أحمد القلعاوي

نعش الصبر ظل ينتضر
للدفنه تحضرله اعزاز
سبع اخوه عدها اِليا سبب
ما حضر واحد جناز

شو ما أجوها اخوتها • ومحد حضر دفنتها
أم الصبر • أم الصبر
__

يتلفت اِبحيره النعش
واِمتاني ليشيعونه
وما جائز اِلهاي البشر
بالخنصر اِيلمسونه
احزام اخوه هُم ساق العرش
عد زينب اِيحملونه
وعباس فاتح گلبه إله
وبي رايد اِيدفنونه
_

مو بس گلب فاتح تره
العباس واِمتاني اخته
صدره واجفونه وهم بعد
راسه وينوح اِبسكته

واِبگلبه بس ديرتها • ومحد حضر دفنتها
أم الصبر • أم الصبر
____

مهضوم نعش ام الصبر
واِيسولف اِعله اجروحه
واحلامه كلها بنينوى
فوگ الثرى اَو مذبوحه
والزمن ما يوفي اِلبشر
ما يوفي حتى اِلروحه
اِلماخذ زلم تسوه الزلم
شيتاني منه اِملوحه
_

آه من غدر هذا الزمن
ما خله عون اِلأم عون
ليش النعش وسط الغرب
اِلتشيعه محتاج اِلعَون

ميته وجرت دمعتها • ومحد حضر دفنتها
أم الصبر • أم الصبر
____

للموت ضلت تنتضر
واِلجيته بس عطشانه
ما رادت الماي العذب
بس هوه من دنيانه
دورت عليه بالطف واَبد
ما حصلت عنوانه
وما شربت اِمن اِلعلگمي
بس شربت اِمن احزانه
_

ومن يحفر اِلزينب گبر
عبد الله وحده اِبحيره
والشام شماته اِلعلي
اِعله أم عون هاي اِچبيره
‏
لا ما رعو حرمتها • ومحد حضر دفنتها
أم الصبر • أم الصبر
____

درب السبي وحده اِبعمر
واِبگد عمر نوح انقاس
والناگه هزله من مشت
كل ميله تاخذ لأنفاس
لا بيها محمل تنتچي
ورگضوها حيل الحراس
وزينب تحشم بالگمر
والگمر يمها بس راس
_

يالحادي هونك بالمشي
اِلحبل ياكل بيدي
عباس يمي إعله الرمح
لتگول أني أوحيدي

واِنتصرت اِبثورتها • ومحد حضر دفنتها
أم الصبر • أم الصبر
____

ليموت عد اَهله ملك
يرتاح واِيغمض العين
يمه اِلينگط ماي اِله
ويمه اليحبله الچفين
بس زينب أم گلب السمح
تتمنه وحده اِمن اَثنين
يحضرها عباس الوفي
لو يحضر الغالي حسين
_

والميت وضل ينتضر
وشايل حلم بعيونه
حد ما يطب وسط اللحد
يلّه يعوف اَظنونه

هذا حلم موتتها • ومحد حضر دفنتها
أم الصبر • أم الصبر
____


بالشام مخنوگ الهوى
وطافي الضوه اِلبل گمره
واِليوصل اِلگبر الستر
من يشهگ يجر حسره
زينب وحيده اِبيا وكت
مو يمها من دگ صدره
والناس يمها اشگد اكو
بس هيه وسط الصحره
_

يشعرها بطف تنتضر
عباس يم الشاطي
يرجع وجوده اِعله المتن
لا عين لا جف ناطي

يم النهر حسرتها • ومحد حضر دفنتها
أم الصبر • أم الصبر
____

خادم الحسين
حسن مسلم العتابي


رادود حسيني
قناة لتعليم طرق تنوع التلحين للقصائد الحسينيه بأستخدام المقامات الصوتيه خدمتآ لسيد الشهداء (عليه السلام)

معرف القناة
https://t.me/mola_ahmed88

* ألـــــــسـيـــد
هــــــــادي ألـمــوســـوي ألــنـاصــري
أرفَـــع جِـفــوف إثــنَــيَــن...؟...لِـلْـزَهـرَة سـيـل إلـعَـيَــن
بــآخِـرعُـمُـرْ...؟...مِــنْ تِـحتُـضُـرْ
لِــلْـــزَهــرَة ســيــل إلـعَــيَـــــن
&&&&&&&&&&&&&&&&&&&&&&&&&&&
إذا...... شَــــيــــبَـــــــك غِــــــــــزاك إلــكــبـــــرَك إتْــــحَـــضَّــــــــر
وإذا...... مـــــــــــــــال إلــظَـــــهَـــرعَــالـكَــومَــه مــاتِـــــكــــــدَر
إذاً...... حـــــــــانَـــــت مـــنـــيــتَــك وإلأجَـــــــــل كَـــــــــــبَّــــــــر
طُـــفَــت لَـــحـــظــــــات عُــــمـــــــرَك وإلــــذَنِـــــب كَّـــــــــــشَّـــــــر
تِــنــطـي إلـوَجِـه لآوَيــــَن...؟...وإنــتَ أبـسَعـيـر إلـبَـيَــــن
خَـلِّي إلـفِـكِرْ...؟...مِــنْ تِـحتُـضُـرْ
لِــلْـــزَهــرَة ســيــل إلـعَــيَـــــن
&&&&&&&&&&&&&&&&&&&&&&&&&&&
إذا...... لآح......... إلـــــــــوَهَــــــــــن مــاتِـــكـــــدَر إتــــمِــــنـــعَـــه
وإذا...... تِـــــســــمَـع نَــــــــــعــــــــــي بــآلــنـايــبَـــه يــــنـــــــــعَـــه
لِــــفـــاك إلـمـــــــوت يـــــــاهـــــــــــــو إلــــيـــكـــــدَر إيـــرَجــــــعَـــه
وأظَـــــــن حَــــتَّـــــــه ألـيــــــصـــــيـــــح إلــــنـــــوبَـــه مَــتــسِــمــــعَــه
بَـــس إلأهَـــل يـــبـــچـون...؟...صَــوَب إلنَــجَــف يــســعــون
د.دموع الهاشميات /ج5 (1)

شِنهي إلـعذُرْ...؟...مِــنْ تِـحتُـضُـرْ
لِــلْـــزَهــرَة ســيــل إلـعَــيَـــــن
&&&&&&&&&&&&&&&&&&&&&&&&&&&
طَــــريــــق إلـمـــــوت خَــــــلِّـــــي نـــبــتــعِــــد عَــــــنَّـــــــــــه
وأبَــــيــــن إلْــــــكُـــم سَــــبـــيـــل إلــــــزهــــرَه عَــالجَنّــــــــــه
لأن......... بُـــضــعَــة مُـــحَــــمَّـَــد وإلأصُـــــــــل مِــــــنَّـــــــــــه
يــتــيــمَـــه أتـــبــاري أبــــوهَــــــه أوتــخــفــــي إلـْـــوَنَّـــــــــــه
أهـــل إليــتــم يــشـكـون...؟... وإلــزهـره تــدري إشـلــون
تِـخـفي إلأمُر ...؟...مِــنْ تِـحتُـضُـرْ
لِــلْـــزَهــرَة ســيــل إلـعَــيَـــــن
&&&&&&&&&&&&&&&&&&&&&&&&&&&
أبَـــيــــن لَـــــــــــــك دَلـــيــلــــــي إبْـــأوضَـــــــح إلــتِِــبـــيــــــان
تَــعــــال أويــــــــــاي طـــــالِـــــــع ســـــــــــــورَة إلـــرحـــمــــــن
عَـــلـــــي وإلــزَهـــــرَه بـــيـــهَـــــه بــــــاطِــــــــن إلــبَــحـــــــران
ظَــــهَـــر سِــبــطَـــيَــن مـــنـــهُـــــم لُـــــــؤلُــــــــؤ أومَــرجــــــــان
مِـــن...دُرَة..إلـبَـحــرَيَـــن...؟...طِــلـعَـوا حَـسَـن وحــسَــيَـن
خَـلْـهُـم ذُخُـر...؟...مِــنْ تِـحتُـضُـرْ
لِــلْـــزَهــرَة ســيــل إلـعَــيَـــــن
&&&&&&&&&&&&&&&&&&&&&&&&&&&
إلـكَــبُـــر لَـــــوضــــــاك إشــهَـــــــك شَــــهـــكَـــــــة إلـــوَلـْـــــهـــان
صِــــــــدْ عَـــيــــنَــــــك عَـــلَـيـهَــــه إبـــدَمــــعَــــــة إلْــلَــــــــهفــان
د.دموع الهاشميات /ج5 (2)

أومِــــــــنْ بـــاطِــــــــــــن ضَــمـــيـــرَك سَـــــجِّــــــــــــر إلأَحـــــــــــزان
مــاظَـــــن بـــألْـــلِـــحِــــد تِـــــتْـــــرِك مُــــــحِـــــــــــب حَــــيـــــــــران
تِـدري إنــتَـه يــامـَلْـهــوف...؟...لَــمَّـــن يــجــيــك إلــخَــــوَف
بَــس تِـنتِظِـر...؟...مِــنْ تِـحتُـضُـرْ
لِــلْـــزَهــرَة ســيــل إلـعَــيَـــــن
&&&&&&&&&&&&&&&&&&&&&&&&&&&
أريــــــد إلـــيَــــــــــــوم أرفَــــــــــــــع لِـلْـحُـسَـــيَـــــــن أُمــــصــــــــاب
وأَعـاتـِب لِــلْــحَــــديـــــد إشـــــلَـــــــوَن ضِـــلــــعِـــــــــج صــــــــــــــاب
مـابَــيَـن إلـمِـــجــامـــــِن جَـــــــــــــــمْ جَــــــــــــــــــرِح لَـــهَــــــــــاب
https://t.me/mola_ahmed88

قصائدة وفاة السيدة زينب ( ع )

يموت يموت الغالي مايتعوض الا بغالي
يموت يموت كل عمره شمعة و ضاوية ابالي
يموت يموت
*************
صعبة لحظات اليمر بيهه الرحيل
يثكل ابصدره النفس حمله ثجيل
صبحه يجرح لو خله من الخليل
يعثر بهمه يظل مثل العليل
ينوح ينوح حته الحجر ظل يبجي الحالي
يموت يموت كل عمره شمعة و ضاوية ابالي
يموت يموت
*******************
التفت باجر اظل يمنه ويسار
موقف السافر يظل اصعب قرار
تساوه عنده دنيته ليله بنهار
والحزن ضيفه الحزن رافع شعار
يروح يروح تبقه حسرتي ودمعتي اتلالي
يموت يموت كل عمره شمعة و ضاويه ابالي
يموت يموت
**************



لا اهل يمي تجي لا من عشيرة
زينب اني مدلله ابقه اميرة
عكَب ابو فاظل وسف امشي اسيرة
راسه مرفوع برمح ولأخته يديرة
مصاب مصاب راسه خضيب امن السبي الوالي
يموت يموت كل عمره شمعة و ضاوية ابالي
يموت يموت
*********
نار الافراك الخذت مني حياتي
ونار الخيام اتحَرك هايه عباتي
انذبح بي الحلم حته امنياتي
ردت تحضر اخوتي ساعة مماتي
خيال خيال راح الخيال وظنتي اكَبالي
يموت يموت كل عمره شمعة و ضاوية ابالي
يموت يموت
*****







والاشد موقف حصل لمن يطكَني
فزعتك خويه ردت دم اعله متني
مارحم بي ابد زينب شتمني
راحت اجفوف الردتهه اتحامي عني
تشوف تشوف لا اخو الحاضر ردت يبرالي
يموت يموت كل عمره شمعة و ضاوية ابالي
يموت يموت
*********
يحركَ بكَلبي يظل الهم حنين
لا سند دايم الي راح الحسين
يفزع الكافل الي ابلايه إدين
يعتذر يمي يجي ومطفيه عين
جروح جروح ردتك تجيني تشاهد احوالي
يموت يموت كل عمره شمعة و ضاوية ابالي
يموت ** يموت


خادم الحسين / علي موفق القزاز
https://t.me/mola_ahmed88

كربله وذيج الخرايب. شيبت راسي اشكثر
راحه ما شفت بحياتي. وضاعت اسنين العمر
ورم امن الضيم كلبي. وبين اعليه الكبر
امن الدمع نكعت عباتي. وزورك امتوني الشمر
اه يزينب اه يزينب اه
*
راحت وياك المحنه. وانه بفراكك متت
اختك وحكي امن اعتاب. وتدري بطباع الاخت
اشعاجبك من الحوافر. حته جواهن نمت
امن الشمس يحسين اشوفك. خويه حيل اتغيرت
اه يزينب اه يزينب اه
***
ينكسر كلبي امن اكولن. خويه والخويه دوه
والله دنيه الفركتنه. وخويه ما متنه سوه
انه وانته بريه وحده. جنه نشتم الهوه
بفركتك ضهري كسرته. وخدي بدموعي انجوه
اه يزينب اه يزينب اه
*
انه اعرفنك تحبني. ومن اون كلبك يون
كمت كل غروب خويه. اشبك اهدومك وحن
ذكره ذكره كلبتهن. وخضر بروحي الحزن
انجان مو يمكم يخوتي. بالنجف خل اندفن
اه يزينب اه يزينب اه
**
ضاكت بعيني الوسيعه. وصدري كلش مختنك
انه والعباس اخيي. جنه ابد ما نفترك
ردته يكعد حته اشوفه. بعينه المتون الزرك
بسطر العين ارد اكله. وجف اديه المحترك
*
ايغمض عيوني اريده. ويمشي وي اجنازتي
امنيتي ابو فاضل يجيني. وهوه يحضر دفنتي
اخر اللحضات هايه. وراح افارك دنيتي
امنيتي اعوف الشام كله. وندفن بين اخوتي
اه يزينب اه يزينب اه
*
تمت
تحسين الخفاجي..
https://t.me/mola_ahmed88

قصيده رقم (5)
للأمام المهدي (عليه السلام)

ربي سترك شو رجف دلالي
والله خايف ما اشوف الغالي
انه خايف من يمر ساكن بوسط الگبر
وأبو صالح دوم شاغل بالي
------------------------ (١)
گلبي بضلوعي رجف
بعيني تتراوه النجف - شفته گبري
صوت أسمعنه نتهت
وأسنيني كلها تعذرت- فاني عمري
لا قميص ولا خبر
جاني من المنتظر - يشفي صدري
شيبت صدر النهر
بالرسايل والصور - المهدي يدري

روحي لو بيدي أوديها دمع
وبين چفينه أموت من الدمع
الموت بچفوفه ذخر ساكن بوسط الگبر
وأبو صالح دوم شاغل بالي
----------------------
(٢)
حيل أسدنها الأذن
من يمر طاري الدفن - وأبچي سكته
والله خايف من أموت
المهدي من عندي يفوت- وماحضنته
ربي تدري باللحد
گلبه عالعاشگ للبعد - يا وحشته
ربي عجل بالوصال
عمري خلصته تعال- وما لمحته

ربي بس هالجمعه ما رايد عمر
بلكت أحضه بشوفته قبل الگبر
شگد قريب وما يمر ساكن بوسط الگبر
وأبو صالح دوم شاغل بالي
-------------------------------
(٣)
چني طير بلا جنح
وخايف يطر الصبح- بلايه هيبه
الجمعه تگشخ يازمن
بالحبيب أبن الحسن-كله طيبه
يمته أسمع بالفرج
من سجن همه خرج-جايب حبيبه
العدل زارع ورد
ويدعي للمهدي يرد-حامل نصيبه

ربي مظلوم العدل رايد سند
تغير الميزان والباطل صعد
رايد الحگ ينتصر ساكن بوسط الگبر
وأبو صالح دوم شاغل بالي
--------------------------
(٤)
ربي بس لحضه بحلم
كون اشوفه بلا علم-أقسم أرتاح
نفسي تطهر لو تمر
عيني بعيون الطهر-أذنوبي تنزاح
أنه عايش عالأمل
أتنفس بريتي العجل-عايش أجراح
يمته أترك صفنتي
وبيدي أشيع دمعتي-بزود الأفراح

هم يجي هاليوم وأسمع بالسمه
أستقبلو يا ناس يوسف فاطمه
ربي حققها أنتظر ساكن بوسط الگبر
وأبو صالح دوم شاغل بالي
----------------------
(٥)
كل خميس أنوي السفر
الكربله ويم النهر -بلكت الگاه
گلبي. يا عالم يحس
المهدي واگف بالشمس -ينادي ويلاه
ضامي ياجد تنذبح
وغافي بحضان الرمح-صعبه ينساه
كلت أواسي دمعته
وأگعد أبچي العمته-وأنعى وياه

گلبي يعلم عالنهر محبوبي
والله ما شوفه أنا منذنوبي
أذنوبي حاجر للطهر ساكن بوسط الگبر
وأبو صالح دوم شاغل بالي
-------------------
رقم الهاتف
محب الحسين عباس چاسب العبودي





رادود حسيني
قناة لتعليم طرق تنوع التلحين للقصائد الحسينيه بأستخدام المقامات الصوتيه خدمتآ لسيد الشهداء (عليه السلام)

معرف القناة
https://t.me/mola_ahmed88