Bir og'iz so'z...
Shuncha qiyinmi?
Imkonsizmi bir bor shivirlash...
G'ururimiz... ko'nglim o'yinmi?

So'zlaysizmi, termulaman jim
Fig'onimga biror sas qani?
Xo'rsinasiz... uning ismi kim?
Nahot, uning egasi menmi?

Tutqun qushday titraydi yurak,
Qarshingizda zorman, muhtojman.
Bir og'iz so'z... judayam kerak,
Keyin nafas ola boshlayman.
Balki, boshqa hayot boshlayman.

Mahliyoxon Umurzoqova.