Kimningdir qalbiga yo'l topdik mana -
Kimning yuragida g'ashlik, izsizlik,
Kimlarga Do'st bo'ldik kim kechdi yana,
Bizdan kechganlarga qutlug' bizsizlik!

Birga bo'lmoq uchun kimlar qildi or,
Yo kichik ko'ngli ham bizga keldi tor,
Gap-so'zlar, istaklar oxir qilmay kor,
Bizdan kechganlarga qutlug' bizsizlik!

O naxot shunchalar tekkandik jonga,
Suxbatlar qurardik tun ulab tonga,
Do'stlik xalal berib sharaf-u, shonga,
Bizdan kechganlarga qutlug' bizsizlik!

"Yomon" - dedilar xa afsus yomonmiz,
Yaxshilik bizda yo'q Yomon tomonmiz,
Omon bo'lsalar bas! Biz ham omonmiz,
Bizdan kechganlarga qutlug' bizsizlik!

Og'ir kunlar keldi o'girdilar yuz,
Yaxshi kun kelganda qilib yuzsizlik -
Biz tomon qaytdilar deyolmay afsus -
Bizdan kechganlar qutlug' bizsizlik!