med corner's "Achieve your dream" 🩺🩵

خاوتي محتاجة دعواتكم 🥹❤️‍🩹بتيسير اموري فالدراسة 🥲

سيجمعك اللَّه بما تَمنيته ، الله قادرٌ على أن يُغير قوانين الكَون كُلها لأجلِك وأجل دُعائِك الصادق من قلبك، إنهُ كَريم يخجل إذا رَفع أحدهم يَداه أن يَرُدها خائبة، يَخجل أن يخيب أمل من أحسن الظن به، فَاحلم بِما شِئت وتمنى ما شِئت.

أخيرا عقبة بن نافع حط تمارين فالعلوم بسم الله ❤️‍🩹🥹🥹🦋🦋🦋 روعة صح يجوكم صعاب أفكار جديدة مي مهم بمنهجية و تتعلمو بزاف أنا كنت مرات منجيبش فكرة .... ✅ حلو تمارين نص علمي أيضا

مفيش وقت للعياط احنا مخلوقين عشان نتعب🩷

تحدي من 14:30 ل 17:30
مع وقت صلاة العصر و قراءة الورد القراني 🦋🫀🥹

f to do list تاعكم متنساوش تزيدو صلاة الضحىىى 🥹❤️

Günaydın arkadaşlar 🥹🫀
بسم الله توكلنا على الله 😍 نوضو تقراو جماعة الباك نوضووووووو 💀💀💀💀 وقت دراسة مادة أساسية هيا انهضوا 🦋🙂

اي واحد يحتاج ملخصاتي ❤️‍🩹🥹 تلقاوهم ف تيليڨرام تاعي 🦋🤎

على 14:30 وجدو روحكم نوضو نقراو 🫡🤭🥼 كل واحد يقرا للحلم تاعو ❤️‍🩹 مام مورال هابط مي لازم على اقل ندو حسنات طلب العلم و نقراو فكرة خير من والو 💗🥹

تجربة صديقتي فالعلوم جابت 19 ما شاء الله ❤️
السلام عليكم اصدقائي نشاله تكونو بخير ليوم نشاله نحكيلكم كفاه تفوقت فمادة العلوم و الفيزياء شوفو العلوم حمدلله باك اول جبت 18 ولباك ثاني 19 كانت أفضل مادة عندي ياودي مفضلتي بلا منافس كنت نقراها h24ومنكرهش قع شوفو علوم فيها 3 حاجات عندكم فهم وحفظ ومنهجية تختل واحدة فيهم تروح نقطة تسما لازم تخدمو عليهم في 3 عندكم فهم الدرس مليح مليح علوم تحتاج درس لي هو حيكون حول الحالة الطبيعية في العادة وفالتمارين افكار خلل او علاجات الى ما غير ذلك مهم انا شوفو نقلكم الاستاذة لي ننصحكم بيها دون منازع بنسبة ليا كتفي شريف زينة شوفو قراو العلوم عندها وعينيكم مغمضين أصلا كي تقراوها عندها تما صح تعرفو وشنو هي العلوم كنت نشوف كامل فيديوهاتها ونستمتع بيهم ونكتب كل صغيرة و كبيرة ونموت على هدوك خرائط ذهنية ومخططات هوما لي يلصقولي فراسي مهمم ومبعد فهم درس عندكم حفظ الكلمات المفتاحية ولا المصطلحات العلمية ولا المؤشرات لي لازم يكونو فالنص العلمي تعكم ولا الرسم ولا المخطط ومن بعد عدنا التمارين ولي هي اهم خطوة بالنسبة التمارين ننصحكم وبقوة بصفحة الاستاذ عقبة بن نافع شوفو والله غير نقول ونعاود كنت نحل من عندو كلش كنت ندير خطرة ف 15 يوم ولا نخرج مواضيع واهم حاجة نحلهم بلوقت امنوني كنت هي فلباك نحلو علوم ف4ساعات ونصف مع اختيار كنت نحل موضوع فالدار ف ساعتين كي والو بصح هادي بالتمرن بزاف مشي من لول قتلكم لازم علوم يوميا راهي معامل 6 واول مادة اساسية خاصة لعشاق التخصصات الطبية والله صح الرياضيات و الفيزياء مهمين بصح والله غير علوم هي لالاهم😅ياخاوتي الموزون فاللعب تطلعك لوين وين مهم قتلكم هكا وقراوها حاولو نهار على نهار والاحسن يوميا خاصة كي يبقاو شهرين ولا ثلاثة علباك وتاني كل فترة واخرى راجعو ملخصاتكم لي يكونو عبارة عن مخططات رسومات نصوص علمية افكار تمارين كلش وتاني حاجة مهم خاوتي كي تحلو صحو ونقطو رواحكم امنوني انا كنت ب 0,25 مع لول تنصدمو تصيبو غير 12 و 13 بصح مع لوقت والله غير تولو بتزيار وتجيبو 16 و 17 وباذن الله 19 و 20 فلباك تع صح
#dr

نحطلكم تجربة صديقتي فالعلوم جابت في باك 2023 18 و ف 2024 19 ما شاء الله ❤️ و ادعولها

قال الرسول صل الله عليه و سلم :(من سلك طريقا يبتغي فيه علما سلك الله به طريقا الى الجنة)🫀❤️‍🩹.

خاوتي ادعولي معاكم 🥹 🫶🏻

الإرادة تصنع المعجزات ، كاين فرق بين إنسان يريد بشدة ، و إنسان فقط يمشي مع التيار ،
الأول راح يعمل ، يطيح و ينوض ، و يعاود يولي يحاول ، أما الثاني في أول فرصة راح يفشل و يتخلى بدون عودة

ان شاء الله تكونو نضتو تقراو 😐 مشي حتى نفكركم بلي عندكم هدف 💀❤️‍🩹🫀

خاوتي لقيتلكم فكرة زعما هاد اسبوع أول من غدوا حتى السبت ديرو على 5 و لا 4:30 مادة حفظ ( تاريخ زعما ) مراجعة دروس فصل 1 مع شخصيات و مصطلحات
و اسبوع 2 جفرافيا
بالنسبة للشريعة سهلة و حلوة تقدرو تخصصلوها 4 أيام و لا تقرلوها عشية مع حل موضوع هي و فلسفة متنساوش فلسفة 🥹❤️‍🩹
#drfighter

شكرا 🫡🫡🤎