Buncha sokin bo'lmasang ey tun...

Buncha sokin bo'lmasang ey tun,
Cheksizlikka chorlar xayollar,
Mayin silar oppoq pardani,
Derazamdan esgan shamollar.

Buncha sokin bo'lmasang ey tun,
Mening yolg'iz sirdoshim o'zing,
Sukut saqlash odating, lekin,
Menga yoqar har bitta so'zing.

Buncha sokin bo'lmasang ey tun,
Faryod chekib yig'laging kelar,
Sen ham mendek yolg'izsan bildim,
Xayollaring tonggacha yelar.

Buncha sokin bo'lmasang ey tun,
Yot bilmagin meni o'zingga,
Tong otganda kutay sog'inib,
Kechga qadar qarab izingga.

Buncha sokin bo'lmasang ey tun,
Ulg'ayganman lek qalbim murg'ak,
Senla qolish uchun toabad,
Men bag'ringda jon bersam kerak...

Buncha sokin bo'lmasang ey tun...

She'r muallifi Mehroj Muxtorov.
13.06.2023.
@mehroj_muxtorov_sherlari