#Komila_ayol
📍
OSIYO BINTU MAZOHIM
Sayyidai Osiyo (r.a.) Fir’avnning ayoli bo‘lib, Allohga, Musoning rasulligiga iymon keltirganlar. Fir’avnning dinidan qaytganlar, uning zulm va alamlariga chidaganlar. Sabr va matonat bilan Alloh yo‘lida shahid bo‘lgan ayoldirlar.
🖇 Tahrim surasining 11-oyatida: «Alloh iymon keltirgan zotlar (va ular o‘zlari haqiqiy mo‘min bo‘lsalar, yaqin odamlarining kofir holda bo‘lishi ularga ziyon qilmasligi) haqida" Fir’avnning ayolini misol keltirdi.
Payg‘ambarimiz (s.a.v.) ham uni maqtaydilar, Osiyoni ahli jannatdan ekanliklarini aytadilar:
🤍 «Erkakla
rning komil imonlilari ko‘p, lekin ayollarning ichida imoni komilroqlari Osiyo va Maryamdir»,
🤍 «Ayollar ichida ahli jannatning afzallari Xadicha, Fotima, Maryam va Osiyodir», deganlar!
Firavn xotinini huzuriga chaqirib:
- “Mendan boshqa ham Rabbing bormi?”
-“Ha, u mening Rabbim, sening Rabbing va barchaning Rabbisi – Allohdir, men unga ibodat qilaman”, deb dadil javob beradi.
Shunda Fir’avn askarlariga buyurib, Osiyoning qo‘l-oyoqlariga qoziqlar qoqtiradi. Quyosh jaziramasi ostiga qo‘yib azoblaydi. Ustiga ulkan toshni bostirib, qiynaydi. Shu bilan Allohga bo‘lgan imonidan qaytarishga urinadi. Lekin Osiyo xonim Fir’avning bu taklifga aslo ko‘nmaydi. Osiyo azoblanar ekan,
Allohga duo qildi:
🤲 “Ey, Robbim! O‘zing men uchun huzuringda (jannatda) bir uy bino qilgin, menga Fir’avn va uning qilmishidan najot bergin. Meni zolimlar qavmidan xalos etgin”, dedi.
✍🏻 Ulamolar bu duo xususida shunday deydilar:
Alloh taolo bu duoni ijobat qildi. Osiyo osmonga qarab, shu onda, samoda, jannatda o‘ziga bino qilinayotgan qasrni ko‘rdi. Qasr dur-u gavharlardan edi. Bu manzarani ko‘rib, xotirjam bo‘ldi va azoblarni unutib, tabassum qildi. Ayonlarining hayratini ko‘rgan Fir’avn battar g‘azablandi. Osiyo xonim ustiga ulkan toshni qulatishganida, uning pokiza ruhi allaqachon jannatga olib chiqib ketilgan edi. Ulkan tosh jonsiz jasad ustiga tushdi.
Hazrati Osiyoning shijoati, jasorati va sabot-matonati hamda Allohga bo‘lgan mustahkam imon va e’tiqodi barcha mo‘min va mo‘minalarga yuksak bir ibratdir. 🌸
@Muxlisa_Abdukodirova_blog