Yoshlikdagi xotiralarni,
Qulog'imga shivirlaysan kuz,
Eslaysanmi dardlashganlarim?
G'amsiz kunlar yodimda hanuz.

Har kelganda dillarni o'rtab,
Kuylaysan shu ma'yus qo'shig'ing,
Yomg'irlardan quyib so'ngida,
Yoshga to'lar sening qarog'ing.

Mehribonim ma'yusginam kuz,
Kelgin endi birga yig'laymiz,
Ne uchundir ko'ngil istaydi,
G'amga botib dilni tig'laymiz.

Sirli olam ona tabiat,
Har faslda rangorang bir tus,
Yoz qish bahor  bari ajoyib,
Lek men uchun o'zgachasan kuz.
       
She'r muallifi Mehroj Muxorov.   20.10.2021.

Tojiahmedova M.X. o'qidi. https://t.me/mehroj_muxtorov_sherlari