عطاء الطب | MW

ولسنه تالته كمان مزنوقين 🙆🙂

دعواتنا القلبية لإخواتنا في سنة خامسة طب أزهر أسيوط مع انطلاق امتحاناتهم النهارده.

ربنا ييسر لكم الطريق ويكتب لكم النجاح والتوفيق في كل خطوة.

ثقوا إن تعب السنين ربنا هيكافئكم عليه، وإن كل مجهود بذلتوه هيعود عليكم بالخير بإذن الله.

"اللهم لا سهل إلا ما جعلته سهلاً، وأنت تجعل الحزن إذا شئت سهلاً."

"خليك ذكي وواجه : خطوات للتغلب على زنقة المذاكرة"

عارف لما تحس إن الأيام بتضيق والمذاكرة بتزيد والامتحانات قربت !!
الوقت بيعدي وانت محاصر بين المحاضرات وضغط الدراسة !!....

هنا لازم نقف مع نفسنا و نفتكر دايمًا إن ربنا قال:

"فَإِنَّ مَعَ الْعُسْرِ يُسْرًا إِنَّ مَعَ الْعُسْرِ يُسْرًا"

يعني مع كل ضيقة جاي بعدها فرج بإذن الله.🍃

وتذكر دايمًا 🍃

"خُذِ الْكِتَابَ بِقُوَّةٍ"

نظم وقتك بذكاء، حدد أولوياتك، وما تخليش الضغط يسيطر عليك.
خلي هدفك دايمًا قدامك وافتكر إن كل تعب بيقربك من الحلم اللي نفسك فيه. ومش لازم تكون ماشي مظبوط طول الوقت، عادي جداً نقع ونقوم.

1️⃣ حدد مواعيد ثابتة للمذاكرة: خلي عندك جدول مرن، مش لازم يكون محكم جدًا، لكن حاول تكون فيه أوقات ثابتة عشان تحس بالتنظيم وتقدر تتابع.

2️⃣ استخدم تكنيك الـ"25-5" او "50-10": ذاكر 25 دقيقة بتركيز كامل، وبعدين خد 5 دقايق راحة. التكنيك ده بيساعد المخ يفضل نشيط ويقلل الملل.

3️⃣ ابدأ بالأجزاء الصعبة أولًا واصحى بدري : طول ما أنت في أول اليوم وطاقة المذاكرة عالية، ركز في الأجزاء اللي محتاجة مجهود وتفكير أكتر.

4️⃣ اكتب بأسلوبك: لما تيجي تذاكر، حاول تكتب المعلومة بأسلوبك الخاص. ده بيساعدك تتأكد إنك فاهم وبيثبت المعلومات بشكل أسرع.

5️⃣ استغل وقت الفراغ الصغير: لو عندك وقت ضايع بين المحاضرات أو في المواصلات، حاول تراجع فيه شوية، حتى لو حاجات بسيطة.

6️⃣ استخدم الخرائط الذهنية:
عشان تلخص المعلومات الكبيرة اعمل خريطة ذهنية تلخص فيها النقاط الأساسية... ده بيساعدك تفتكر بشكل أسرع.

7️⃣ ابدأ المذاكرة من بدري :
لو تقدر تصحى بدري، استغل الوقت ده، العقل بيكون أنشط وبيستوعب أكتر.

8️⃣ ما تنساش المكافأة:
بعد يوم مذاكرة طويل كافئ نفسك بحاجة بتحبها حتى لو بسيطة عشان تحس بالإنجاز وتتحمس لبكرة.

9️⃣ افتكر الهدف:
كل يوم افتكر السبب اللي خلاك تختار طريق الطب وإزاي النجاح فيه هيقربك من تحقيق حلمك.

كل يوم بتعديه في المذاكرة بيقربك خطوة من النجاح.
مشوارنا صعب، بس ربنا وعدنا باليسر بعد العسر.
فا استعن بالله وكمل الطريق ... 🍃

#ثقة_في_الله_وتفاؤل_لا_ينتهي

"اللهم إني أسألك فهم النبيين وحفظ الملائكة المقربين، اللهم اجعل لساني عامراً بذكرك وقلبي بخشيتك، وسري بطاعتك، إنك على كل شيء قدير." 🍃

📌 تحدي بسيط:

اقرا الدعاء ده دلوقتي بإخلاص وادعي ربنا من قلبك.

قولنا: حسيت بفرق في نيتك أو عزيمتك للمذاكرة أو الشغل؟

إيه أكتر دعاء بتحب تكرره وقت ما بتذاكر أو بتشتغل؟



🍃 خلّي الدعاء ده عادة يومية، يمكن يكون سبب لتغيير كبير في حياتك.

#قوة_الدعاء

"قال رسول الله ﷺ: "من صلى عليّ صلاة، صلى الله عليه بها عشراً"

فاجعل صلاتك على النبي نوراً لقلبك، وغفراناً لذنبك، وبركةً في حياتك، فكما يسقي الغيث الأرض حياةً، يسقي ذكرُك يا حبيبي القلوبَ محبةً ونعيمًا، يا سيد الثقلين، حزت مكانةً ومقام عزٍّ في النفوس عظيمًا، يا من سلكنا نهجه واقتدينا بسنته،فصلُّوا عليه وسلموا تسليمًا.


اللهم صلِ وَسَلَّم وبارك على الحبييب المصطفى سيدنا محمد وعلى آله وصحبه أجمعين

طريق النجاح، مثل طريق الحق، قد يكون صعبًا وطويلاً، وقد تمشيه وحدك، ولكن اصبر واحتسب. تذكر أن الصبر والمثابرة هما الجسر إلى أهدافك، وأن الله يرى سعيك ويبارك خطواتك. ازرع بداخلك اليقين أن الجهد الذي تبذله اليوم هو أساس المستقبل الذي تطمح إليه. توكَّل على الله، واجعل هدفك نصب عينيك، واعلم أن كل دقيقة تقضيها في العلم والمعرفة تُقرّبك خطوة إلى حلمك.

كلما شعرت بالثقل أو التعب، تذكر أن الصبر في طريق العلم عبادة، وأن الله لا يضيع أجر من أحسن عملاً.

#تذكرة

قال ابن الجوزي -رحمه الله-: "إن الخيل إذا شارفت نهاية المضمار بذلت قصارى جهدها لتفوز بالسباق، فلا تكن الخيل أفطن منك! فإنما الأعمال بالخواتيم، فإنك إذا لم تحسن الاستقبال لعلك تحسن الوداع."




فترة الامتحانات زي النهر اللي بيجري بتيار قوي – كل لحظة بتعدي مش هترجع تاني، وده اللي بيخلي التوتر والخوف طبيعيين جدًا. لكن الأهم إننا نستغل الوقت ده بكل طاقتنا، وعندنا يقين بربنا، ونعمل اللي نقدر عليه لحد آخر لحظة.

لو حاسس إنك متأخر ولسه قدامك كتير، جرب الخطوات دي:

1. حدد اللي فاضل عليك: راجع المواد اللي لسه محتاج تركز فيها وعدد المحاضرات اللي لازم تخلصها.


2. ركز في النسبة الأكبر: لو عندك مثلًا ٧٠٪ شرح و٣٠٪ MCQs، قسّم وقتك بينهم بحيث تذاكر الشرح وتخصص وقت للأسئلة.


3. راجع الأسئلة العملية يوميًا: خصص وقت كل يوم للتدرب على أسئلة MCQs، عشان تراجع وتثبّت المعلومة.


4. قسّم المواد: اعمل خطة يومية تغطي أكبر قدر من المنهج من غير ما تجهد نفسك.


5. خد فترات راحة بسيطة: عشان لما ترجع تلاقي نفسك مركز أكتر.


6. توكّل على الله: خلي عندك يقين إنك بتعمل اللي تقدر عليه، والباقي على الله.



وأخيرًا، افتكر إن الرحلة دي مش مجرد درجات أو طموحات.. الدنيا دي وسيلة مش غاية، وهدفنا الحقيقي هو رضا ربنا. لما نفهم المعنى ده، هتلاقي التوتر والخوف بيختفوا تدريجيًا، ويحل مكانهم راحة وثقة. خلي شغلك دايمًا بضمير، وتوكل على الله وسيبله الباقي، وصدق إن النجاح مش في النتيجة بس، النجاح في إنك تكون فعلا عملت كل اللي تقدر عليه قدام ربنا.

وبقول الكلام ده لنفسي قبل ما أقوله لأي حد تاني. شد حيلك، وآمن إنك بتبني طريقك خطوة بخطوة.. وصدقني يوم النتيجة هتكون أحلى لحظة وأنت شايف تعبك بيتكلل بالنجاح. على بركة الله، وإن شاء الله نحتفل قريب بنجاحنا وإنجازاتنا🍃

"

قال رسول الله ﷺ: "من صلى عليّ صلاة، صلى الله عليه بها عشراً"

فاجعل صلاتك على النبي نوراً لقلبك، وغفراناً لذنبك، وبركةً في حياتك، فكما يسقي الغيث الأرض حياةً، يسقي ذكرُك يا حبيبي القلوبَ محبةً ونعيمًا، يا سيد الثقلين، حزت مكانةً ومقام عزٍّ في النفوس عظيمًا، يا من سلكنا نهجه واقتدينا بسنته،فصلُّوا عليه وسلموا تسليمًا.


اللهم صلِ وَسَلَّم وبارك على الحبييب المصطفى سيدنا محمد وعلى آله وصحبه أجمعين.

💡 هل الالتزام بالدراسة بيخليك "كئيب"؟! 🤔

أحيانًا لما بنركز على دراستنا، خاصة لو التخصص محتاج وقت وجهد كبير، الناس حوالينا ممكن يشوفونا بنبعد أو حتى يعتبرونا "كئيبين" 🧐.

لكن دا مش معناه أبدا إن الواحد مش بيحب يقضي وقت مع أصحابه، لكن كل واحد ليه أولويات بقت أوضح مع الوقت.
التوازن بين الحياة والدراسة مش سهل، لكن لما نفهمه صح، بيخلينا أقرب لأهدافنا ومبسوطين أكتر! 🍃