@mlwankay_shin
🌼پێکەنینی گوڵ🌼
کاتی کازیوه پێش گزنگ بولبول
له شەقەی باڵی دا هەتا کن گوڵ
گوتی: ئەی نازەنینی عیشوه فرۆش !
کەم کەمه دیاره بێ وەفایی تۆش
بۆ شنەبا هەیەتی لێره رێ ؟
بۆ پەپووله به دەورەتا دەگەرێ ؟
چەپکی تۆ باخەوان دەکەن دەسگێڕ
له خەیابان و کووچه وو باژێڕ
دەتفرۆشن به قیمەتی هەرزان
دەتدەنه دەستی ناکەس و هەرزان
بۆیه سووک و چرووکی ناو چەمەنی
لەوەتی بووی هەمیشه پێدەکەنی
هەڵگەڕاوه به ناز و گوڵ پێی گوت
شێت و شووری که شرت و شۆمت شوت
وەکوو تۆ ئاشقه پەپوولەیی زار
بۆ به خۆڕایی ئەو بدەم ئازار
شنەبا ڕێ نەدەم که بۆ لای خۆم
کێ دەبا بۆ هەموو وڵاتێ بۆم ؟
گوڵ له کن کەس نیه عەزیزم سووک
سەری زاوایه جێی و باوەشی بووک
من که ناگاته هەفتەیەک تەمەنم
بۆچی بگریم و بۆچ پێنەکەنم
✍ مامۆستا هێمن"
Tel⇔ @mlwankay_shin
🌼پێکەنینی گوڵ🌼
کاتی کازیوه پێش گزنگ بولبول
له شەقەی باڵی دا هەتا کن گوڵ
گوتی: ئەی نازەنینی عیشوه فرۆش !
کەم کەمه دیاره بێ وەفایی تۆش
بۆ شنەبا هەیەتی لێره رێ ؟
بۆ پەپووله به دەورەتا دەگەرێ ؟
چەپکی تۆ باخەوان دەکەن دەسگێڕ
له خەیابان و کووچه وو باژێڕ
دەتفرۆشن به قیمەتی هەرزان
دەتدەنه دەستی ناکەس و هەرزان
بۆیه سووک و چرووکی ناو چەمەنی
لەوەتی بووی هەمیشه پێدەکەنی
هەڵگەڕاوه به ناز و گوڵ پێی گوت
شێت و شووری که شرت و شۆمت شوت
وەکوو تۆ ئاشقه پەپوولەیی زار
بۆ به خۆڕایی ئەو بدەم ئازار
شنەبا ڕێ نەدەم که بۆ لای خۆم
کێ دەبا بۆ هەموو وڵاتێ بۆم ؟
گوڵ له کن کەس نیه عەزیزم سووک
سەری زاوایه جێی و باوەشی بووک
من که ناگاته هەفتەیەک تەمەنم
بۆچی بگریم و بۆچ پێنەکەنم
✍ مامۆستا هێمن"
Tel⇔ @mlwankay_shin