Моладзевы Наступ

Дэмакратыя на разліў – рэвалюцыі, ідэі і ўплыў у барах

Паважаныя паны і паненкі, уявіце сабе звычайны бар з бразгатам шклянак і шумам інтэлектуальных размоў. Менавіта тут нараджаюцца ідэі, якія змяняюць лёсы цэлых краін.

Дэмакратыя на разліў – гэта нефармальная лекцыя-дыскусія пра тое, як бары сталі цэнтрам рэвалюцый, ідэй і палітычнага ўплыву.

👁 Дата і час: 18.01 (субота) а 17:00
🦄 Дакладнае месца правядзення дашлем пасля рэгістрацыі
🌸 Уваход вольны

Абмяркуем:
🕶 Гістарычныя прыклады бараў як цэнтраў рэвалюцыйных ідэй – ад Амерыканскай і Французскай рэвалюцый да сучасных рухаў.
💘 Чаму бары настолькі эфектыўныя для стратэгічных і палітычных размоў?
⚡ Як выкарыстоўваць бары як прастору для лабіравання і пабудовы ўплыву сёння?

Уваход: па папярэдняй рэгістрацыі
Для пытанняў пішыце: @morgoryk

Келіх у бары - ваша палітычная сіла!

Мы не заклікаем да ўжывання алкаголю. Алкаголь шкодзіць вашаму здароўю.

УВАГА - IВЭНТ АДБУДЗЕЦЦА Ў ВIЛЬНI!

⚡️Заўсёды хаце_ла паўдзельнічаць у дэбатах, але не маеш упэўненасці і досведу? А, магчыма, ты хочаш у чарговы раз весела правесці час, абмяркоўваючы сацыяльна важныя тэмы?

🔥 У такім выпадку чакаем цябе 15-17.01 на нашых анлайн-сэсіях з топавымі экспертамі, якія падзеляцца карыснымі ведамі і дапамогуць табе падрыхтавацца да самай цікавай часткі - моладзевых дэбатаў!

Ужо 18.01 сустрэнемся ў Варшаве, каб пазмагацца за першае месца на сапраўдных спаборніцтвах. Дэбаты адбудуцца ў парах/камандах, таму заахвочваем запрашаць сваіх сяброў і сябровак паўдзельнічаць разам! 👫🏻

Удзел бясплатны, але рэгістрацыя абавязкова (да 12.01)

🧑🏼‍💻15-17.01 экспертныя анлайн-сэссіі
📍18.01 афлайн-дэбаты ў Варшаве
🗣 працоўныя мовы: руская, беларуская


Увага ❗️Афлайн частка мерапрыемства адбудзецца ў Варшаве. Мы не абмяжоўваем удзельнікаў пражываннем толькі ў гэтым горадзе, але не пакрываем праезд і начлег. Абмежаванняў па біялагічным узросце няма! 😌

Да сустрэчы!

С надыходзячым, найлепшыя! Няхай наступны год прынясе мір, любоў, шчасце і мора магчымасцяў!

Заставайцеся моцнымі, беражыце сяброў і родных!

⚡️ Тэрмінова абвяшчаем збор на валасы для Марго

https://bysol.org/be/bs/hny2025/

Прадстаўнікі Моладзевага Наступу Маргарыта Ворыхава і Алесь Лапко прынялі ўдзел у канферэнцыі Youth Space 2024, якая прайшла ў Бундэстагу ў Берліне

Атрымалася актыўна і плённа.

Дзякуючы нашым намаганням у выніковай дэкларацыі да Парламентарнай Асамблеі Рады Еўропы з'явіўся наступным тэкст: "Заклікаем палепшыць дэмакратычныя падыходы, дазволіўшы большай колькасці людзей удзельнічаць у пытаннях, якія іх закранаюць. Мы просім Парламенцкую асамблею вывучыць існуючыя шляхі атрымання грамадзянства і выбарчых правоў у дзяржавах-членах і даць рэкамендацыі па зніжэнні існуючых бар'ераў для дэмакратычнага ўдзелу для не-грамадзян".

Гэта вельмі важны пункт, які хвалюе беларусаў і беларусак за мяжой: пытанне правоў, недыскрымінацыі і актыўнага ўдзелу не-грамадзян, якія жывуць у еўрапейскіх краінах. Спадзяемся, што мы будзем пачутыя і некаторыя зрухі з'явяцца.

Таксама важна адзначыць, што пра нас не забываюць: і прэзыдэнтка Бундэстагу Bärbel Bas, і дэпутаты, і Frank Schwabe - кіраўнік нямецкай дэлегацыі ў Радзе Еўропы згадвалі Беларусь і беларусаў, якія змагаюцца за свабоду і дэмакратыю.

Варта, каб голас беларусаў і беларусак гучаў на розных пляцоўках, каб заставацца ў павестцы і адбудоўваць стасункі для дэмакратычнай Беларусі ўжо сёння.

@mnastup

Піша Яўген:

У гэтым годзе я, як супрацоўнік Інстытута "Палітычная сфера", зноў сярод арганізатараў ужо ІІІ Беларуска-украінскага Форуму Астрожскіх.

Ва ўмовах сурʼёзнага пагаршэньня беларуска-ўкраінскіх адносінаў, выкліканага саўдзелам рэжыму Лукашэнкі ў поўнамаштабным уварваньні Расеі ва Ўкраіну, гэты Форум закліканы спрыяць наладжваньню дыялёгу паміж Украінай і беларускай дэмакратычнай супольнасьцю як на палітычным, так і на экспэртным узроўнях. У гэты раз вырашана зрабіць яго больш адкрытым, таму прапануецца актывістам, прадстаўнікам НДА, палітыкам, журналістам і іншым прадстаўнікам мэдыя ўзяць ўдзел у канфэрэнцыі.

Арганізатары забясьпечваюць трансфэр для тых, хто пройдзе рэгістрацыю й верыфікацыю.

📋 Форма рэгістрацыі для гасьцей

📷 Форма рэгістрацыі для мэдыя

📍 Месца: Кіеў, Украіна.
📆 Даты: 16-17 лістапада.

Сёньня не Міжнародны дзень моладзі.

Піша Яўген:

Міжнародны дзень моладзі, згодна з рэзалюцыяй ААН, адзначаецца 12 жніўня. Сёньня, 10 лістапада Сусьветны дзень моладзі. У гэты дзень у 1945 была заснавана Сусьветная фэдэрацыя дэмакратычнай моладзі.

Здавалася б, адно слова, у чым праблема?

Праблема ў тым, што сёньня гэтая арганізацыя ўдзельнічае ў зьездах камсамола ў расеі, выступае за разбурэньне НАТО і ЭС, праводзіць маршы за Палестыну й супраць “Украінскага рэакцыйнага рэжыму”, піша пра правакацыі збоку Рэспублікі Карэі адносна КНДР, неафашысцкі пераварот ва Ўкраіне ў 2014, а расейскае ўварваньне ва Ўкраіну называе вайсковай апэрацыяй…

Дзень заснаваньня гэтай “цудоўнай арганізацыі” нам прапануе адзначыць экспэртка ОСЦ Аліна Харысава 🫠

Шкада, што экспэртка ў міжнародных зносінах не ў курсе, калі Міжнародны дзень моладзі, а калі камуністычная херня.

😎 Вяртаемся, каб распавесці, якая яшчэ праца была праведзена намі за апошні час!

📍З 9 верасня па 11 кастрычніка праходзіла 57 сесія Рады ААН па правах чалавека ў Жэневе. Нашая дэлегатка, Алана Гебрэмарыям удзельнічала ў ёй

📝 Што важнага там адбывалася?  Распавядае - Алана!

- Незалежныя эксперткі прадставілі вытрымкі са свайго даследавання ў вобласці праў чалавека ў Беларусі. Апісвалі з прыкладамі ўсе зафіксаваныя на той момант парушэнні правоў. Таксама заклікалі беларускія ўлады да дасягу да інфармацыі, супрацоўніцтва і допуска на тэрыторыі для ўсебаковага і нейтральнага заключэння. Збор інфармацыі працягваецца.

- Рэжымны бок прадстаўляла Ларыса Бельская  - пастаянная прадстаўніца РБ пры аддзяленні ААН і іншых міжнародных арганізацый у Жэневе. Спойлер - у Беларусі ўсё ў парадку з правамі чалавека, і агулам у нас свой унікальны шлях насуперак усім. А заходнія краіны лезуць, прымаюць палітычныя рэзалюцыі, уводзяць санкцыі, да яшчэ і падтрымліваюць экстрэмісцкія фарміраванні і экстрэмістаў-тэрарыстаў.

- Падчас працы 57-й сесіі Рады ААН па правах чалавека літоўскі ўрад пры падтрымцы шэрагу еўрапейскіх краін і ЗША арганізаваў дыскусію "Дайце выказацца ахвярам — палітычным зняволеным у Беларусі", на якой выступала я, Вікторыя Пальчыс, жонка палітзняволенага Эдуарда Пальчыса і Леанід Судаленка, праваабаронца Вясны, былы палітвязень і мадэратар, Віціс Юрконіс з Freedom House.

- Агулам усе гаварылі пра пагаршэнне сітуацыі з правамі чалавека, прыводзілі прыклад са свайго зняволення, з апошніх звестак. Я зрабіла акцэнт на стратэгіях вызвалення і рэакцыі заходніх краін на апошнія памілаванні. Заклікала прысутныя ў залі краіны публічна гаварыць, што яны падтрымліваюць працэс вызваленняў і што рэжым павінны іх працягваць, калі хоча мець дыялог з заходнімі кіраўніцтвамі. Таксама прапанавала магчымыя дзеянні з боку самых уплывовых заходніх актараў і ЗША, якія могуць спрыяць у вызваленні людзей з турам.

- Падчас гэтай сайд-сесіі было шмат пытанняў ад прадстаўнікоў ЗША, Латвіі, Польшчы, Францыі і іншых краін. Яны запытвалі пра магчымасці легалізацыі беларусаў у краінах ЕЗ, супрацьдзеянне дэзінфармацыі і прапагандзе, стратэгіі вызвалення палітзняволеных, пра матывацыю займацца праваабарончай дзейнасцю.

🫡 Гэта было важнае мерапрыемства ў межах 57 сесіі Рады ААН па правах чалавека, дзякуючы якому атрымалася прыцягнуць увагу на актуальныя праблемы з правамі чалавека, умовамі ўтрымання і неабходнасцю рашучых дзеянняў у вызваленні палітзняволеных.

⚔️ Stay tuned!

@mnastup

Хутка. Смачна. У самае сардэчка.

У блiжэйшы час чакайце стратэгiю Моладзевага Наступа на прэзiдэнцкiя выбары.

⚡️⚡️⚡️