سولف ياليل .. عـن ابن امــي الما ودعــته
سولف ياليل .. وحچيلي الي بعينك شفته
مهدومت حيل ــ.ــ ســـولف ياليل
ـــــــــــــــــ ❁ ❁ ❁ ــــــــــــــــــ

سولفلي وياليل اخبرني عن احوالة
مطروح وعالغبرة امطبر محد شالة
ياليـل ومحـد فازعلة ولم اوصـــالة
لومنك افزعله واســتر طول اعيالة

دمعاتي تسيل ــ.ــ سولف ياليل

✏️✏️✏️✏️✏️✏️✏️✏️✏️✏️✏️

ســـولفلي وياليل اخبـــــــرني عـن العبـــاس
ضل عالغبره اچفوفه انگطعن راعي النوماس
ما يدري الكافل بغيـــــابه الصيـــــوان انداس
وگادونه الماعـــدهم رحمه اولا ذره احساس

شوفونه الويل ــ.ــ سولف ياليل
✏️✏️✏️✏️✏️✏️✏️✏️✏️✏️✏️

ســــــولفلي اوياليل اخبــرني عن الاكـــبر
مشــدوهة بال امـه اخـــلافه وتاهت بالبر
چان بيه اتصــــــارع همها وبيه تتصـــــبر
ضل امــدد برض الحومه اوجسمه امطـبر

ودوسه الخيل ــ.ــ ســولف ياليل
✏️✏️✏️✏️✏️✏️✏️✏️✏️✏️✏️

سولف عن جاسم ياليل وعن طبـــراته
عريس وبالعاشــــــر طـفو كل شمعـاته
بالخيـــمه امــــدد وينوحن كل عمــاته
رمله اتشّيب كل مانضــــرت لصــوباته

تصرخ ياويل ــ.ــ سولف ياليل
✏️✏️✏️✏️✏️✏️✏️✏️✏️✏️✏️

سـولف عـن عبـدالله الباگو احلى اسنينه
ملعونين وگطعو نحـره ابحضن احسـينه
حس بحرورت سهم الصـابه ومـد جفينه
لحسين. وضل شابك صدر اوشابح عينه

رد مابيه حيل ــ.ــ ســولف ياليل
✏️✏️✏️✏️✏️✏️✏️✏️✏️✏️✏️



تمت بعون الله تعالئ،

كلمات الملا الميرزاويه
لا اجيز حذف الاسم

ونسألكم الدعاء،
✏️✏️✏️✏️✏️✏️✏️✏️✏️