فرمێسکی هه‌ژارێک
له‌سه‌ر چۆمی «ڕاین» له ڕۆژگارێ جارێ
تکا ئه‌شکی ئاواره‌کوردێ، هه‌ژارێ
به‌سه‌ریا خوڕی: کوێنده‌ریی ئه‌ی تکه‌ی سوێر!
ئه‌تۆ و ئێره چی؟ ده‌نکه فرمێسکی بێخێر!
وتی: ئاوی چاوی کوڕی کوردسانم
له ده‌جله و فورات ڕایه ناو و نیشانم
له زێڕینه‌ڕوود و ته‌تاهۆ سه‌لامێ
له به‌ژنت له چلچه‌شمه پێمه په‌یامێ
له‌سه‌رخۆ به ئه‌ی ڕاینی شۆخ و شیرین
شتێک بوین ئه‌مه‌ش گه‌رچی ئێستا ئه‌سیرین
هه‌چه‌ند دیل و بێچاره‌شه نیشتمانم
ببه‌خشه له جێی تۆی به خۆشتر ده‌زانم
چ که‌ڵوه و چ سیروان و ئاوێژه‌ڕۆیه
به دیمه‌ن هه‌مووی شۆخ و شه‌نگتر له تۆیه
ئه‌گه‌ر لا ده‌چێ ئه‌م ته‌مه‌ی نه‌گبه‌تیمان
به‌خاوه‌ن ده‌بێ کێو و چۆم و زه‌ویمان
له دڕکی نه‌یاران بژارێکی ده‌کرێ
هه‌زارانی وه‌ک تۆ له شاباشی ده‌درێ
به‌ڵێ ئاوی چاوم له دڵ هه‌ڵکزاوم
له ڕێی سه‌ربه‌خۆبوونی کوردان ڕژاوم
وتی ڕاین: ئه‌ی تیشک و هێزی دڵی من
وه‌ره باوه‌شم بتبه‌مه به‌حری بێبن
به هاوار و دادت موحیت بشڵه‌ژێنه
له چه‌پگه‌ردی گه‌ردوون به‌شی کورد بسێنه
هه‌ژار موکریانی
https://t.me/majedrohani
له‌سه‌ر چۆمی «ڕاین» له ڕۆژگارێ جارێ
تکا ئه‌شکی ئاواره‌کوردێ، هه‌ژارێ
به‌سه‌ریا خوڕی: کوێنده‌ریی ئه‌ی تکه‌ی سوێر!
ئه‌تۆ و ئێره چی؟ ده‌نکه فرمێسکی بێخێر!
وتی: ئاوی چاوی کوڕی کوردسانم
له ده‌جله و فورات ڕایه ناو و نیشانم
له زێڕینه‌ڕوود و ته‌تاهۆ سه‌لامێ
له به‌ژنت له چلچه‌شمه پێمه په‌یامێ
له‌سه‌رخۆ به ئه‌ی ڕاینی شۆخ و شیرین
شتێک بوین ئه‌مه‌ش گه‌رچی ئێستا ئه‌سیرین
هه‌چه‌ند دیل و بێچاره‌شه نیشتمانم
ببه‌خشه له جێی تۆی به خۆشتر ده‌زانم
چ که‌ڵوه و چ سیروان و ئاوێژه‌ڕۆیه
به دیمه‌ن هه‌مووی شۆخ و شه‌نگتر له تۆیه
ئه‌گه‌ر لا ده‌چێ ئه‌م ته‌مه‌ی نه‌گبه‌تیمان
به‌خاوه‌ن ده‌بێ کێو و چۆم و زه‌ویمان
له دڕکی نه‌یاران بژارێکی ده‌کرێ
هه‌زارانی وه‌ک تۆ له شاباشی ده‌درێ
به‌ڵێ ئاوی چاوم له دڵ هه‌ڵکزاوم
له ڕێی سه‌ربه‌خۆبوونی کوردان ڕژاوم
وتی ڕاین: ئه‌ی تیشک و هێزی دڵی من
وه‌ره باوه‌شم بتبه‌مه به‌حری بێبن
به هاوار و دادت موحیت بشڵه‌ژێنه
له چه‌پگه‌ردی گه‌ردوون به‌شی کورد بسێنه
هه‌ژار موکریانی
https://t.me/majedrohani