اقدم لكم نفسي ..

أني فد واحد رسام مجنون صوتي كلش عالي مو بأيدي هيج اجيت ع دنيا صوتي مزعج ويمكن موحلو من أغني ..مرات من اعطس الناس تفز واكو اشخاص يصيبها ذعر والغريب انه يكومون يدعون عليه بدال مايكولون "يرحمكم الله" ماصار هواي من أجيت عالدنيا مااعرف منو ابويه وأمي .أعتقد والله أعلم اني لقيط..! كل الي اعرفه اني فتحت عيني لكيت نفسي اتمشه بشوارع بغداد..وكل مااروح بمكان الناس تركض وتنهزم مني.. هوه صح اني مشايف نفسي بالمرايه بس مااعتقد شكلي لهلدرجه يخرع