الشاعر مرتضى حرب

قصيدة واقاسماه


انه أم الما مشه ابوكت الحرب حافي

نخيته وشال راسي الشايله اجتافي

انه الكترت حنته ابسيفه كتر روس

هجم واتخوصر ابثاية المتعافي

گتله افزع وراح اتصنت اعله الجيش

قاسم جيش اريده ايصيحلك كافي

إشْتعل خـ نكشخ اگبال الحسين ادلال

تره ايفشل الدلة الموگد الطافي


وا قاسماه .. وا قاسماه .. وا قاسماه


اشحلاة ادموعي من تنزل اگبال حسين

وزينب تنعه يمي ابصوتها الدافي

وارفع راسي من ايصيحلي العباس

خويه ابنچ خبطهم واهوه ظل صافي

على الزامطو عمك يمه كاشخ روح

ومنهم جيب روس وعگل واچفافي

مثل باب الحسن فك عينك اعله الحيش

يتعير الزلمه الـ بالحرب غافي

اريدن عمك ايشوف الدمه محنيك

گبل ماتطلع الحيهم من اشفافي


وا قاسماه .. وا قاسماه .. وا قاسماه


وگبل لا دمع زينب على حسين ايطيح

اريد ايطيح دمعي وفاچده اتسمه

اريدن من اسولف فخر مني ايفوح

انه أم الـ بالحرب طايح گبل عمه

افزع وأصرخ ابوجه الزلم والريح

صوب اخيام زينب ماتمر نسمه


وا قاسماه .. وا قاسماه .. وا قاسماه


يمه حسين ثورة ايريد دم ولسان

والزلمه الثجيل ايسولف ابدمه

واهي لزمة شوارب والحسين ايريد

زلمه وانا اعرفك كل صبع زلمه

استغلوا گطعة انعالك ووصـلوا ليك

العلـم لـو مـا إيدنگ محد ايلـزمه

_________________________

كلمات الشاعر ; مصطفى حرب
اداء المهوال ; مرتضى حرب

قصيدة عماتك بدرب السبي

عماتك بدرب السبي
واليحدي بيهن اجنبي
ومعاند السوط العبي

والليل ... والليل خوفهن
والليل .. والليل خوفهن


ياسيدي عندك جرح
ماريد ألچمك واعتذر
بيا حالة صارت حالتك
يوم الخذوا أم الخدر
عالناگه صعدوها ومشت
واليحدي بظعونك شمر
ياهو أصعب العندك تحس
وجه الصبح وجه العصر

جرح العصر بعد الذبح
لونظرة السوك الصبح
حاچيني يا أعظم جرح

لو ذاك ..
لوذاك من سبهن

والليل ..
والليل خوفهن

_________________________

الله اليعينك سيدي
كلساعه عنـدك كربله
وتشاهد ابعينك ذبح
أهلك ضحايه وبالفله
وچم حافر الوشم طفل
وما يندل إيروح الاهله
وچم وحده رگضت عالجمر
علويه وسفة امدلله
يالوعتك ذاك العصر
چم طفله رگضت عالجمر
ونسوانكم گامت تفر

والنار ..
والنار تحرگهن

والليل ..
والليل خوفهن

_________________________

آنه ادري عايش وحدك
متغرب وما لك سكن
يعگوب بس يوسف فگد
وعيونه ما ظلن عمن
چا شنهو حالك سيدي
بيوم العلاوي اتيسرن
وكلساعه لو مر العصر
تسمع خواتك لو بچن

يعقوب يدري ابنه عدل
يبچي ولا ساعه يمل
وانته گضوا أهلك چتل

والصار...
والصار تعرفهن

والليل ..
والليل خوفهن

_________________________


ألمن تروح الكربله
واديره وجهك ياكـتر
عالمشرعه اتشوف العلم
طايح عموده ومنكسر
الحسين ماترفع بصر
تصور اشلون الشمر
واتدوره وجهك للخيم
ونيران بيها وتستعر
عالتل تروح العمتك
واتجاري ونها ونتك
وبالكاع تحفر دمعتك

وتصيح ..
وتصيح ياهو الهن

والليل ..
والليل خوفهن

_________________________

الما شافهن حته العرف
يمشن سبايه ويالغرب
كلساعه لو عثرت مره
ايگومها ابأسفار الضرب
للشام حين الي مشن
صار السبي اشطوله الدرب
والكلفه عندك سيدي
للمجلس الحره تطب

مجلس يزيد المشكله
طبت أسيرة أسيرة كربله
وصوت الدعيه من عله

چا وين ...
چا وين كافلهن

والليل ..
والليل خوفهن

_________________________


الشام آه يالوعتهه
مابيها ناصر بس عدو
بالسوگ دخلونه الصبح
وصاحوا علينه اتفرجو
ياوسفه زينب تنسبي
العدها مثل عباس أخو
ابنص الخرابه من صفو
اشتاگت رقيه للأبو

آ يا لخرابه ولوعتي
صاحت رقيه عمتي
بس الأيتام ومحنتي

وشلون ..
وشلون أنومهن

والليل ..
والليل ... خوفهن

______________________

كلمات الشاعر - علاء شهيد الحجامي

اداء - مرتضى حرب

قصيدة الوصيه مكتوبه

بس أم الوفاي
ذبت چـلمه وگـالت بيها
زينب بعيونك خليها

كلهن ذبن ماي ... كلهن ذبن ماي


وره كلمن راد يطلع ماي ينذب عاده
وفاطمه ذبت وصيه ابظهر عم الساده
وزينب افترت عليها وضحكت اخت القاده
اتگـلها عباس اعله مودي أخذ حته اولاده

عباسي معروف . مايعرف الخوف . يتمنى السيوف . يلزمها بس
تگلها انتي تدرين . يا ام البنين . بخيام الحسين . يوگـف حرس

اشگـد اصفن مرات
بعيونه الحلوات

يايمه ازعل لوگـلتيها
زينب بعيونك خليها

________________

وليدي تارس عين زينب فدوه اروح الشاربه
وليدي غير حسين فارس ماكو واحد عاجبه
وليدي كل اهلال عيد اتمنه دورة حاجبه
وليدي حته الفرس ماله يعرگ امن انعاتبه

من چـنت اناغي . وبحضني اخلي . لوحس اجت لي . زينب وگـف
زينب لونها . عون ابحضنها . ايغار امن ابنها . هيچ انعرف

ماتغمض عيناه
لو ماتحچي وياه

وي كل لفة اگـماط احچـيها
زينب بعيونك خليها

________________

آنه امه وشوف منه والله ماشبعانه
اشتاگله ولو ردت اشوفه آنه اعرف امچانه
الباب خيمه زينب امشي امكيفه وفرحانه
ولو لگـيته ايگـلي يمه آنه اروح اهنانه

وليدي إبن الفحول . يشبگـني ويگـول . يمه آنه مسؤول . عن الخدر
گلي الهوه شلون . تشتمك ام عون . وانته اليشمون . بيك اشكثر

تعود أبني وگام
اباب الخيمه اينام

گـتله ابچـلمه وماناسيها
زينب بعيونك خليها

________________

يوم گـام حسين بيده ايرجب ابنياته
وطلعوا وظلت رقيه اتمشط ابشيباته
وصار چـن سبحة الزهره الظعن يامحلاته
وگمـت آخر شي اشوفه بالظعن ريشاته

كلما ظعنهم . يبعد احسهم . هذا سفرهم . يلچمني احس
ماي وتبديت . گـوه امشي رديت . وبصدري حسيت . ضاگ النفس

يادار اتطيحين
كون ابفرگـة حسين

ظلت احچاياتي انعيها
زينب بعيونك خليها

________________

آنه وبنيتي العليله ابدارهم ظلينه
نكسر الخاطر وحيره ابضيمنه احتارينه
ياهوه حالتنه گـلهم وين وصلت بينه
الطير من ننطي رسالة ايگـوم يبچي اعلينه

تگـلي العليله . انه نحيله . وعبدالله اشيله . عنهم ردت
ليش اتركوني . وما صعدوني . بس بعيوني . انظر گـمت

چا ما گالوا ليش
بتنه اشلون اتعيش

اشلون ابلياهم نگـضيها
زينب بعيونك خليها

________________

يمه بلله انتي عليله وعالسفر ماگـادره
صاحيه آنه وماخذوني جي احبهم صابره
البارحه بالطيف جني شفت زينب حايره
وشفت جن احسين واگـف وإيديه فوگ اخواصره

شو چـنه محتار . كلساعه تندار . عينه اعله الصغار . وعله النهر
اتراب ابلحيته . گوه مشيته . الظهري حنيته . ايكل للگمـر

چن عالـگاع اچـفوف
راعيهن معروف

وعيون الدم امغطيها
زينب بعيونك خليها

________________

كلمات واداء مرتضى حرب

قصيدة ام عون مكتوبه

وعلي لو زينب نختني بضيجهه

الا اهد والخيل ايبس ريجهه

ولون تنخاني ام عون ٭ إلا اخلهم يبچون

ابوفاضل٭ ابوفاضل٭ ابوفاضل٭ ولنعمـ




ولو نختني ام عون اهدن .. واطوي گاع الله طوي
حرورة مني الشمس تاخذ .. إلا اچوي الطف چوي
على الملگى يفور گلبي .. فورت ادلال ابدوي
راح اطب مفرع الها .. وانتي صيحي الجوي
مثل امي شلون تنكت بالهدمـ
هيچ اكض الطف وانكته من الزلمـ

مني وين يشردون! .. .. إلا اخلهمـ يبچون



ابوفاضل٭ ابوفاضل٭ ابوفاضل٭ ولنعمـ


شنهي ذول ام عون شنهي !. غير اخوچ يشم هوه
ما اجر سيفي عليهم .. تكفي عصاة اللوه
زينب اوديلي كلما اهد فنجان اگهوة
وشرط من دلال اخوي .. حسبي اخيج لو روه

لو شرب منچ وراح الدوره
طگته راح اتصير بيهه مروره

بيهمـ يضيچ الكون .. .. إلا اخلهمـ يبچون



ابوفاضل٭ ابوفاضل٭ ابوفاضل٭ ولنعمـ



حسبي ماكو طف انتهى الطف .. بيدي لو اكض الرسن
ينخسف ظهر المطهم .. لو خواتي هلهلن
من اغيرن راح الچهمـ .. بيدي واطحنهم طحن
وهد ابو فاضل ويسمع صوت لن من الوطن

ثاري صوت ام البنين اتريده
يحطهم ويعصرهم بچف إيده

گلهه إي ينعصرون .. .. إلا اخلهمـ يبچون



ابوفاضل٭ ابوفاضل٭ ابوفاضل٭ ولنعمـ



فل رسن المطهم وهد .. غدت بالطف ضغبره
چيم گام بسيفه يكرف .. كرف وترد ليوره
الحومه حط سيفه حدرهه .. وذبهه يم الآخره
بعصبة ام الخدر ثاري .. من طلع شد اظهره

شما بسيفه اتشوف طارت هامه
العصبة تنضب حيل فوگ احزامه

لعصبة اختي ممنون .. .. إلا اخلهمـ يبچون



ابوفاضل٭ ابوفاضل٭ ابوفاضل٭ ولنعمـ



امچان ماضل بجهنم ..طفحت خيل وبشر
اتگله كافي مچان ماكو .. گلهه خل تاخذ سقر
حشمت طفحت وادم .. شيل إيدك يالگمر
وگلهه ماكو اليوم فكه .. سيفي إگرابه انكسر

هلهلتلي ام عون واشتد حيلي
ياجهنم زلم عبي وشيلي

اليومـ انبشه المدفون .. .. إلا اخلهمـ يبچون



ابوفاضل٭ ابوفاضل٭ ابوفاضل٭ ولنعمـ


التفت يمنه وشاف الاكبر.... كله ها عمي اشحصل كله عمي ايكول ابوي .....الدم للمخيم وصل اتبسم العمه اخو اسكينه .....التفتو وشافو نخل فارس ابخاجيته يومي ..... ايصيح شنهي السيفي ضل !
ثاري هذا حسين البخاجيته ... ايصيح شنهي السيفي جا خليته

لسيفي خل چم مليون .. .. إلا اخلهمـ يبچون


ابوفاضل٭ ابوفاضل٭ ابوفاضل٭ ولنعمـ


وراح ابوفاضل لاخيه .. بگصته باسه وشمه شم
حسين هم حبه عله صدره .. وشبگ شيال العلم
وكله خل انهد سويه .. وشاف الحسين ابتسم
وهدوا وعل غاضرية .. سيوفهم نفخت حمم

حسين والعباس طبوا ليهه
چا الليلة الحومه شيضل بيهه!

العرك شد ويهوسون .. .. إلا اخلهمـ يبچون



ابوفاضل٭ ابوفاضل٭ ابوفاضل٭ ولنعمـ




اداء وكلمات / مرتضى حرب

هاي السنه مراح امشي من البصره مثل كل سنه

راح امشي من الامام الكاظم عليه السلام ل كربلاء

اسٱل الله العلي العظيم ان يتقبل هذا العمل بٱحسن قبول

وان يحشرنا مع اصحاب الحسين عليهم السلام

طلب من صديقة القناة

قصيدة ابني من تحارب

ابني من اتحارب . صير كلك شارب
ورفرف اگبال عمامك بالحرب
_______________________

گلهم انه ابن المضيف العامر
وعندي عم ريشاته تچوي الطاير
سيفي ينهه اعله الرگاب ويامر
چفي طابع بالخدود وساطر

يمه اريد اخدودهم . ماتظل بوجوهم

يــبن غلاب الزلم لاتنغلب
ورفرف اگبال عمامك بالحرب
_______________________

حار اريدك من تطب للحومه
الگابلك ماتظل فوگه اهدومه
مثل جدك صير كلفه اعلومه
الخصم طلع روحه من زردومه

الحومه گصر طولها . واحصد ابمحصولها

اسحگها خليها عليهم تنگلب
ورفرف اگبال عمامك بالحرب
_______________________

الجيش حطه ابدائره وظل طوفه
وخله سن ابسن يطگ من خوفه
ايصيح طبلها المحني اچفوفه
سوه شگ بالجيش يصعب روفه

من تصول اعليهم . اخبطهم وبديهم

الزلم خليها اعله سيفك تنصلب
ورفرف اگبال عمامك بالحرب
_______________________

فوت للمعركة وايدك شيلها
وصيح حصتي الزلم هيه وخيلها
والحلوگ الزامطت ياويلها
الحرب ساعه وسوي سيفك ميلها

كون اريدك هيبه . من تصير النيبه

الزلم تختل بالزلم لمن تطب
ورفرف اگبال عمامك بالحرب
_______________________

كلمات الشاعر : مصطفى حرب

اداء : مرتضى حرب

@mortedaHarb3

طلب من صديقة القناة

قصيدة انه دامي مكتوبه


آنه دامي.. كلامي.. سلامي
ودو لحسين
ماكو ناصر.. اكابر.. اناطر
ريشات اثنين
حاوطوني.. ولوني.. خذوني
مگيد الايدين
_______________

اصيح....وتكبر الحيره
غريب....وشحت الغيره
كلام....ابعيني تفسيره

يفزعكم حچي عيوني
هلي لحگو يگلكم
هلي من مرورة الغربه
الله لا يضوكم

ياغربتي.. وگفتي.. نظرتي
متروسه شلون
ناده صوتي.. تچوتي.. يـخوتي
لا تتعطلون
بهذا حالي سؤالي خيالي
هسه انتم وين
_______________

سلام.... الكل هلي أخذ الهم
يريح.... وبالخبر گلهم
وحيد.... امتاني فزعتهم

عيـوني اعله الدرب هلبت
اشوف اخيولهم تجبـل
واصيحن حي ابـوفاضل
يـبن عمي الهضم يكتل

لوشفتهم.. اشمهم.. اگلهم
انه الغدرو
يهلي صعبه.. اطلبه.. اشربه
ماي ومنعو
وانه ذابل.. احاول.. اقاتل
ماعندي امعين
_______________

حسين....الحگ تره فزعوا
عليــه....كلهم التمـوا
واگول....اشلون لو وصلوا

انه من كل كتر دمي
وگلبي كله يم حسين
خايف راد شي مني

گلبي يمه.. الزمه.. اكلمه
ويگلي ايطيح
يبقه وحده.. يوسده.. يسنده
محد ويصيح
يابو ضعني.. تخلني.. يحني
دمي الچفين
_______________

شفت....بعيونهم ذبحك
چفوف....اتچتف ابصبحك
صحت....ياخويه ياجرحك

انه بعيونهم يحسين
شفت طفك اولوعاته
اخيي گلت ياوسفه
الدم ايحني شيباته

كلشي شفته.. حسبته.. عرفته
بحسين ايصير
شهگه شهگه..تسحگه.. تخنگه
الخيل امن اتغير
والمصيبه.. عجييه.. غريبه
اتصير انساوين
_______________

هلي....اخباري اذا جتكم
بقت....تجي مدامعكم
إلي....بنيه ابضعينكم

اطيت اوصافها الطوعه
گلت إلها إذا وصلت
دليها على گبـري
تره من السفر تعبت

من تجيني.. حنيني.. ونيني
اعله ابنيتي ايزود
ياهضيمه.. يتيمه.. حريمه
الوالد مريود
ايگلها نحري.. يعمري.. ابشري
تريد تلعبين
_______________

لهله....مسلم وصل عِلمه
الزلم....فوگاه ملتمه
الهوه....العباس ماشمه

ظل ايحوم ابوفاضل
من زعله يسد چفه
مسلم ينولي وانه
أشم الهوه ياوسفه

ياهو شاله.. بچاله.. سؤاله
چان العباس
الهضمني.. فگدني.. ندبني
بآخر انفاس
والله كلفه.. يوسفه.. يچتفه
بيده الموزين
_______________

كلمات واداء: مرتضى حرب

@mortedaHarb3

من بعد ما فوكها اندار التراب
غوبرن ضوياتي واتعسر هواي

جوهره ودفنوها من دون اكتراث
والمصيبه اكبالي ما دفنوا وراي !

الٱنيق مرتضى الميالي