عيد الأضحى

يوم مميز عند جميع المسلمين وفيه فرحة مميزة عن باقي الايام و الاعياد وانت كـشخص مسلم و فرحان هذا من حقك لاكن متنساش انك مسلم و تحب لي أخيك ما تحب لي نفسك و هذي قالها الرسول عليه السلام يعني اقل شي بما انك متقدرش تساعد الناس فوت التصوير الأكل ره في صغار حيشوفو وفي اباء و امهات انت هكي حتحسسهم بنقص و انه حياتهم و فرحتهم مش زي الناس وتعرف الوضع المادي عندهم و تقصير الدولة و زي ما انت متحبش تحس نفسك ناقص او الناس خير منك متخليش غيرك يجرب الشعور هذا ع شان صورة اكل هوا في ناس عيونها شبعانه قبل بطنها لاكن مع ذالك حتخليه يتسال علاش هكي العيل يقول ليش بوي مقدرش يوفر و أب او ام يقول ليش مقدرتش نوفرلهم و مفرحتش صغاري ويبدا يلومو ف انفسهم

الخلاصة متكسرش خاطر حد حتى ولو كان شي عادي و بارك الله فِ الجميع

علي الشارف ✍🏻