بسم الله الرحمن الرحيم

[ يا مَلْك الروح ]

يا مَلْك الروح ... شبِّعني جروح
عيّشني طَفْ العاشِر ... خلّيني احِس بالحافِر
يا مَلْك الروح
___

روحي مُلْكك كَلبي بايدك عَلْمَه يعشَكَ
شكَد تِمَنَّه هَالحَوَافُر بيّه تسحَكَ
بجّي عَيني وخلّي كَصتي بحَجَر تنطَكَ
أمِس كِلها وانته باجر شلون تعتَكَ !

وتكَول العَين ... ميموت حسين
تحجي بدمعها الفايِّر ... خلّيني احِس بالحافِر
يا مَلْك الروح
___

جوّي ذاتي بنار خيمة مِنْ خِيَامَك
أذّي صدري بأثر رَمْيّة مِنْ سِهَامَك
جِدمي رَكْضَه بهيمة وحشة وَيْ يِتَامَك
جسمي كََطْعَه بسيف حُبَّك وبغرامَك

ذرّيني تراب ... أعمي الأجناب
خلّيني أعمي الكافِر ... خلّيني احِس بالحافِر
يا مَلْك الروح
___

شما أنوحن وابجي حِرْكََة واطفي شمعي
ما يوفّي دمعة وِحْدَة هذا دمعي
إنطيت اصبعك ردت تِضْمِن بايدي اصبعي
إنداس ضلعك حتّه سالِم يُبْقَه ضلعي

مسلوب وحِيد ... تسترني تريد
يا مَنْ عطائَك زاخِر ... خلّيني احِس بالحافِر
يا مَلْك الروح
___

إنته كوثر بس عجيبة تعطش الماي !
إنْصَهَر جسمك حتّه يوصل النه الفياي
دلّلتني بجال خيرك كِلِّش اهواي
وافتخاري آنه عبدك وانته مولاي

خادم مجنون ... وآنه الممنون
اليوم وأمس وَيْ باجِر ... خلّيني احِس بالحافِر
يا مَلْك الروح
___

لوما دمّك السّال منّك تاهت الناس
لوما راسك يرفعه عاسل انْدَنِّكَ الراس
الخوّة ماتت وانته ضحّيتلها عبّاس
حسين إنته نعمة الله شلون تنداس ؟!

صدرك مرضوض ... ينشم مفروض
جي عَظُم صدرك كاسِر ... خلّيني احِس بالحافِر
يا مَلْك الروح
___

جبت طفلك بي تحافُظ دَمْ الاطفال
إرْفَعِت دمّه وصار قدوة لكِل الاجيال
جم شِبِل قدّمته حتّه توعّي الاشبال
تضحياتك موش كلمة بحَلِكَ تنكَال

أكبر بهواي ... مِنْ طَفْ وماي
يمعَجِّز شجم شاعِر ... خلّيني احِس بالحافِر
يا مَلْك الروح
___

لهسّه طفّك باقي بَعْدَه بكِل عَزيمة
لهسّه مُهْرَك باقي يصْهِل بالظَليمة
اخيامك انته احْتِرْكََن وصرت النه خيمة
وباجر ابنك يظْهَر بدولة كريمة

ياخذ بالثار ... ويطفّي النار
ويلَّبْي [هل مِنْ ناصِر ؟!] ... خلّيني احِس بالحافِر
يا مَلْك الروح


الحَمدُ لله والشكر والفضل والمنّة
[ هَذَا مِنْ فَضْلِ رَبِّي ]
بركات الكفيل سلام الله عليه
#رزقهم_سلام_الله_عليهم
حيدر الموسّوي