Mánawiyatlı áwlad | Úyde qalıń!

#10kunge_10ulama
Samarqandta XV ásirdiń birinshi yarımında Uluǵek átirapına Ǵiyosiddin Jamshid, Qozizoda Rumiy, Ali Qushchi sıyaqlı tanıqlı astronom hám matematiklerdi birlestirgen hám úlken bir ilimiy mektep júzege keldi. Ol waqıtları Samarqandta Orta Aziya tariyxı haqqında ájáyip shıǵarma jazǵan tariyxtanıwshı Hofiziy Abru, tanıqlı shıpaker Mavlona Nefis, shayırlardan Shiroziddin Samarqadndiy, Sakkokiy, Lutfiy, Badaxshiy hám basqalar jasaǵan. Olar insaniyat ushın, pánniń kúshine isengen, óz dáwiriniń aldaǵı shaxsları bolǵan.
@manawiyatliawlat

Коронавирус анықланған 390 наўқастың жас категориясы ҳәм аймақлар кесиминдеги мағлыўматы

Алдын хабар бергенимиздей, ҳәзирги ўақытта коронавирус инфекциясы анықланған жағдайлар саны 390ды қурамақта. Наўқаслардың 188и еркек, 202си ҳаяллар. 

Жаслары бойынша мағлыўмат төмендегише:
0-9 жасқа шекем – 10 адам (2,6%);
10-19 жасқа шекем – 15 адам (3,8%);
20-29 жасқа шекем – 59 адам (15,1%);
30-39 жасқа шекем – 111 адам (28,5%);
40-49 жасқа шекем – 123 адам (31,5%);
50-59 жасқа шекем – 48 адам (12,3%);
60-69 жасқа шекем – 17 (4,4%);
70-79 жасқа шекем – 6 (1,5%);
80 жастан жоқары болғанлар 1 адам (0,3%)ды қурамақта. 

Ҳәзирги ўақытта Ташкент қаласында 170 адам коронавирус инфекциясын жуқтырған наўқас емленбекте. Соның менен бирге, Қарақалпақстан Республикасында 2, Андижан ўәлаятында 61, Бухара ўәлаятында 19, Наманган ўәлаятында 48, Ферғана ўәлаятында 64, Хорезм ўәлаятында 18, Қашқадәрья ўәлаятында 6 ҳәм Наўайы ўәлаятында 2 адам аймақтағы жуқпалы кеселликлерге қәнигелестирилген емлеўханада емленбекте.

Наўқасларға медицина хызметшилери халық аралық стандарт тийкарында емлеў илажларын ислемекте.

Наўқаслардың 31инде пневмония гүзетилмекте (пневмония – бул инфекция себеп өкпе тоқымаларының асқыныўы). Соннан 9 адамның аўҳалы салыстырмалы аўыр, 2 адамның жағдайы болса оғада аўыр баҳаланбақта.

Еслетип өтемиз, Ден саўлықты сақлаў министрлиги жуўаплы министрлик ҳәм мәкемелер менен биргеликте эпидемиологиялық сорастырыў ҳәм коронавирус инфекциясының тарқалып кетпеўи ушын барлық профилактикалық шараларды әмелге асырмақта.

Дерек: Ден саўлықты сақлаў министрлиги.

2020-жыл 6-апрель саат 09:00 ҳалатында Қарақалпақстан Республикасында коронавирусқа шалынған еки наўқас анықланды

Нөкис қаласында жасайтуғын бир ер адам ҳәм оның анасы «COVID-19» инфекциясына гүманланып, Республикалық жуқпалы кеселликлер емлеўханасына жатқарылған. Анықланыўынша ер адам жумыс бабында 14-март күни Ташкент қаласында болған. Олардан тийисли анализлер алынып, Республика санитария-эпидемиология тынышлығы орайының вирусология лабораториясына ҳәм Ташкент қаласындағы Вирусология илимий-әмелий тексериў институтына жиберилген. 2020-жыл 5-апрель сәнесинде түнде анализ нәтийжелери усы еки пуқарада коронавирус кеселлиги бар екенлиги тастыйықлады.

Усы еки пуқарада вирусқа гүман болыўдан дәрҳал олар менен тығыс қатнаста болған адамлар эпидемиологиялық тексериўге алынып, олар да карантинге алынды.

Ҳәзирги пайытта усы еки пуқара Республикалық жуқпалы кеселликлер емлеўханасында емленбекте. Олардың жағдайы орташа дәрежеде.

Пурсаттан пайдаланып, журтласларымызға айтпақшы болғанымыз – усындай қыйын ҳәм жуўапкерли күнлерде шыпакерлер талапларына ҳәм санитария-эпидемиологиялық тынышлық тәртиплерине әмел етиў жүдә әҳмийетли ҳәм шәрт. Тәртип күшейттирилген дәўирде көшеде жүргеннен көре, үйде қалыў оғада зәрүр. Буның менен тек ғана өзиңизди, сондай шаңарағыңызды, журтымызды ҳәм жәмийетимизди коронавирус бәлесинен асырыўға өз үлесиңизди қосқан боласыз.

Дерек: ҚР Денсаўлықты сақлаў министрлиги мәлимлеме хызмети 
@qrdssm