Tugallanmagan she'rlarimdan...
•┈•┈•┈•┈•❁✿🦋✿❁•┈•┈•┈•┈•

Qara qancha vaqt o'tganini,
Qancha yilni boy berding mensiz.
Seni qancha baxtli etishim
Mumkin edi azizam, esiz...

Oy aksiga berkinding ming yil,
Seni koinotdan izladim.
Qish qariga qochding qor bo'lib,
Terskaylarda qoldim. Muzladim.

Bug' bo'lding-u uchding falakka,
Bulutlarni aylading makon.
Ko'kning menga raxmi keldi-yu
Yana qayta ato etdi jon.

Shamol bo'lib quvdim ortingdan,
Yuzing burding va yana qochding.
Yetay deganimda to'satdan,
Chaqmoq bo'lib g'azabing sochding.

Tomchi bo'lib qaytdim tuproqqa
Maysalarning yuzin siladim.
Va bu qilgan "gunoh"laringga,
Jannatlardan jazo tiladim.
2020. 08-may.

✍🏼Fazliddin Murod
•┈•┈•┈•┈•❁✿🦋✿❁•┈•┈•┈•┈•

T.me/Fazliddin_Murod