آنام آردیمجا باخیر یوللاریما هی سو سپیر..
یوللار آغلیر،باشیما دونیا بویو آرزو سپیر..

سانکی بیر فالچی‌دی طالح چالیشیر قیسمتیمه..
دولدوروبدور اتگین دیقه باشی جادو سپیر..

هر زامان ایسته‌میشم من گوز آغاردام کدره..
دولور احساس‌لا سطیرلر،سوزومه دویغو سپیر..

منی اولدورمه‌گه قانع دییل آنجاق قانیمی..
دولدوروب اووجونا هر بیر طرفه اووچو سپیر..

نه یامان گوندو آی الله،بو دومانلی کوچه‌ده!!
گوزونون چیسگینینی،آخ او گوزل آهو سپیر..

#سعیداصل_امینی

@manim_sheyir_dunyam