ﻳﺘﻴﻢ
ﺗﻮﻓﻴﺖ ﻭﺍﻟﺪﺗﻪ ﺑﺎﺣﺪﻯ ﺍﻟﺤﻮﺍﺩﺙ
ﻓﻠﻢ ﻳﻜﻦ ﻟﻬﺎ ﻗﺒﺮﺍ ﻟﻴﺰﻭﺭﻫﺎ
ﻓــﻜﺎﻥ ﻳﺠﻠﺲ ﻳﻮﻣﻴﺎ ﺑﺎﻧﺘﻈﺎﺭﻫﺎ ﻋﺴــﻰ ﺍﻥ ﺗﻌﻮﺩ
ﻳﻮﻣــﺎ ﻣــﺎ ﺟﻠﺲ ﺍﻣﺎﻡ ﺻﻮﺭﺓ ﻟﻮﺍﻟﺪﺗﻪ
ﻭﻗــﺎﻝ : -
ﻳﻤﻪ ﮔﻤﺖ ﺍﺣﺴﺪ ﺭﻓﻴﺞ ﺍﻟﻌﻨﺪﻩ ﺍﻡ
ﻳﻤﻪ ﻣﺨﻨﻮﮒ ﺑﻌﺒﺮﺗﻲ
ﻳﻤﻪ ﺍﻣﺴﺤﻴﻠﻲ ﺍﻋﻠﻪ ﺭﺍﺳﻲ
ﺣﻴﻞ ﻭﺣﺸﻪ ﻭﻏﻴﺒﺘﺞ ﻣﺎ ﺗﻨﮕﺤﻢ
ﺭﺍﺡ ﻭﮔﺖ ﺍﻟﻤﻐﺮﺑﻴﻪ
ﺍﻟﺠﻨﺖ ﺍﺧﻠﺼﻨﻪ ﺑﺪﻋﺎﺋﺞ
ﻭﺍﻟﻠﻪ ﺯﺣﻤﻪ ﻭﻋﻴﻨﻲ ﻣﻦ ﺷﻮﻓﺔ ﺻﻼﺗﺞ ﺗﻨﺤﺮﻡ
ﺭﺍﺣﻪ ﻣﺎﻣﺮﺗﻠﻲ ﺑﻌﺪﺝ
ﻭﺭﻭﺣﻲ ﺗﮕﻀﻲ ﺍﻟﻠﻴﻞ ﻛﻠﻪ
ﺍﻋﻠﻴﺞ ﺑﺲ ﻧﻮﺡ ﻭﻟﻄﻢ
ﻭﺣﮓ ﺍﺳﻤﺞ ﻳﺎﻟﺤﻨﻴﻨﻪ
ﺣﻴﻞ ﺳﻼﻧﻲ ﻏﻴﺎﺑﺞ
ﺑﺎﻗﻲ ﺑﺲ ﺟﻠﺪ ﻭﻋﻈﻢ
ﻳﻤﻪ ﻳﺘﺮﺍﻭﺍﻟﻲ ﻃﻮﻟﺞ
ﻭﺿﺤﮕﺘﺞ ﺫﻳﺞ ﺍﻻﺣﺒﻬﺎ
ﻭﺫﺍﻙ ﻣﻠﮕﺎﺝ ﻣﻦ ﺍﺟﻴﺞ
ﺍﻋﻠﻴﻪ ﺷﻮ ﻃﺎﻟﺖ ﻓﺮﮔﺘﺞ
ﻳﺎﻟﮕﻀﻴﺘﻲ ﺍﻟﻌﻤﺮ
ﺑﺲ ﺑﺎﻟﺞ ﻋﻠﻴﻪ
ﻭﺍﻟﻠﻪ ﻇﻞ ﺑﺎﻟﻲ ﻋﻠﻴﺞ
ﻳﻤﻪ ﻳﻮﻣﻴﻪ ﺍﻧﻪ ﺍﻧﺎﻃﺮ
ﺑﻠﺠﻲ ﻃﺎﺭﺵ ﻳﻠﻔﻲ
ﻭﻳﺪﻟﻴﻨﻲ ﺑﻴﺞ
ﻳﻬﻼﻝ ﻋﻤﺮﻱ
ﺍﻟﻤﺎﺍﺿﻨﻪ ﻳﻬﻞ ﺑﻌﺪ
ﺣﻴﻞ ﻣﺎ ﻇﻞ ﺍﻋﻠﻪ ﻓﮕﺪﺝ
ﻛﻠﺸﻲ ﺑﺨﻼﻓﺞ ﺑﺮﺩ
ﻭﮔﺮﺑﺖ ﺳﺎﻋﺎﺕ ﻣﻮﺗﻲ
ﻭﺩﻣﻲ ﺑﻌﺮﻭﮔﻲ ﺟﻤﺪ
ﻭﻓﺮﺣﻪ ﻣﺎﻣﺮﺗﻠﻲ ﻓﺮﺣﻪ
ﻭﺣﺰﻧﻲ ﻛﺎﺑﻠﻨﻲ ﻭﻛﻌﺪ
ﻭﺍﻟﻤﻮﺕ
ﺍﻟﻤﻮﺕ ﻣﻮ ﺯﻟﻤﻪ ﻳﻴﻤﻪ
ﺑﺎﮔﺞ ﻣﻦ ﺍﻳﺪﻱ ﻭﺷﺮﺩ

#النعيميْْ