تعنّــــــــت إله للحومـــــة
شـافت سليبة اهدومــــه
جسمـه سبح بدمومــــــه
گالتله ياحسين الضمــــد

ـــــــــــ ❁ ❁ ❁ ــــــــــــ

ردتــــك تــــــرد لِخْيَمّـــي
يابعــــد ابويـــــه وعمــي
ريتــــه تگطّــــع جسمــي
گالتله ياحسين الضمــــد

ـــــــــــ ❁ ❁ ❁ ــــــــــــ

فتّــــح اعيونه لأخـتـــــه
چن باوعلهــــا و شِفتــــه
يحچي معاهــــا ابوَنْتـــه
حشّمْهـا للخِـــــدّر تـــــرِدّ

ـــــــــــ ❁ ❁ ❁ ــــــــــــ

زال التــرب عن عينـــــه
سال الدمه امن اجبيــنه
زاد العزيـــــز اونينـــــــه
چبده وگلب اخته انمـرد

ـــــــــــ ❁ ❁ ❁ ــــــــــــ

نــــاداهـــــا ردّي للخيَـــم
لمّي اليتامــــه والحــــرم
گالتــــله دلّالـــي انهـــدم
والبيتي چنت انت العَمَد

ـــــــــــ ❁ ❁ ❁ ــــــــــــ

گال لهـــا يااختــي الصبر
لاتبچي گــــدام الشمـــــر
لمــن يضربــچ عالظــهــر
نـــــادي يكــرّار المــــــدد

ـــــــــــ ❁ ❁ ❁ ــــــــــــ

بالـــچ يشوف ادموعـــچ
خفّــــي يخيتي روعــــچ
لاتحني حيل اضلوعــــچ
انطيني يالحرة عهــــــــد

ـــــــــــ ❁ ❁ ❁ ــــــــــــ

عهــــد الحفظ لعيــــــالي
وخل يبقى راسچ عـــالي
يالبيـــــچ كــــل آمـــــالي
من بعدي تبقين السنــــد

ـــــــــــ ❁ ❁ ❁ ــــــــــــ

✍ الشاعرة زينب الخفاجي