يا بريد يجيبلي عيونَك
رَسايل غافية بنُص الظرف
وانتَ تدري..
من اقرا عَينك انشتل بـ أول حرف
بيا مرايه من الحزن يلتَم شبابي
بيا چفوف من الفرح يتغنّى بابي
بيا ظفيرة اتلمَس إسمك بـ الرسايل
بيا سما اندلك واجيلك
وارسم عيوني آعله گد خصرك حمام
ويا بريد يودي شوگي
اليمشي حافي بسچّه جام
لا تجي بطيفي وصفنتي
ولا يصح طارش يودّيلك سلام
كون اصدّگ ما تجيني
حتّى المّ چفوف اديّه البقت تدعي بكل امام.
