسي اشوفك عالرمح راسك يرف
خويه ماجنك كمرنه لجان ابد ماينخسف
وجهك اصفر حيل صاير بيك شمسوي النزف
ياعرف عيني وضواه وياك ماتاه العرف

عيني ماتيهت راسك بالدرب
والعزيز اتشوفه بعيون لكلب
اه شيحمله افراكه
__________________________
عالهزل لمن ركبنه الناكه عركت مستحه
وتطحن بروحي لهضيمه حنطه تطحنه الرحه
الكالي جاوين اخوتج هذا ابد ماسامحه
كسر كلبي ياابوفاضل موحجايه ورايحه

شلون ينقاس التراب ويالذهب
لماله عرفه ويالهوه عالريه هب
تجوب بدليلي اشوكه
__________________________

وبالسبي موقف هضمني وزيد عليه التعب
ماي جابوا للسبايه وازغر اطفالي انتحب
كله بويه اتصيح كامت ماكو اي واحد شرب
واني اخذت لماي بيدي واشرب لضالم حسب

بس اخذت لماي مو لجل لشرب
ردت اغسل نحرك اشكد بيه ترب
حيل اختك ألهم باكه
__________________________