مستر محمد عاطف

خواطر تعليمية - للدفعه الجديده

✅ أولا: الثانوية العامة لم يعد بها مكان للطالب الضعيف زمان كان ممكن الضعيف يدخل ادبى، والممتاز يدخل علمى أما الآن فعلمى وادبى محتاجين مجهود كبير جدا جدا جدا.

✅ثانياً: مش كل الطلاب ضحايا النظام ولكن بعضهم متسبب وليس لديه إحساس بالمسؤلية ولم يتق الله فى نفسه وأهله ومع ذلك يرتدى رداء المسكين المظلوم.

✅ثالثاً: صعب جدا جدا ان طالب يتفوق فى الثانوى دون متابعة ولى الأمر......ولى الأمر أصبح عليه دور كبير جدا جدا جدا على عكس الماضى اللى كان ممكن ولى الأمر ما يعرفش ابنه فى سنة كام.

✅رابعًا : عدد طلاب المدرس الكتير مش شرط لنجاحه لأن لو مدرس بيقبل جميع الطلاب ومش بيمشى أى طالب مقصر فطبيعى يكون عنده اعداد ضخمة ولكن مثل غثاء السيل.

✅خامسًا : المدرس الأفضل هو الأكثر حل الأسئلة والامتحانات مش الاكثر شرحا وبس.

✅سادسًا: المدرس اللى يقدر الطالب يسأله فى اى وقت وبشكل سلس ده مدرس عالمى.
وكمان لو يقدر ولى الأمر يتواصل معاه بسهولة
يبقى المدرس ده رزق إبنك .

✅سابعًا : انك كولى أمر تتصل على المدرس تشكره بعد الامتحان وتشكره على مجهوده ده يدل انك ولى أمر بدرجة انسان.

✅ثامنًا : انك تقف بره اللجنة علشان تغشش ابنك فصدقنى حضرتك ولى أمر يحتاج إلى علاج.

✅ تاسعًا : ثانوية عامة تبدأ من أولى ثانوي مش تضيع أولى وثانية لعب وفجأة تبحث عن التفوق في الصف الثالث الثانوي.

✅ عاشرًا :
❌زمن المدرس الحنين ده خلص خلص.....
❌ زمن المدرس الفرفوش وبيهزر زيادة عن اللازم فى الحصة خلص
⬇️ الحصة دلوقتي لازم كلها تكون شغل وحل وتطبيق.

🌹فى النهاية ده كلها اسباب ولكن تفوق ابنك ده رزق من ربنا وربنا يرزق الجميع هداية الأولاد وصلاحهم.

مليون مبروك 🎉 لطلاب تالته ثانوي-أدبي ازهر
علي انتهاء امتحاناتكم
ومهما كانت النتيجة
محدش قصر فيكم
وان شاء الله كرم ربنا كبير
ومن نجاح لنجاح باذن الرحمن
في حياتكم الجايه ❤️

تقريبًا وصلنا لنهايه المارثون

دفعه الازهر - ادبي
يتبقي فقط امتحان واحد
يوم الثلاثاء
دفعه الازهر -علمي
يتبقي فقط امتحانين
يوم الاربعاء والخميس

ربنا يجعل تعب كل واحد فيكم في ميزان حسناته يوم القيامه

بالتوفيق الدائم
دفعه ٢٠٢١-٢٠٢٢ ❤️💥